Хванг Сун Хонг: «Узоқ парвоз ва иссиқ ҳаво бизга таъсир қилди»
“Бунёдкор” сўнгги турда ўз майдонида “Поханг Стилерс”ни мағлуб этиб, нимчорак финалга чиқди. Ўйиндан кейинги матбуот анжуманида дастлаб меҳмонлар бош мураббийи Хванг Сун Хонг иштирок этди.
Хванг Сун Хонг:
— Натижадан қониқмадим. Бу ўйинда фақат ғалаба қозонишни мақсад қилгандик.
— Бугун жамоа гол ура олмади. Бунинг сабаби нимада — ҳужумчиларингиз яхши ўйнай олишмадими ёки “Бунёдкор” ҳимояси яхши ўйнадими?
— Ҳар иккала жамоа яхши ўйнади. Қайси жамоа биринчи гол урса, ўша жамоа ўйинда устунликка эга бўлиши ва ғалаба қозониш имкониятига эга бўларди.
— Кечаги матбуот анжуманида жамоа олдига фақат ғалаба қозониш вазифасини қўйишингизни айтгандингиз. Балки жамоа дуранг учун ўйнаганида кейинги босқичга чиқиши мумкин эдими?
— Натижа ўз йўлига. Узоқ парвоз ва иссиқ ҳаво футболчиларнинг индивидуал ҳолатига таъсир қилмай қолмади.
— “Бунёдкор” ҳар иккала ўйинда “Поханг”ни мағлуб этди. “Бунёдкор”нинг нимчорак финалдаги рақиби ҳам Корея жамоаси бўлади. “Бунёдкор” ва “Сёнгнам Ильва Чунма”ларини таққослай оласизми?
— Кейинги ўйин ҳақида гапириш ниятим йўқ.
Киритилди: 19:11, 16.05.2012. Ўқилди: 5671 марта. Фикрлар: 6 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).