Bugun Angliya Premyer-ligasi 19-turidan o‘rin olgan uchrashuvda "Manchester Siti" o‘z maydonida «Lester» klubini qabul qiladi.
Mazkur o‘yin boshlanishidan oldin jamoalarga oid qiziqarli ma’lumotlar bilan bo‘lishishga qaror qildik.
Bilasizmi?
Jeymi Vardi "Manchester Siti" darvozasini jami 8 bor ishg‘ol qilgan. Shularning ichida ikki marta xet-trik qayd etilganini e’tirof etish kerak. Shunday bo‘lsada, forvard "Boxing Day" kunlari o‘tkaziladigan APL o‘yinlarda biror marta o‘z nomini tabloga yozdirib qo‘yishni uddalay olmagan. Bugun ushbu qora an’anaga chek qo‘yilishi ham mumkin.
"Manchester Siti" "Boxing Day" kunlari o‘z maydonida o‘tkazilgan oxirgi 8 uchrashuvdan beri mag‘lub bo‘lmay kelmoqda (6 g‘alaba, 2 durang). Oxirgi 6 o‘yinda ketma-ket g‘alabalar qayd etilgan. Jamoa so‘nggi bor shunday bahslarda 1996/97 yilgi mavsumda "Port Veyl" klubiga imkoniyatni boy berib qo‘ygan - 0:1.
"Manchester Siti" hujumchisi Rahim Sterling Premyer-Liga doirasidagi oxirgi 3 o‘yinning barchasida gol urdi - u oxirgi marta 2017 yilning avgust-sentyabr oylarida ketma-ket 4 o‘yinda gol kiritishga muvaffaq bo‘lgan.
"Lester Siti"ning ushbu qishki bayram kunlari o‘tkazilgan oxirgi 11 o‘yinning bittasidagina g‘alaba qozonishni uddalagan (2 durang, 8 mag‘lubiyat). Qiziqarli tomoni shundaki, birgina g‘alaba 2018/19 yilgi mavsumda "Manchester Siti" jamoasiga qarshi bellashuvda qo‘lga kiritilgan.
"Manchester Siti" - «Lester» uchrashuvi uchun Kris Kavanag bosh hakam etib tayinlangan.
Uchrashuv rasmiylari
Bosh hakam: Kris Kavanag
Qanot hakamlari: Harri Lennard, Den Robatan
Zaxira hakami: Devid Kyut
VAR: Pol Tirni
VAR yordamchisi: Skott Ledjer
Taxminiy tarkiblar
"Manchester Siti": Ederson, Kanselu, Diash, Lyaport, Zinchenko, de Bryuyne, Rodri, Gyundogan, Sterling, Silva, Mahrez
«Lester»: Shmeyxel, Ndidi, Vestergaard, Bertran, Olbrayton, Tomas, Dyusberi, Tilemans, Lukman, Meddison, Daka.
Jamoalarning o‘rtacha yoshi bo‘yicha ustunlik mezbonlar tomonida (27,4 yosh - 26,5 yosh). Tomonlarning o‘rtacha bo‘yida deyarli farq yo‘q — 181,5 sm - 181,4 sm.
Jamoalarning oxirgi xabarlari
Jek Grilish va Fil Foden oxirgi paytda yetarli bo‘lmagan intizom sababli Pep Gvardiola tomonidan tushirib qoldirildi. Bugungi o‘yinda ham ular zaxirada qolsa ajab emas.
Kayl Uoker «Leypsig» bilan o‘yinda qizil kartochka olganidan beri 3 bahsni o‘tkazib yubordi va Gvardiola uning jismoniy holati normal emasligini ta’kidlab o‘tdi. Ferran Torres hali ham jarohatda va har qanday holatda «Barselona»ga o‘tishi ma’lum bo‘ldi.
Bernardu Silva yolg‘on «to‘qqizlik» pozisiyasida o‘ynashi mumkin, shunda Ilkay Gyundoganni markazga joylashtirish mumkin bo‘ladi.
Gabriyel Jezus hamda Riyad Mahrez o‘ng qanot vinger pozisiyasi uchun jiddiy kurash olib borishmoqda. Ikkinchisi sobiq klubiga qarshi maydonga tushishni juda istamoqda.
Jeymi Vrdi, Rikardu Perreyra hamda Chag‘lar Soyunju chorashanba kuni «Liverpul» bilan pemnaltilar seriyasida yutqazib qo‘ygan o‘yindan keyin mushaklari bilan bog‘liq muammoga uchrashgan.
Kelechi Ixeanacho va Vestergaard o‘tgan bahsda koronavirusdan tuzalib qaytishdi. Ayoze Perez va Ademola Lukman esa zaxirada qolishdi.
Brendan Rojers MYUning sobiq himoyachisi Jonni Evansni butun mavsum jarohatlar girdobida qolganiga qaramay «Siti» bilan o‘yinda qatnashishini umid qilmoqda.
Harvi Barns va Timoti Jastan hafta o‘rtasida kechgan bahsda qaydnomaga ham kiritilishmadi va bu ularning "Manchester Siti"ga qarshi to‘qnash kelishlari ehtimolini pasaytirib yubordi.
Raqamlar
"Manchester Siti" Premyer-Liga doirasidagi oxirgi 8 bahsda g‘alaba qozongan.
«Shaharliklar» so‘nggi 10 uy uchrashuvidan sakkiztasida darvozasi dahlsizligini saqlab qola olgan (Premyer-liga).
"Manchester Siti" Angliya chempionatidagi oxirgi 7 o‘yindan oltitasida kamida ikkitadan gol urishga muvaffaq bo‘lgan.
Ma’lumot uchun, jamoalar APLda o‘zaro 21 marta to‘qnash kelishgan. 12 bahsda «shaharliklar», 7 o‘yinda esa «tuliklar» g‘alaba qozonishgan va ikki marta murosa yo‘li tanlangan.
Tomonlarning Premyer-Ligadagi hozirga qadar so‘nggi o‘yini 11 sentyabr kuni "King Power" stadionida o‘tkazilgandi. Ushbu bahsda Bernarduning 62-daqiqada kiritgan goli mehmonlarga uch ochkoni taqdim etgan.
Ayni vaqtda "Manchester Siti" 44 ochko bilan musobaqa jadvalida peshqadamlik qilmoqda. Undan ikki barobar kam ochko to‘plagan «Lester» 9-pog‘onani band etib turibdi.
Eslatib o‘tamiz, jamoalarning bugungi uchrashuvi Toshkent vaqti bilan 20:00da boshlanishi rejalashtirilgan.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
