Равшан Эрматов ЖЧ-2014га борса, унга Расулов ва Қўчқоровлар ассисентлик қилади
Сал аввалроқ 2014 йил Бразилияда бўлиб ўтадиган жаҳон чемпионатига бориши мумкин бўлган ҳакамларнинг кенгайтирилган рўйхатини эълон қилган халқаро футбол уюшмаси ФИФА, энди уларга ассисентлик қилувчи реферилар номини маълум қилди.
2010 йил ЖАРда бўлиб ўтган жаҳон чемпионати очилиш ўйинини бошқарган ва якунда энг кўп – 5та учрашув ишониб топширилган ўзбекистонлик ФИФА рефериси Равшан Эрматовга қанотларда Абдуҳамидулло Расулов ва Қирғизистонлик Баҳодир Қўчқоров ёрдам берадиган бўлди. Қайд этиш керак, яна бир ўзбекистонлик ФИФА рефериси Валентин Коваленко ЖЧ-2014га бориши мумкин бўлган заҳира ҳакамлари қаторидан жой олганди.
Жаҳон чемпионатига Равшан Эрматовдан ташқари Али Ҳамад Ал-Бадвави (БАА), Ҳалил Иброҳим Ал-Гамди (Саудия Арабистони), Алиризо Фағони (Эрон), Юичи Нишимура (Япония), Наваф Абдулла Шукрулла (Баҳрайн), Бенжамин Жон Уильямс (Австралия) каби ҳакамлар ҳам бориши мумкин.
Манба: www.the-uff.com
Киритилди: 14:56, 16.05.2012. Ўқилди: 6127 марта. Фикрлар: 3 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар