Бугун пойтахтимиздаги «Cinema Palace» кино саройининг кичик залида (собиқ «Панорама» кинотеатри) ўзбек бокс мактабининг асосчиси Сидней Жаксон хотирасига бағишланган ҳужжатли фильмнинг премьераси бўлиб ўтди. Тадбир Ўзбекистон Республикаси Туризм ва спорт вазирлиги, «Миллий ПР-марказ» ДУК ҳамкорлигида ташкил этилди.
Ҳужжатли фильм премьерасида Туризм ва спорт вазирлиги, Миллий Олимпия қўмитаси, Ўзбекистон бокс федерацияси вакиллари, Сидней Жаксоннинг қизи Паина Жаксон ва унинг яқинлари, Республика олимпия захиралари коллежи тренер-педагоглари, ўзбек бокси фахрийлари ҳамда оммавий ахборот воситалари ходимлари иштирок этишди.
Тадбирни Туризм ва спорт вазирининг биринчи ўринбосари Улуғбек Азамов кириш сўзи билан очиб берди. Шунингдек, тақдимот маросимида АҚШнинг Ўзбекистон Республикасидаги фавқулодда ва мухтор элчиси, жаноб Даниел Розенблюм ҳам иштирокчиларга видеомурожаат шаклида қутлов йўллади.
Эътироф этиш жоиз, ўзбек бокс мактаби бугун бутун дунёга маълуму-машҳур. Спортчиларимиз халқаро спорт майдонларида Ўзбекистон шаъни ва қудратини муносиб ҳимоя қилиб, янги ғалабаларни қўлга киритиб келишмоқда. Баҳодир Жалолов, Ҳасанбой Дўстматов, Шахрам Ғиёсов, Муроджон Ахмадалиев, Шаҳобиддин Зоиров каби чарм қўлқоп усталари ўзбек боксининг янги авлод юлдузлари саналади. Улар эришаётган ютуқлар замирида мураббийларнинг машаққатли ва беқиёс меҳнатлари ётибди, десак муболаға бўлмйди. Зеро, ҳар бир спортчининг ғалабаси аслида устозининг ҳам ғалабаси, муваффақиятидир.
Боксчиларимизнинг бугунги муваффақиятлари замирида ўзбек бокс мактаби асосчиси, атоқли америкалик мураббий Сидней Жаксоннинг хизматлари катта. Шу боис Туризм ва спорт вазирлигининг ташаббуси ва бевосита кўмаги билан айнан шу инсон хотирасига бағишланган ҳужжатли фильм яратилди.
«Сидней Жаксон феномени» номли ҳужжатли фильми «Шайхонтоҳур-фильм» киностудияси томонидан «Orient Finans bank» va «Golden House»нинг муаллифлик ҳуқуқини тақдим этиши асосида Туризм ва спорт вазирлиги билан ҳамкорликда тасвирга олинди. Фильмнинг сценарий муаллифи ва продюсери Борис Бабаев, режиссёр – Навруза Бийназова.
Ҳужжатли фильмда афсонавий мураббийнинг Ўзбекистондаги ҳаёт йўли ва фаолиятининг кўплаб муҳим саҳифалари ҳақида унинг қизи, ҳозир Тошкентда истиқомат қилувчи Паина Жаксон сўзлаб берган. Шунингдек, фильм тақдимотида Ўзбекистон Республикаси Бош вазирининг ўринбосари – туризм ва спорт вазири Азиз Абдухакимов, Ўзбекистон бокс федерацияси раиси маслаҳатчиси Малик Бабаев, Ўзбекистон миллий терма жамоаси бош мураббийи Марат Қурбонов, Сидней Жаксон шогирдлари – бокс афсонаси Руфат Рисқиев, бокс фахрийлари Мирсолиҳ Сагатов, Ринат Юсупов ва бошқалар иштирок этишди.
Манба: Туризм ва спорт вазирлиги матбуот хизмати
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
