"Шўртан"нинг Дубайдаги йиғинлаври давомида жароҳат олган Ильнур Хазигалиев, шунингдек, 2-тур доирасида бўлиб ўтган “Шўртан”-“Навбаҳор” жамоалари ўртасидаги баҳсда жиддий жароҳат олган Отабек Валижонов сафга қайтишмоқда. Бу ҳақда "Voha.Uz" интернет нашри хабар тарқатмоқда.
«Ҳақиқатдан ҳам, Ильнур Хазигалиевнинг Дубай шаҳрида ташкиллаштирилган йиғиндаги жароҳати ҳозиргача ўзининг салбий тарафларини кўрсатиб келди. Клубимиз шифокорлари Ильнур Хазигалиевни тиббий текширувдан ўтказишди ва муолажалар олиб боришди. Хайриятки, ярим ҳимоячимиз жароҳатдан фориғ бўлди ва бугун бўлиб ўтган “Бухоро” - “Шўртан” жамоалари ёшлари ўртасида кечган учрашувда бир тайм ҳаракат қилди. Эртага у асосий таркибда ҳам майдонга тушиши мумкин».
«Отабек Валижонов собиқ жамоасига қарши учрашувда бир қатор қўполликлардан сўнг, унинг суяги ёрилди. Маълум муддат гипсда юрди ва куни кеча гипс олиб ташланди. Яримҳимоячимизнинг ҳам ҳозирги кунга келиб соғлиги жойида. У "Бухоро" жамоасига қарши олиб борилган машғулотлар жараёнида тўлиқ ҳаракат қилди. Билишимча, бош мураббий Игорь Криушенко уни эртага асосий таркибда майдонга туширса керак" дейди, "Шўртан" клуби матбуот хизмати вакили Одилбек Толипов "Voha.Uz" сайтига берган интервьюси чоғида.
Матнда хатолик топсангиз, ўша хатони белгилаб, бизга жўнатинг (Ctrl + Enter).