Бугун Англия Премьер-лигаси 19-туридан ўрин олган учрашувда "Манчестер Сити" ўз майдонида «Лестер» клубини қабул қилади.
Мазкур ўйин бошланишидан олдин жамоаларга оид қизиқарли маълумотлар билан бўлишишга қарор қилдик.
Биласизми?
Жейми Варди "Манчестер Сити" дарвозасини жами 8 бор ишғол қилган. Шуларнинг ичида икки марта хет-трик қайд этилганини эътироф этиш керак. Шундай бўлсада, форвард "Boxing Day" кунлари ўтказиладиган АПЛ ўйинларда бирор марта ўз номини таблога ёздириб қўйишни уддалай олмаган. Бугун ушбу қора анъанага чек қўйилиши ҳам мумкин.
"Манчестер Сити" "Boxing Day" кунлари ўз майдонида ўтказилган охирги 8 учрашувдан бери мағлуб бўлмай келмоқда (6 ғалаба, 2 дуранг). Охирги 6 ўйинда кетма-кет ғалабалар қайд этилган. Жамоа сўнгги бор шундай баҳсларда 1996/97 йилги мавсумда "Порт Вейл" клубига имкониятни бой бериб қўйган - 0:1.
"Манчестер Сити" ҳужумчиси Раҳим Стерлинг Премьер-Лига доирасидаги охирги 3 ўйиннинг барчасида гол урди - у охирги марта 2017 йилнинг август-сентябрь ойларида кетма-кет 4 ўйинда гол киритишга муваффақ бўлган.
"Лестер Сити"нинг ушбу қишки байрам кунлари ўтказилган охирги 11 ўйиннинг биттасидагина ғалаба қозонишни уддалаган (2 дуранг, 8 мағлубият). Қизиқарли томони шундаки, биргина ғалаба 2018/19 йилги мавсумда "Манчестер Сити" жамоасига қарши беллашувда қўлга киритилган.
"Манчестер Сити" - «Лестер» учрашуви учун Крис Каванаг бош ҳакам этиб тайинланган.
Учрашув расмийлари
Бош ҳакам: Крис Каванаг
Қанот ҳакамлари: Ҳарри Леннард, Ден Робатан
Захира ҳаками: Девид Кют
ВАР: Пол Тирни
ВАР ёрдамчиси: Скотт Леджер
Тахминий таркиблар
"Манчестер Сити": Эдерсон, Канселу, Диаш, Ляпорт, Зинченко, де Брюйне, Родри, Гюндоган, Стерлинг, Силва, Маҳрез
«Лестер»: Шмейхел, Ндиди, Вестергаард, Бертран, Олбрайтон, Томас, Дюсбери, Тилеманс, Лукман, Меддисон, Дака.
Жамоаларнинг ўртача ёши бўйича устунлик мезбонлар томонида (27,4 ёш - 26,5 ёш). Томонларнинг ўртача бўйида деярли фарқ йўқ — 181,5 см - 181,4 см.
Жамоаларнинг охирги хабарлари
Жек Грилиш ва Фил Фоден охирги пайтда етарли бўлмаган интизом сабабли Пеп Гвардиола томонидан тушириб қолдирилди. Бугунги ўйинда ҳам улар захирада қолса ажаб эмас.
Кайл Уокер «Лейпциг» билан ўйинда қизил карточка олганидан бери 3 баҳсни ўтказиб юборди ва Гвардиола унинг жисмоний ҳолати нормал эмаслигини таъкидлаб ўтди. Ферран Торрес ҳали ҳам жароҳатда ва ҳар қандай ҳолатда «Барселона»га ўтиши маълум бўлди.
Бернарду Силва ёлғон «тўққизлик» позициясида ўйнаши мумкин, шунда Илкай Гюндоганни марказга жойлаштириш мумкин бўлади.
Габриел Жезус ҳамда Рияд Маҳрез ўнг қанот вингер позицияси учун жиддий кураш олиб боришмоқда. Иккинчиси собиқ клубига қарши майдонга тушишни жуда истамоқда.
Жейми Врди, Рикарду Перрейра ҳамда Чағлар Союнжу чорашанба куни «Ливерпуль» билан пемналтилар церийасида ютқазиб қўйган ўйиндан кейин мушаклари билан боғлиқ муаммога учрашган.
Келечи Ихеаначо ва Вестергаард ўтган баҳсда коронавирусдан тузалиб қайтишди. Аёзе Перез ва Адемола Лукман эса захирада қолишди.
Брендан Рожерс МЮнинг собиқ ҳимоячиси Жонни Эвансни бутун мавсум жароҳатлар гирдобида қолганига қарамай «Сити» билан ўйинда қатнашишини умид қилмоқда.
Ҳарви Барнс ва Тимоти Жастан ҳафта ўртасида кечган баҳсда қайдномага ҳам киритилишмади ва бу уларнинг "Манчестер Сити"га қарши тўқнаш келишлари эҳтимолини пасайтириб юборди.
Рақамлар
"Манчестер Сити" Премьер-Лига доирасидаги охирги 8 баҳсда ғалаба қозонган.
«Шаҳарликлар» сўнгги 10 уй учрашувидан саккизтасида дарвозаси даҳлсизлигини сақлаб қола олган (Премьер-лига).
"Манчестер Сити" Англия чемпионатидаги охирги 7 ўйиндан олтитасида камида иккитадан гол уришга муваффақ бўлган.
Маълумот учун, жамоалар АПЛда ўзаро 21 марта тўқнаш келишган. 12 баҳсда «шаҳарликлар», 7 ўйинда эса «туликлар» ғалаба қозонишган ва икки марта муроса йўли танланган.
Томонларнинг Премьер-Лигадаги ҳозирга қадар сўнгги ўйини 11 сентябрь куни "King Power" стадионида ўтказилганди. Ушбу баҳсда Бернардунинг 62-дақиқада киритган голи меҳмонларга уч очкони тақдим этган.
Айни вақтда "Манчестер Сити" 44 очко билан мусобақа жадвалида пешқадамлик қилмоқда. Ундан икки баробар кам очко тўплаган «Лестер» 9-поғонани банд этиб турибди.
Эслатиб ўтамиз, жамоаларнинг бугунги учрашуви Тошкент вақти билан 20:00да бошланиши режалаштирилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Порт
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
