Трансфер ойнаси ҳали очилмаган, лекин бозор қизиб кетган
Кучли бешлик чемпионатлари келаси ҳафта охирида якунланади. Уларнинг кўпчилигида чемпионлик тақдири ҳал бўлган. Шу сабабли, трансфер ҳақидаги миш-мишлари аста-секин кўпайиб бормоқда. Ҳатто Англия Премьер лигасида дастлабки харидлар амалга оширилиб бўлинди: Эрлинг Холанд “Манчестер Сити” футболчисига айланди, Филиппе Коутиньо “Астон Вилла”га 20 миллион еврога ўтди ва “Вулверхэмптон” Хван Хи Чанни 16,7 миллион еврога сотиб олди. Шу сабаб бугун амалга ошмаган, лекин яқин кунларда расман тасдиқланадиган харидлар ҳақида маълумот бермқчимиз.
Френки де Йонг, "Барселона"дан "Манчестер Юнайтед"га
25 ёшли ярим ҳимоячининг шартномаси 2026 йилнинг ёзига қадар мўлжалланган, бироқ мавсум сўнггида у Англияга кўчиб ўтиши мумкин. Инсайдер Жерар Ромеронинг сўзларига кўра, де Йонгнинг "Манчестер Юнайтед"га ўтиши май ойида амалга оширилади. Трансфер суммаси 70-80 миллион еврони ташкил қилади. Бундан ташқари, ESPN GB хабарига кўра, “Манчестер Сити” голландиялик футболчини қўлга киритиш учун курашга кирган. "Шаҳарликлар" бош мураббийи Хосеп Гвардиолага футболчининг ўйин услубига ёқади ва шу сабаб Френкини ўз жамоасида кўришни истамоқда. Маълумотларга кўра, каталониялик мутахассис де Йонгни 2019 йилда сотиб олишга уриниб кўрган эди. Бироқ бу номаълум сабабларга кўра, амалга ошмаган.
Бу трансфер "Барса" учун ҳам қизиқ бўлса керак. Охирги пайтларда каталонияликлар бирорта ҳам футболчисини 25 миллион евродан кўпроққа сотгани йўқ. Де Йонгнинг сотилиши орқали, “кўк-анорранглилар” яхшигини фойда кўриши ва молиявий аҳволини яхшилаб олиши мумкин. Ҳозирда де Йонгнинг нархи 70 миллион еврога баҳоланмоқда."Барселона"да фақат Педри (80 миллион евро) ундан қимматроққа баҳоланмоқда. Ярим ҳимоячи жорий мавсумда "кўк-анорранглилар" сафида барча мусобақаларда 46 та ўйин ўтказди (40 таси бошланғич таркибда), 4 та гол ва 6 та голли узатмани амалга оширди.
Роберт Левандовски, "Бавария"дан "Барселона"га
Левандовски “Бавария” билан шартномасини узайтирмайди. Ҳужумчининг Юлиан Нагельсманн билан муносабатлари кескин кўриниш олган. Sport1.de хабарига кўра, ҳужумчи мураббийга “Бавария” учун танлаган тактикасидан қийналаётганини бир неча бор тушунтирган. Қолаверса, польяк Нагельсманн қўл остидаги машғулотларни жуда чарчатувчи деб ҳисоблайди. "Бавария" президенти Герберт Хайнернинг айтишича, Левандовски клуб билан шартномасини охиригача тугатиб қўйиши керак.
Олдинроқ Kicker Робертни сотишдан олдин "Бавария" унинг ўрнига бошқа футболчи топиши кераклигини таъкидлаганди. Bild хабарига кўра, Мюнхен клуби потенциал харидорлар Левандовски учун 35-40 миллион евро таклиф қилса, уни қўйиб юборади. Ҳозир "Барселона" ҳужумчининг нархига қизиқиш билдирмоқда. “Кўк-анорранглилар” польяк футболчисига яна бир йилга узайтириш шарти билан икки йиллик шартнома таклиф қилишга тайёр.
Килиан Мбаппе, "ПСЖ"дан "Реал"га
Мбаппе ва "Реал Мадрид" ҳақидаги сериал давом этмоқда. Май ойида француз футболчиси Мадридга ташриф буюрди. Шунингдек, журналист Фабрицио Романонинг инсайдларига кўра, испанлар Килиан билан шартнома имзолашга "ҳар қачонгидан ҳам кўпроқ" ишонишмоқда. Мбаппенинг шартномаси 30 июнда тугайди ва "ПСЖ" футболчини сақлаб қолиш учун қўлидан келган барча ишни қилмоқда. Парижликлар ҳужумчига янги шартнома бўйича учта вариантни таклиф қилишди. Битим қанчалик узоқ бўлса, ҳужумчи шунча бой бўлишда давом этади.
Испаниянинг Маrcа нашри хабарига кўра, Мбаппе охирги пайтларда жуда катта босим остида яшамоқда. У ва унинг оиласига Франция президенти Эммануэль Макрон, Қатар ва Франция футбол федерациясидан қўнғироқлар бўлмоқда. Килиан ўз оиласи, айниқса “ПСЖ” академиясида ўйнаётган ва биринчи жамоада дебют қилишга яқин турган укаси Этан учун хавотир олмоқда. Буларнинг барчасига қарамай, Мбаппе "Реал"га ўтишига ишончи комил. Мадрид клуби Килиан учун ажойиб тақдимот тайёрламоқда. "Сантьяго Бернабеу"даги ушбу тадбирга рекорд миқдордаги томошабин келиши кутилмоқда.
Антонио Рюдигер, "Челси"дан "Реал"га
Ой охирида "Реал Мадрид" Рюдигер трансферини эълон қилади. The Athletic хабарига кўра, 10 май куни ҳимоячи "қаймоқранглилар" билан шартнома имзолаган. Унинг мадридликлар билан шартномаси 2026 йилгача мўлжалланган ва у янги мавсум бошида жамоага келиб қўшилади. Қайд этилишича, ҳимоячининг маоши йилига 9-10 миллион еврони ташкил қилади.
Рюдигер "Реал"га ўтиш учун тиббий кўрикдан ўтган. Ҳимоячининг клуб билан шартномасида товон пули 400 миллион еврони ташкил этади.
Андре Онана, "Аякс"дан "Интер"га
Онананинг "Аякс" билан шартномаси 30 июнга қадар амал қилади. Инсайдер Фабрицио Романонинг сўзларига кўра, камерунлик дарвозабон тез орада расман “Интер”нинг футболчиси сифатида таништирилади. Аввалроқ журналист 26 ёшли дарвозабон итальян клуби билан 5 йиллик шартнома имзолагани, унга кўра солиқлардан кейин йилига 3 миллион евро маош олиши ҳақида хабар берган эди.
Жорий мавсумда дарвозабон барча мусобақаларда бор-йўғи 10та ўйин ўтказди ва 12та гол ўтказиб юборди. Онана допинг учун тўққиз ойга дисквалификация қилинган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
