"Nasaf" ertaga Osiyo chempionlar ligasi guruh bosqichini Qatarning “As-Sadd” klubiga qarshi boshlaydi. Bugun esa mazkur bellashuv oldidan har ikkala jamoalar ishtirokida matbuot anjumani bo‘lib o‘tdi. Unda qarshiliklar bosh murabbiyi Ro‘ziqul Berdiyev hamda yarim himoyachi Sharof Muhitdinov ishtirok etishdi.
Ro‘ziqul Berdiyev: “Assalomu alaykum hammaga. Ramazon oyi barchaga muborak bo‘lsin. OCHL bu eng kuchlilar o‘ynaydigan musobaqa. Ertangi raqibimiz nafaqat guruhdagi balki turnirning favorit jamoalaridan biri hisoblanadi. Ertaga bizni oson bo‘lmagan o‘yin kutib turibdi. Biz bu bellashuvga yigitlar bilan yaxshi tayyorgarlik olib bordik. O‘ylaymanki, yigitlar ertangi bahsda ijobiy natijani qo‘lga kiritish uchun bor mahoratlarini ko‘rsatishadi“.
Sharof Muhitdinov: “Ertangi bellashuv juda qiziqarli bo‘ladi deb umid qilaman. Chunki ertangi raqibimizni butun Osiyo yaxshi biladi. Biz ham ularga qarshi yaxshi tayyorgarlik ko‘rdik. Raqibga hurmat saqlagan holda ertaga yaxshi natija qayd etib, muxlislarimizni xursand qilamiz degan umiddaman".
— «Nasaf» 2011 yil OFK Kubogini, “As-Sadd” esa OCHL Kubogini qo‘lga kiritgan. OCHL bellashuvlari umuman boshqa yondashuvni talab qiladi. Bu haqida nima deya olasiz?
Ro‘ziqul Berdiyev: “O‘n yildan oshiq vaqt o‘tdi. Ko‘p narsa o‘zgardi. Biz OCHL musobaqasi darajasini yaxshi bilamiz. Bu yerda oson o‘yinlar bo‘lmaydi. O‘tgan mavsumda biz OFK Kubogi musobaqasida qatnashgandik. Shuni aniq aytamanki, OCHL turnirining darajasi ancha yuqori va OFK Kubogidan keskin farq qiladi".
— OCHL guruh bosqichi o‘yinlari markazlashgan holatda bo‘lib o‘tmoqda. Guruh bosqichining uchta bellashuvi 7 kun ichida bo‘lib o‘tadi. Bu o‘yinlar sifatiga o‘z ta’sirini o‘tkazmaydimi?
Ro‘ziqul Berdiyev: “Pandemiya tufayli biz bunga majbur bo‘ldik. O‘ylaymanki, bu to‘g‘ri qaror. Albatta buning qiyinchiligi bor. Ikki hafta ichida oltita rasmiy o‘yin o‘tkazish futbolchilarga qiyinchilik tug‘diradi. Biz bunga tayyorgarlik ko‘rganmiz. O‘ylaymanki, keyinchalik hammasi o‘z holiga qaytib, o‘yinlar uy-safar tizimida olib boriladi. Biz ham OCHL o‘yinlarini o‘z uyimizda, muxlislarimiz yonida o‘tkazishni juda ham xohlaymiz“.
— Sharof, siz o‘tgan mavsumda ham OCHL guruh bosqichida ishtirok etgansiz. Guruh bosqichi o‘tgan mavsumda ham markazlashgan holda o‘tkazilgan edi va bu Ramazon oyiga to‘g‘ri kelgandi. Sizga o‘tgan mavsumda orttirgan tajribangizni foydasi tegdimi?
Sharof Muhitdinov: “O‘tgan mavsumda ham xuddi hozirgiday bellashuvlar Ramazon vaqtiga to‘g‘ri kelgandi. Biz ro‘za tutib futbol o‘ynaganmiz. Buning ozroq qiyinchiligi bor".
«Nasaf» futbol klubi matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
