Бугун Англия Премьер-Лигаси 29-турининг марказий учрашувларидан бири - «Манчестер Юнайтед» ва «Тоттенхем» баҳси бўлиб ўтади.
Мазкур учрашувга қадар энг қизиқарли бўлган маълумотларни тақдим этамиз.
Биласизми?
Харри Кейн Премьер-Лиганинг 137 сафар ўйинида 93 гол киритишга муваффақ бўлган. Яна бир гол уни мусобақа тарихида АПЛ доирасидаги сафар баҳсларида гол уриш бўйича яққол пешқадам Уэйн Рунига тенглаштиради.
"Манчестер Юнайтед" 2009 йилнинг апрель ва 2010 йилнинг октябрь ойларида кетма-кет 4 учрашувда «шпорлар»ни мағлуб этганидан бери илк бор АПЛнинг қаторасига 3 ўйинида лондонликларни ютиш имкониятига эга бўлиб турибди.
«Шпорлар» МЮ майдонида ўтказилган Премьер-Лиганинг охирги 3 ўйинида икки бор ғалаба қозонишган (1 мағлубият). Улар "Олд Траффорд"га дастлабки 26 ўйин учун сафар қилишганида ҳам шунча ғалаба қозонишган эди (2 ғалаба, 3 дуранг, 21 мағлубият).
Криштиану Роналду «Тоттенхем»га қарши охирги 5 учрашувда 7 голда иштирок этган — 4 гол ва 3 ассист.
Баҳс расмийлари
Бош ҳакам: Жонатан Мосс
Қанот ҳакамлари: Марк Перри, Тимоти Вуд
Захира ҳаками: Крейг Поусон
ВАР: Андре Марринер
ВАР ёрдамчиси: Ник Хоптон.
Ўзаро қарама қаршиликлар
Томонлар Англия чемпионати доирасида 59 учрашувда тўқнаш келишган. Шулардан 37 тасида «қизил иблислар», 10 беллашувда эса «Тоттенхем»нинг қўли баланд келган. 12 баҳсда ғолиб номи аниқланмаган.
Жамоаларнинг АПЛдаги сўнгги қарама-қаршиликлари
2021 йил, 30 октябрь
«Тоттенхем» 0:3 «Манчестер Юнайтед»
2021 йил, 11 апрель
«Тоттенхем» 1:3 «Манчестер Юнайтед»
2020 йил, 4 октябрь
«Манчестер Юнайтед» 1:6 «Тоттенхем»
2020 йил, 19 июнь
«Тоттенхем» 1:1 «Манчестер Юнайтед»
2019 йил, 4 декабрь
«Манчестер Юнайтед» 2:1 «Тоттенхем»
Ушбу мавсумдаги кўрсаткичлар
МЮ 47 очко билан АПЛ жадвалида 5-ўринда бормоқда. Жамоа 13 ғалаба, 8 дуранг, 5 мағлубият қайд этган. Тўплар нисбати: 45-38. Бунда «қизиллар» ҳар бир ўйинда ўртача 1.61 гол уриб, 1.36 та гол ўтказиб юборишган. 7 баҳсда дарвозасидан тўп олиб чиқмаган.
Энг катта ғалабаси «Лидс»га қарши уй ўйинида (5:1), энг йирик мағлубияти «Ливерпуль» жамоаси билан уй учрашувида (0:5) қайд этилган.
«Тоттенхем» ушбу мавсумда 26 учрашувда 14 ғалаба, 3 дуранг, 9 мағлубият натижа билан 45 очко тўплаган ва мусобақа жадвалининг 7-поғонасида бормоқда. Лондонликлар ҳар бир ўйинда ўртача 1.54 гол киритиб, 1.23 та гол ўтказиб юборган. 10 учрашувда Антонио Конте жамоаси дарвозаси ишғол этилмаган.
Энг йирик ғалабаси яқинда «Эвертон» билан баҳсда (5:0) қўлга киритилган бўлса, "Кристал Пэлас"га қарши сафар беллашувида йирик мағлубиятини (0:3) қабул қилиб олган.
Ушбу мавсумда АПЛ доирасида иккала жамоа футболчилари орасида Сон Хён Мин тўпурар бўлиб турибди.
1. Сон Хён-Мин 11 та гол
2. Харри Кейн 10
3. Бруно Фернандеш 9
Иккала жамоа футболчилари ўртасида энг яхши ассистент Поль Погба ҳисобланади.
1. Поль Погба 9 та ассист
2. Бруно Фернандеш 6
3. Сон Хён-Мин 5
Мазкур учрашув бугун Тошкент вақти билан 22:30да бошланиши режалаштирилган.
Матнда хатолик топсангиз, ўша хатони белгилаб, бизга жўнатинг (Ctrl + Enter).