"Norvich Siti" bosh murabbiyi Din Smit "MYU"ga qarshi bahs oldidan katta muammoga duch kelishi mumkin. Jamoa hozirda koronavirus xavfi ostida turibdi. Bu haqida bosh murabbiy shunday deydi:
"Bizda COVID bilan bog‘liq muammolar vujudga kelishi mumkin. Shu sabab hozirda test natijalarini kutishga majburmiz. Men ularning ismini ayta olmayman. Ammo bizda virusga gumon qilingan bir nechta futbolchilar bor. Hozirda ularning PSR test natijlarini kutmoqdamiz. Ular o‘zlarini yomon his qilishgan edi.
Chunki ular "Tottenxem" bilan bahsda ishtirok etgan. Afsuski, virus hayotimiz bir qismiga aylanib bormoqda va umid qilamanki, biz bundan tez orada xalos bo‘la olamiz. Menimcha, qo‘llanilgan cheklovlarga amal qilish, kasallik tarqalishini oldini olishning yagona chorasi".
Ma’lumot o‘rnida, "Norvich" avvalgi turni "Tottenxem"ga qarshi o‘tkazgan edi(0-3). "Shporlar"ning bir nechta futbolchisida virus aniqlangan. Hozirda Antonio Konte jamoasi YEKL doirasida "Renn"ga qarshi, APLda esa "Brayton" bilan o‘yini bekor qilingan.