Суперлига. «Навбаҳор» - «Қўқон-1912»: ўзаро ўйинлар тарихидан
Ўзбекистон Суперлигаси 3-туридан ўрин олган “Навбаҳор” - “Қўқон-1912” учрашуви 17 март куни Наманган шаҳридаги “Марказий” стадионида бўлиб ўтади. “Водий дербиси” олдидан ушбу жамоаларнинг ўзаро ўйинлардаги статистик маълумотлари билан таништириб ўтамиз.
Ўзаро ўйинлар
“Қўқон-1912” ҳамда “Навбаҳор” клублари шу кунгача 32 бор куч синашишган. 8 та учрашувда “Қўқон-1912”нинг қўли баланд келган. “Навбаҳор” 17 та ўйинда ғалаба қозонган. 7 та ўйинда дуранг натижа қайд этилган. Тўплар нисбатида устунлик “лочинлар” томонида: 60-36. “Навбаҳор” ўзаро ўйинларда 58 очкога эга бўлган, “Қўқон-1912” эса 31 очкони қўлга киритган.
Сўнгги бор бу жамоалари ўтган 2021 йилнинг 27 ноябрь санасида, суперлиганинг 26-тури доирасида учрашишган. Намангандан бўлиб ўтган ўша ўйинда ”шунқорлар” 2:3 ҳисобида ғалаба қозонишган эди.
Ушбу жамоаларнинг сўнгги етита учрашувда қайд этилган натижалари билан танишинг:
27.11.2021 Навбаҳор – Қўқон-1912 – 3:2
01.08.2021 Қўқон 1912 – Навбаҳор - 1:2
03.12.2020 Қўқон 1912 – Навбаҳор - 1:1
28.08.2020 Навбаҳор – Қўқон-1912 – 0:1
01.12.2019 Қўқон 1912 – Навбаҳор - 1:1
10.03.2019 Навбаҳор – Қўқон-1912 – 1:1
31.03.2018 Қўқон 1912 – Навбаҳор - 1:0
Наманганда бўладиган "водий дерби"сини Раҳимбек Каримов бошқариб боради
16-18 ҳамда 20 март кунлари Coca-Cola Суперлигада 3-тур учрашувлари бўлиб ўтади. Тур доирасидан ўрин олган учрашувларда ишлайдиган расмийлар эълон қилинди. Бу турда Намангандаги беллашувда VAR ишламайдиган бўлди.
Намангандаги "марказий" стадионида бўлиб ўтадиган "Навбаҳор" - "Қўқон-1912" учрашувини Раҳимбек Каримов бошчилигидаги хакамлар гуруҳи бошқариб боради. Ўтган йилги мавсумда Раҳимбек Каримов "Қўқон-1912" иштирокидаги 3 та баҳсни бошқариб борган эди. Жамоамиз уларнинг иккитасида дуранг натижа қайд этишган ва сафардаги АГМК жамоасига қарши ўйинда имкониятни бой берган эди.
17 март, пайшанба
"Навбаҳор" – "Қўқон-1912"
Ҳакамлар: Раҳимбек Каримов, Ришат Нугманов, Дониёр Сайлалов, Ҳусан Музаффаров
Назоратчи: Бобур Ҳайдаров
Комиссар: Жаҳонгир Раҳматуллаев
Бошланиш вақтлари
"Навбаҳор" – “Қўқон-1912” учрашуви, 17 март пайшанба куни Наманган шаҳридаги “Марказий” стадионида соат 18:30 да старт олади. Ушбу жамоаларнинг ўринбосарлари ҳам U-21 биринчилигининг 3-турида майдонга тушишади. Бу учрашув Наманган шаҳридаги “Марказий” стадионнинг захира майдонида 18 март куни ўтказилади.
Манба: kokand1912.uz
Киритилди: 09:37, 16.03.2022. Ўқилди: 1076 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
