Игорь Шквирин: «Ўзбекистоннинг барча клублари кубокни қўлга киритишни истайди»
«Андижон» - «Олмалиқ»жамоалари ўртасидаги учрашув якунланганидан сўнг, ҳар икки жамов вакиллари матбуот анжуманида иштирок этишди. Журналистларнинг саволларига дастлаб, меҳмонлар устози Игорь Шквирин жавоб қайтарди.
- Маълумки Кубок учрашувларининг бу босқичидан бошлаб баҳслар уй-сафар тизимида ташкил этилади. Сафарда биринчи ўйинни ўтказадиган жамоалар биринчи навбатда ўз дарвозаларидан гол ўтказиб юбормасликка ҳаракат қилишади, - деб гап бошлади Игорь Шквирин. - Шогирдларим биринчи бўлимда бу вазифани ижобий тарзда уддалашди. Аммо танаффусдан сўнг, мезбонлар майдонда анча фаол тўп суришди. Тан олиш керак, «Андижон» футболчилари иккинчи бўлимда майдонда устунлик қилишди. Натижада ҳимоядаги хатолар эвазига дарвозамиздан учта гол ўтказиб юбордик. Лекин шунга қарамасдан бизда ҳисобни қисқартириш учун имкониятлар бўлди ва биз уларнинг биттасидан самарали фойдаландик. Энди олдинда жавоб учрашуви ҳам бор ва албатта биз жавоб ўйинида керакли натижани қўлга киритишга ҳаракат қиламиз.
- Умуман олганда, Кубок баҳсларида жамоангиз олдига қандай вазифа қўйилган?
- Саволингиз кутилмаган бўлди. Ахир Кубокбаҳслари мамлакат миқёсида ўтказилади ва ҳар қандай жамоа унда зафар қучишни истайди. Чунки Кубокда ғалаба қозонган жамоа Чемпионлар лигаси йўлланмасини қўлга киритади. Менимча юртимиздаги ҳар қандай жамоа Кубокда муваффақиятга эришишни хоҳлайди.
-Бугунги ҳакамлик борасида қандай фикрдасиз?
- Биз томондан ҳакамларга ҳеч қандай эътироз йўқ. Балки ҳакамларга эътироз сизларда бордир?
- Мезбонларнинг ўйини ҳақида қандай фикрдасиз?
- Бу жамоага йил бошида янги бош мураббий тайинланди. Мен Александр Николаевични тажрибали мураббий сифатида биламан. «Андижон» мавсумни муваффақиятсиз бошлади. Лекин бу вақтинчалик ҳолат эканлиги ойднлашди. Тажрибали мураббий вазиятни ўнглай олди. Кўриб турганингиздек андижонликлар охирги ўйинларни муваффақиятли ўтказишмоқда.
- 1:3 ҳисобидаги мағлубиятдан кейин жамоангизнинг кейинги босқичга чиқишига ишонасизми?
- Футболда ҳамма нарса бўлиши мумкин. Биз жавоб учрашувида бутун эътиборимизни дарвозамиздан гол ўтказиб юбормаган ҳолда ғалаба қозонишга қаратамиз.
Манба: www.andijon-pfc.uz
Киритилди: 08:25, 25.05.2012. Ўқилди: 5750 марта. Фикрлар: 4 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
