2021/2022 йилги мавсумда ажойиб ўйин кўрсатаётган Англия Премьер-лигаси футболчилари.
Жаррод Боуэн («Вест Хэм»)
Дэвид Мойес бошчилигидаги «Вест Хэм» кучли тўртлик учун курашмоқда. Клубнинг бундай ўйинларида футболчи Жаррод Боуэннинг хизматлари катта. Ярим ҳимоячи «гол+пас» тизими бўйича Премьер-лигада 8+8, бошқа турнирларда 5 (4+1) очко жамғарган.
Боуэннинг ажойиб футболчи эканлигини тасдиқлаш учун бир нечта статистика мавжуд. Мисол учун, Жаррод «Вест Хэм»нинг xG (кутилган голлари) бўйича етакчиси (10,44) ва лига миқёсида бу еттинчи энг яхши натижадир. Қолаверса, Боуэн WhoScored томонидан 7,31 балга лойиқ кўрилган ва бу клубдаги энг юқори натижа.
2021/2022 йилги мавсумда Боуэн шу қадар зўр ўйнадики, ҳатто бу Юрген Клоппни ҳам ҳайратда қолдирди: «Менга Боуэннинг ўйини жуда ёқади. У «Халл»да яхши ўйин кўрсатди ва у Премьер-лига ўзини кўрсатиши учун кўп вақт кетмади».
Хосе Са («Вулверхэмтон»)
Лигадаги энг яхши дарвозабони «Ливерпуль», «Манчестер Сити», «Манчестер Юнайтед» ёки «Челси»дан эмас, балки «Вулверхэмптон» аъзоси. Топ-клублар посбонлари олдиндан бу чемпионатда ўйнаган, аммо Хосе Са АПЛда янги футболчи ҳисобланади.
29 ёшли дарвозабон Премьер-лигага ёзда келди («Олимпиакос»дан 8 миллион евро эвазига) ва дарҳол юқори даражадаги ўйинлар намойиш этишни бошлади.
Премер-лигада Са 84,2% зарбаларни (лигадаги энг яхши), барча мусобақаларда - 81,9% зарбани қайтаришга эришди. Шунингдек, PSxG-GA/90 мезонига кўра (ўртача 90 дақиқада кутилган зарбалардан ўтказиб юборилган голлар ва ҳақиқий ўтказиб юборилган голлар ўртасидаги фарқ), Cа Давид де Хеадан кейин кучли бешликдаги иккинчи энг яхши дарвозабон ҳисобланади.
Са ҳақида футболчининг клубдаги шериги Даниэл Поденсе шундай дейди: «Са — ажойиб футболчи. У билан бир жамоада ўйнаганимдан хурсандман».
Эммануэль Деннис («Уотфорд»)
«Уотфорд»нинг Англия Премьер-лигасидаги ишлари яхши эмас, аммо уларда эътирофга лойиқ футболчи бор. Ҳужумчи Эммануэль Деннис жорий мавсум лиганинг энг яхши тўпурарлари бешлигига киришга муваффақ бўлди (9 гол). Қизиқ томони шундаки, «Уотфорд» бу мавсумда Премер-лигада атиги 25 марта гол урган ва жамоа голларининг 36 фоизи айнан нигериялик ҳужумчи ҳисобига ёзилган. Қолаверса, Деннис тез-тез ассистентлик ҳам қилади - 5 та. Бу натижа орқали Эммануэль лигадаги энг яхши 10 нафар ассистентлар рўйхатига кирган.
Айтганча, Англияга кўчиб ўтишдан олдин ҳам «Манчестер Юнайтед» ва «Арсенал» нигериялик футболчига қизиқиш билдиришган, аммо «Брюгге» 15 фунт стерлинглик таклифни рад этди ва унга 25 миллион фунт стерлинг нарх белгилади. Натижада, ҳеч қайси клуб уни сотиб олишни истамади ва шартнома тугашига яқин қолгани сабабли кейинчалик 3,4 миллион фунт стерлингга «Уотфорд»га ўтди.
Кристиан Нёргор («Брентфорд»)
«Брентфорд» биринчи давранинг очилиш ўйинида «Арсенал» устидан ғалаба қозонгани ва бу Премьер-лиганинг энг шов-шувли стартларидан бири эди. Жамоанинг иккита голидан бирини айнан Кристиан Нёргор киритди, аммо ҳужумдаги ҳаракатлари футболчининг асосий қобилияти эмас. Даниялик футболчи ҳужумлар, босим ва тўпга эгалик қилиш бўйича ҳам лиганинг энг яхшиларидан бири ҳисобланади. Ҳа, бунга «Брентфорд» қолган футболчиларининг яхши ўйини ҳам катта ёрдам берди, аммо Нёргорнинг ўйинини алоҳида қайд этмасликнинг иложи йўқ. Премер-лигада «гол+пас» тизимига кўра 2+2 очко тўплаган.
«Брентфорд» мухлислари Нёргор шунчалик яхши кўришадики, ҳатто у ҳақида «Кристиан Нёргор - дунёдаги энг зўри» деган мазмундаги қўшиқ ёзишган.
Конор Галлахер («Кристал Пэлас»)
«Челси»нинг ёш иқтидори жорий мавсум АПЛда ажойиб ўйин намойиш этмоқда. «Кристал Пэлас» мураббийи Патрик Виейра жамоани қайта қуришни бошлади ва Галлахер янги тизимда тезда порлади. У жорий мавсум «гол+пас» тизими бўйича 13 (8+5) очко ва Томас Тухелнинг ҳурматига сазовор бўлди (Тухель «Конор «Челси» футболчиси эканлигидан хурсандман», деб айтди ва у айнан лондонликлар клубига тегишли ҳисобланади).
Айтганча, Галлахер жорий мавсумда Премьер-лигада исталган «Челси» ўйинчисидан кўпроқ гол урган.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
