Якшанба куни Африка кубоги финали бўлиб ўтади ва унда Сенегал ва Миср терма жамоалари ўзаро баҳс олиб боради. Шу тариқа, «Ливерпуль» юлдузлари Садио Мане ва Муҳаммад Салоҳ ўзаро тўқнаш келиб, кубок учун кураш олиб боришади. «Stadion.uz» нашри африкалик юлдузлар ўртасидаги муносабатлар тарихини эслайди.
Муҳаммад Салоҳ ва Садио Мане сўнгги йиллардаги Африка қитъасининг энг яхши футболчилари ҳисобланади. Улар «Ливерпуль»га Чемпионлар лигаси ва узоқ кутилган Премьер-лига ғолиблигини қўлга киритишга ёрдам берди. Бошқа кўплаб топ-клублар икки футболчига ҳам қизиқиш билдиришган, аммо улар «Энфилд»да қолишга қарор қилишди.
2017 йилнинг ёзида «Ливерпуль» Муҳаммад Салоҳни 42 миллион евро эвазига сотиб олди. Мисрлик мерсисайдликлар ҳужуми чизиғини кучайтириш учун катта умидлар билан такиф этилган эди. Муҳаммад жамоага келган пайт Мане ва Фирмино аллақачон «Ливерпуль» сафида тўп тепар эди. Шундан кейин «қизиллар»нинг даҳшатли ҳужум триоси ташкил топди. Салоҳ ўзининг биринчи мавсумини ақл бовар қилмайдиган даражада ўтказди ва барча мусобақаларда 44 та гол урди (шундан 32 таси Премьер-лигада). Мане ўша мавсумда 7 та голли узатма берган бўлса, улардан 6 тасини айнан мисрликга берган.
Кейинги мавсумда Маненинг ўзи ҳам ажойиб мавсум ўтказди. Премьер-лигада Садио Обамеянг ва Салоҳ билан энг яхши тўпурар унвонини бўлишди. Сенегаллик «Ливерпуль»да муҳим футболчи бўлса-да, у ҳали ҳам мисрликнинг «соясида» қолмоқда. Агар муҳлислар Салоҳни «Олтин тўп»га даъвогар сифатида билса, ҳеч қачон Манени ушбу совринга номзод сифатида эътироф этишмайди.
Шубҳасиз, йилдан-йилга клубнинг икки африкалик футболчилари орасидаги муносабатларидаги кескинлик кучайиб борди. Бу кескинлик 2019 йилнинг 31 августида яна бир марта ўз тасдиғини топди. Ўшанда «Ливерпуль» меҳмонда «Бёрнли»га қарши баҳс олиб бораётган, ўйин эса 3:0 ҳисобида давом этаётган эди. Ўйинда Мане 1 гол уришга муваффақ бўлган бўлса, Салоҳ Фирминонинг голига ассистентлик қилган эди. Баҳснинг энг кулминацион нуқтаси 83-дақиқада юз берди. «Қизиллар» тезкор ҳужум уюштиришди, мисрлик жарима майдончасининг ўнг томонида тўпни қабул қилиб олди. Унинг олдида иккита ҳимоячи, чап томонда эса фақат сенегаллик футболчи бор эди. Манеда гол уриш учун имконият бўлса-да, Салоҳ рақибларини алдашга қарор қилди ва тўпни олдириб қўйди. Икки дақиқадан сўнг сенегаллик алмаштирилди ва у Клоппга ўша эпизодда гол уриши мумкинлигини айтиб, ўз эътирозини билдирди. Манени шерикларни тинчлантиришга ҳаракат қилди, аммо ҳужумчининг нақадар ғазаблангани маълум эди.
Гарчи ишониш қийин бўлса-да, иккала футболчи ўйиндан сўнг ҳеч қандай муаммо йўқлигини айтишди. Ушбу фонда африкаликлардан бирини «Ливерпуль»дан кетиши мумкинлиги ҳақида миш-миш тарқалди. Манега «Реал Мадрид»га қизиқиш билдирган эди, аммо футболчи «қизиллар» сафида қолиб, жамоанинг етакчисига айланишга қарор қилди.
Африкаликлар ўртасида бошқа очиқ тўқнашувлар бўлмади. Аммо, икки футболчи ўртасидаги кескилик батамом йўқолиб ҳам кетмади. Шундай қилиб, 2020 йил декабрь ойида Мане «Кристал Пэлас» билан ўйинда алмаштирилганидан норози бўлди. Ушбу ўйинда мерсисайдликлар 7:0 ҳисобида ғалаба қозонишди ва Мане ўзи статистикасини яхшилаб олиш учун ажойиб имконият бор эди. Бироқ Клопп сенегаллик футболчини 57-дақиқада заҳирага олди ва мураббийнинг қарори табиийки футболчига унчалик ёқмади. Мане ўрнига мисрлик майдонга тушди ва иккита гол ва бир голли узатма муаллифига айланди.
2021 йилнинг баҳорида «Ливерпуль» «Челси»га 0:1 ҳисобида имкониятни бой берди ва ўйиндан сўнг Мане аламини клуб мухлисларидан олган. Гап шундаки, сенегаллик пенальти тепиши мумкин эди, лекин у ўзи ишлаган жарима тўпини тепишдан маҳрум бўлди. Бу эса Садионинг ғазабини чиқаришга сабаб бўлди.
Очиғи, Салоҳ ва Мане нафақат жамоа ғалабаси, балки шахсий ютуқлар учун ҳам курашадиган ҳужумчилар сирасига киради. Жорий йилда уларнинг рақобат ҳақидаги ҳикояси янада авжига чиқди. Ниҳоят, қай бири кучлироқ эканлигини аниқлаш мумкин ва бунинг учун тўлиқ 90 дақиқа, эҳтимол 120 дақиқа вақт бор. Якшанба куни Африка кубоги финали бўлиб ўтади ва бунда футболчилар ўз жамоасини ғалаба томон етаклайди. Боз устига, катта эҳтимол билан улардан бири турнирнинг энг яхши футболчиси деб топилади (агар, Миср дарвозабони Абугабал учинчи марта пенальтилар сериясида ўзини кўрсатмаса).
Энг қизиғи шундаки, бу икки футболчи ўртасидаги кураш якшанба куни тугамайди. Ҳар икки форвард ҳам бу йил 30 ёшда ва Қатардаги жаҳон чемпионати бу икки юлдуз учун охирги мусобақа бўлиши мумкин. 2026 йилда иккаласи ҳам аллақачон фаолиятининг сўнгги йилларини ўтказаётган бўлишади. Бироқ, бу футболчиларнинг фақат биттаси Қатарга кетади. Сенегал ва Миср терма жамоалари март ойида ЖЧ саралаши доирасидаги учрашувни ўтказади ва ушбу баҳс ғолиби жаҳон чемпионатига йўл олади.
Бу Салоҳ ва Мане ўртасидаги муносабатларга қандай таъсир қилиши жуда қизиқ. Ҳар ҳолда иккаласининг ҳам бир ярим йилдан сўнг «Ливерпуль» билан шартномасини тугайди. Мерсисайдликлар қишки трансфер ойнаси вақтида Луис Диаз билан шартнома имзолади ва катта эҳтимол билан ушбу футболчи африкалик қаҳрамонларимизнинг бирининг ўрнини эгаллайди . Келинг, бу икки футболчи ўртасидаги кураш қандай тугайди. Биргаликда кузатамиз.
Жамшиджон Маҳмудов тайёрлади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Олимпик
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
