"Манчестер Юнайтед"нинг ёздаги режалари катта.
Эрик тен Хагнинг "Манчестер Юнайтед"га келиши кўплаб трансфер миш-мишларини фаоллаштириб юборди. Клубдаги вазиятга ойдинлик киритадиган инсайдерлар бунга қандай муносабат билдиради?
Жамоани тарк этувчи бир қатор футболчилар бор. Бу таркибни кучайтиришга ҳам хизмат қилиши мумкин.
Криштиану Роналду катта эҳтимол билан жамоада қолади. Хўш, унда "Юнайтед"ни тарк этиши мумкин бўлган футболчилар кимлар?
Бу ердаги ҳамма деярли клубни текинга тарк этади.
• Эдинсон Кавани 2020 йилдан бери 59 та ўйинда майдонга тушиб, 19 та гол урди. У айни дам эркин агентга айланган. Уругвайлик кейинчалик ўтиши мумкин бўлган жамоалар орасида нисбатан кучлироқ кўринган "Фиорентина" бор.
• Неманья Матич аллақачон Жозе Моуриньо бошчилигидаги "Рома" билан шартнома имзолаган. Серб "Манчестер Юнайтед"да 5 йил ўйнади, унинг Римдаги шартномаси 2023 йилгача мўлжалланган. Моуриньо аллақачон сербни икки марта - "Челси" ва "Манчестер Юнайтед"далик пайти сотиб олган ва уни даҳо деб атаган.
• Хуан Матанинг клуб билан шартномаси ҳам «Манчестер Юнайтед»даги 8 йиллик фаолиятидан сўнг якунига етди. 285 ўйин, 51 гол ва тўртта соврин! 2016 йилда Хуан Англия кубогини, бир йилдан сўнг Европа лигаси, лига кубоги ва мамлакат суперкубогини қўлга киритди.
"Баъзида ҳақиқат барча кутганидан ҳам аччиқроқ бўлади" - Мата таъсирли видео орқали "Манчестер Юнайтед" билан хайрлашди - бу аллақачон барчани таъсирлантириб юборди.
Жесси Лингард ҳам жамоани текинга тарк этади. У клубга 2001 йилда 8 ёшида келиб қўшилган. Жесси 2014 йилда катталар жамоасида дебют қилган: шу вақт ичида у 232 ўйин ўтказиб, 35 гол урган.
• Ҳозирча Энтони Марсьяль ҳақида расмий хабар йўқ, аммо миш-мишлар кўп. 2021/22 йилги мавсумнинг иккинчи қисмида у "Севилья" томонидан ижарага олинганди, бироқ Энтони Испанияда ҳам муваффақиятга эриша олмади: Ла Лиганинг 9 та учрашувида 1 та голли узатмани амалга оширди. Франциялик футболчи клубга қайтди ва "Манчестер Юнайтед" уни сотишга тайёрланмоқда, деб ёзади The Telegraph. Марсьялдан тушган маблағни "Юнайтед" янги ҳужумчи сотиб олишга сарфлайди.
"Улар менинг келажагим ҳақида қайғуришмади" - Погба «Манчестер Юнайтед»ни катта руҳий зарба билан тарк этади.
Поль Погба билан хайрлашиш энг шов-шувли воқеа бўлиб чиқди: "Манчестер Юнайтед" унга ҳатто, янги шартнома таклиф қилмади. Бу табиийки, футболчини ранжитди.
“Футболчи ўзини клуб учун муҳим деб ҳис қилиши керак. Агар шундай бўлмаса, ҳаммаси тугайди. Мен жароҳатдан қайтаётган эдим, улар менга ёрдам беришмади. Улар менинг келажагим ҳақида қайғуришмади. Шундай қилиб, мен Франция терма жамоасига боришга мажбур бўлдим - ўша ерда ўзимга бўлган ишончни қайтардим”, - дейди ярим ҳимоячи. Pogmentary ҳужжатли фильмида.
Франциялик футболчи 2016 йилда «Ювентус»дан 105 миллион евро эвазига «Манчестер Юнайтед»га қайтган эди. Клуб билан у 2017 йилда Европа Лигаси ва Англия Лига кубогини қўлга киритди. Қайтгандан сўнг у 154 та ўйин ўтказиб, 29 та гол урди. Погба «Манчестер Юнайтед»да юқори даражага чиқиши тахмин қилинганди, лекин у ҳеч қачон жамоанинг ҳақиқий етакчисига айланмаган ва кўпинча формасини йўқотган. La Gazette dello Sport хабарига кўра, Поль "Ювентус"га қайтади.
Янги трансферлар ҳақида нима дейиш мумкин?
Sky Sports нашрининг хабар беришича, клубнинг ёздаги устувор вазифаси кучли ярим ҳимоячи харид қилиш. Погба, Матич ва Мата кетганидан кейин "Манчестер Юнайтед" камида битта ярим ҳимоячи билан шартнома имзолаши керак мантиқан.
• Ҳозирги асосий мақсад - Френки де Йонг. "Барса" билан музокаралар давом этмоқда, томонлар келишув тез орада якунланишига ишонишмоқда. Фабрицио Романонинг ёзишича, "Манчестер Юнайтед"нинг голландиялик учун оғзаки таклифи 60 миллион евро бўлиб, бу каталонияликларга ёқмаган. "Барса" "МЮ"дан камида 85 миллион фунт сўраяпти. Хави Френкини жамоада қолдиришни истайди, аммо клубнинг молиявий муаммолари уни сотишга имкон яратиши мумкин.
Де Йонгдан ташқари, "Манчестер Юнайтед" бутун бошли ҳужум чизиғи бўйлаб ҳаракат қила оладиган универсал футболчи билан шартнома имзолаш ниятида. Айниқса, "Аякс"дан Энтони "қизил иблислар"нинг кузатув марказида бўлиб турибди. 22 ёшли бразилиялик аллақачон Тен Хаг билан бирга ишлаган. Ўтган мавсумда вингер барча турнирларда 33 ўйинда майдонга тушиб, 12 гол ва 10 голга ассистентлик қилган. Битим 60 миллион еврога баҳоланган.
"Бенфика" ҳужумчиси Дарвин Нуньес билан ҳам қўшимча вариант бор эди, унга аллақачон "Ливерпуль" қизиқиш билдирган.
• «Манчестер Юнайтед» шунингдек, «Аякс»нинг ёш футболчиси Юрриен Тимберга қизиқиш билдирган. Тен Хаг қўл остида у Эредивизияда (2020 йил март) дебют қилди ва охир-оқибат базада ўзини кўрсатди. Амстердамликлар ҳимоячи учун тахминан 50 миллион евро талаб қилишмоқда. Ҳимоя марказидаги яна бир вариант - “Вильярреал”дан анча тажрибали Пау Торресдир.
Аммо умуман олганда, «Манчестер Юнайтед» ҳимоя зонасини кучайтиришга интилмаяпти: Sky Sports нашрининг ёзишича, клубнинг устувор йўналиши ярим ҳимоя ва ҳужум чизиғидир.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
