Рўзиқул Бердиев: «Эртага ижобий натижа учун бор маҳоратимизни кўрсатамиз»
"Насаф" эртага Осиё чемпионлар лигаси гуруҳ босқичини Қатарнинг “Ас-Садд” клубига қарши бошлайди. Бугун эса мазкур беллашув олдидан ҳар иккала жамоалар иштирокида матбуот анжумани бўлиб ўтди. Унда қаршиликлар бош мураббийи Рўзиқул Бердиев ҳамда ярим ҳимоячи Шароф Муҳитдинов иштирок этишди.
Рўзиқул Бердиев: “Ассалому алайкум ҳаммага. Рамазон ойи барчага муборак бўлсин. ОЧЛ бу энг кучлилар ўйнайдиган мусобақа. Эртанги рақибимиз нафақат гуруҳдаги балки турнирнинг фаворит жамоаларидан бири ҳисобланади. Эртага бизни осон бўлмаган ўйин кутиб турибди. Биз бу беллашувга йигитлар билан яхши тайёргарлик олиб бордик. Ўйлайманки, йигитлар эртанги баҳсда ижобий натижани қўлга киритиш учун бор маҳоратларини кўрсатишади“.
Шароф Муҳитдинов: “Эртанги беллашув жуда қизиқарли бўлади деб умид қиламан. Чунки эртанги рақибимизни бутун Осиё яхши билади. Биз ҳам уларга қарши яхши тайёргарлик кўрдик. Рақибга ҳурмат сақлаган ҳолда эртага яхши натижа қайд этиб, мухлисларимизни хурсанд қиламиз деган умиддаман".
— «Насаф» 2011 йил ОФК Кубогини, “Ас-Садд” эса ОЧЛ Кубогини қўлга киритган. ОЧЛ беллашувлари умуман бошқа ёндашувни талаб қилади. Бу ҳақида нима дея оласиз?
Рўзиқул Бердиев: “Ўн йилдан ошиқ вақт ўтди. Кўп нарса ўзгарди. Биз ОЧЛ мусобақаси даражасини яхши биламиз. Бу ерда осон ўйинлар бўлмайди. Ўтган мавсумда биз ОФК Кубоги мусобақасида қатнашгандик. Шуни аниқ айтаманки, ОЧЛ турнирининг даражаси анча юқори ва ОФК Кубогидан кескин фарқ қилади".
— ОЧЛ гуруҳ босқичи ўйинлари марказлашган ҳолатда бўлиб ўтмоқда. Гуруҳ босқичининг учта беллашуви 7 кун ичида бўлиб ўтади. Бу ўйинлар сифатига ўз таъсирини ўтказмайдими?
Рўзиқул Бердиев: “Пандемия туфайли биз бунга мажбур бўлдик. Ўйлайманки, бу тўғри қарор. Албатта бунинг қийинчилиги бор. Икки ҳафта ичида олтита расмий ўйин ўтказиш футболчиларга қийинчилик туғдиради. Биз бунга тайёргарлик кўрганмиз. Ўйлайманки, кейинчалик ҳаммаси ўз ҳолига қайтиб, ўйинлар уй-сафар тизимида олиб борилади. Биз ҳам ОЧЛ ўйинларини ўз уйимизда, мухлисларимиз ёнида ўтказишни жуда ҳам хоҳлаймиз“.
— Шароф, сиз ўтган мавсумда ҳам ОЧЛ гуруҳ босқичида иштирок этгансиз. Гуруҳ босқичи ўтган мавсумда ҳам марказлашган ҳолда ўтказилган эди ва бу Рамазон ойига тўғри келганди. Сизга ўтган мавсумда орттирган тажрибангизни фойдаси тегдими?
Шароф Муҳитдинов: “Ўтган мавсумда ҳам худди ҳозиргидай беллашувлар Рамазон вақтига тўғри келганди. Биз рўза тутиб футбол ўйнаганмиз. Бунинг озроқ қийинчилиги бор".
«Насаф» футбол клуби матбуот хизмати.
Манба: fcnasaf.uz
Киритилди: 20:02, 07.04.2022. Ўқилди: 2221 марта. Фикрлар: 14 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
