Эҳ, «Порту», «Порту»... Португалия Примероси пешқадами 25 апрель куни 31-тур доирасида «Брага» меҳмони бўлди ва ортга мағлубият билан қайтди - 0:1...
Шу тариқа, «аждаҳо»ларнинг миллий лигадаги узундан-узун мағлубиятсиз сериялари узилди. Диққат қилинг, «Порту» миллий чемпионатда охирги марта 2020 йилнинг октябрь ойида ютқазган эди. Жамоа шундан кейинги нақ 58та ўйинда мағлубият нималигини билмади - 47та ғалаба ва 11та дуранг. Бироқ портуликлар энг муҳим паллада яна бир қадам ташлай олишмади...
Алоҳида таъкидлаш керак, 58та ўйинга тенг мағлубиятсизсиз серия - бу Португалия миллий чемпионати рекорди. Мамлакатнинг бошқа бирор клуби бундай натижа билан мақтанолмайди. Португалия Примеросида кетма-кет ўйинларда ютқазмаслик бўйича иккинчи узун серия «Бенфика»га тегишли. Лиссабон дружинаси томонидан 1978 йили ўрнатилган рекорд 56та ўйинни ўз ичига олганди. Мана, «Порту» 44 йил ушланиб турган натижани яхшилади. Бироқ унга Европанинг кучли лигалари рекордини ўзгартириш насиб этгани йўқ. Аниқроқ айтсак, портуликлар «Милан» томонидан 1991-1993 йиллар оралиғида ўрнатилган юқори натижани такрорлашди, аммо янгилашларига бир нафас етмай қолди. Ҳа, машҳур Фабио Капелло бошқарган «россонерлар» ҳам «А» серияда кетма-кет келган 58та ўйинни мағлубиятсиз якунлашган эди.
Бутун Европада эса бу борада Руминиянинг «Стяуа»сига тенг келадиган жамоа йўқ. Диққат қилинг, Бухарест жамоаси миллий лигада 1986-1989 йиллар оралиғида нақ 104та ўйин давомида мағлубиятсиз одимлаган. «Стяуа» ўшанда қаторасига 5 марта Румия чемпиони бўлган ва мавсум-1985Ғ1986да Европа чемпионлар кубогини ҳам қўлга киритганди.
Европа миллий чемпионатларидаги энг узун мағлубиятсиз сериялар
*** 104та: «Стяуа» (Руминия) - 1986-1989 йиллар
*** 88та: «Линкольн» (Гибралтар) - 2009-2014 йиллар
*** 63та: «Шериф» (Молдова) - 2006-2008 йиллар
*** 63та: «Селтик» (Шотландия) - 1915-1917 йиллар
*** 62та: «Левадия» (Эстония) - 2008-2009 йиллар
*** 60та: «Юнион» (Бельгия) - 1933-1935 йиллар
*** 59та: «Ширак» (Арманистон) - 1993-1995 йиллар
*** 59та: «Пюник» (Арманистон) - 2002-2004 йиллар
*** 58та: «Милан» (Италия) - 1991-1993 йиллар
*** 58та: «Олимпиакос» (Греция) - 1972-1974 йиллар
*** 58та: «Сконто» (Латвия) - 1993-1996 йиллар
*** 58та «Порту» (Португалия) - 2020-2022 йиллар
*** 56та: «Бенфика» (Португалия) - 1976-1978 йиллар
*** 56та: «Селтик» (Шотландтя) - 2016-2017 йиллар
Европанинг энг кучли лигаларида вазият қандай? «А» серия рекорди «Милан»га тегишли эканлиги айтилди. Қолганларида мағлубиятсиз серия бўйича қайси клублар олдинда?
Италия «А» серияси: «Милан» - 58та ўйин (1991-1993 йиллар)
Германия Бундеслигаси: «Бавария» - 53та ўйин (2012-2014 йиллар)
Англия Премьер Лигаси: «Арсенал» - 49та ўйин (2003-2004 йиллар)
Испания Ла Лигаси: «Барселона» - 43та ўйин (2017-2018 йиллар)
Матнда хатолик топсангиз, ўша хатони белгилаб, бизга жўнатинг (Ctrl + Enter).
Сўғдиёна
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
