"Manchester Yunayted"ning yozdagi rejalari katta.
Erik ten Xagning "Manchester Yunayted"ga kelishi ko‘plab transfer mish-mishlarini faollashtirib yubordi. Klubdagi vaziyatga oydinlik kiritadigan insayderlar bunga qanday munosabat bildiradi?
Jamoani tark etuvchi bir qator futbolchilar bor. Bu tarkibni kuchaytirishga ham xizmat qilishi mumkin.
Krishtianu Ronaldu katta ehtimol bilan jamoada qoladi. Xo‘sh, unda "Yunayted"ni tark etishi mumkin bo‘lgan futbolchilar kimlar?
Bu yerdagi hamma deyarli klubni tekinga tark etadi.
• Edinson Kavani 2020 yildan beri 59 ta o‘yinda maydonga tushib, 19 ta gol urdi. U ayni dam erkin agentga aylangan. Urugvaylik keyinchalik o‘tishi mumkin bo‘lgan jamoalar orasida nisbatan kuchliroq ko‘ringan "Fiorentina" bor.
• Nemanya Matich allaqachon Joze Mourinyo boshchiligidagi "Roma" bilan shartnoma imzolagan. Serb "Manchester Yunayted"da 5 yil o‘ynadi, uning Rimdagi shartnomasi 2023 yilgacha mo‘ljallangan. Mourinyo allaqachon serbni ikki marta - "Chelsi" va "Manchester Yunayted"dalik payti sotib olgan va uni daho deb atagan.
• Xuan Mataning klub bilan shartnomasi ham «Manchester Yunayted»dagi 8 yillik faoliyatidan so‘ng yakuniga yetdi. 285 o‘yin, 51 gol va to‘rtta sovrin! 2016 yilda Xuan Angliya kubogini, bir yildan so‘ng Yevropa ligasi, liga kubogi va mamlakat superkubogini qo‘lga kiritdi.
"Ba’zida haqiqat barcha kutganidan ham achchiqroq bo‘ladi" - Mata ta’sirli video orqali "Manchester Yunayted" bilan xayrlashdi - bu allaqachon barchani ta’sirlantirib yubordi.
Jessi Lingard ham jamoani tekinga tark etadi. U klubga 2001 yilda 8 yoshida kelib qo‘shilgan. Jessi 2014 yilda kattalar jamoasida debyut qilgan: shu vaqt ichida u 232 o‘yin o‘tkazib, 35 gol urgan.
• Hozircha Entoni Marsyal haqida rasmiy xabar yo‘q, ammo mish-mishlar ko‘p. 2021/22 yilgi mavsumning ikkinchi qismida u "Sevilya" tomonidan ijaraga olingandi, biroq Entoni Ispaniyada ham muvaffaqiyatga erisha olmadi: La Liganing 9 ta uchrashuvida 1 ta golli uzatmani amalga oshirdi. Fransiyalik futbolchi klubga qaytdi va "Manchester Yunayted" uni sotishga tayyorlanmoqda, deb yozadi The Telegraph. Marsyaldan tushgan mablag‘ni "Yunayted" yangi hujumchi sotib olishga sarflaydi.
"Ular mening kelajagim haqida qayg‘urishmadi" - Pogba «Manchester Yunayted»ni katta ruhiy zarba bilan tark etadi.
Pol Pogba bilan xayrlashish eng shov-shuvli voqea bo‘lib chiqdi: "Manchester Yunayted" unga hatto, yangi shartnoma taklif qilmadi. Bu tabiiyki, futbolchini ranjitdi.
“Futbolchi o‘zini klub uchun muhim deb his qilishi kerak. Agar shunday bo‘lmasa, hammasi tugaydi. Men jarohatdan qaytayotgan edim, ular menga yordam berishmadi. Ular mening kelajagim haqida qayg‘urishmadi. Shunday qilib, men Fransiya terma jamoasiga borishga majbur bo‘ldim - o‘sha yerda o‘zimga bo‘lgan ishonchni qaytardim”, - deydi yarim himoyachi. Pogmentary hujjatli filmida.
Fransiyalik futbolchi 2016 yilda «Yuventus»dan 105 million yevro evaziga «Manchester Yunayted»ga qaytgan edi. Klub bilan u 2017 yilda Yevropa Ligasi va Angliya Liga kubogini qo‘lga kiritdi. Qaytgandan so‘ng u 154 ta o‘yin o‘tkazib, 29 ta gol urdi. Pogba «Manchester Yunayted»da yuqori darajaga chiqishi taxmin qilingandi, lekin u hech qachon jamoaning haqiqiy yetakchisiga aylanmagan va ko‘pincha formasini yo‘qotgan. La Gazette dello Sport xabariga ko‘ra, Pol "Yuventus"ga qaytadi.
Yangi transferlar haqida nima deyish mumkin?
Sky Sports nashrining xabar berishicha, klubning yozdagi ustuvor vazifasi kuchli yarim himoyachi xarid qilish. Pogba, Matich va Mata ketganidan keyin "Manchester Yunayted" kamida bitta yarim himoyachi bilan shartnoma imzolashi kerak mantiqan.
• Hozirgi asosiy maqsad - Frenki de Yong. "Barsa" bilan muzokaralar davom etmoqda, tomonlar kelishuv tez orada yakunlanishiga ishonishmoqda. Fabrisio Romanoning yozishicha, "Manchester Yunayted"ning gollandiyalik uchun og‘zaki taklifi 60 million yevro bo‘lib, bu kataloniyaliklarga yoqmagan. "Barsa" "MYU"dan kamida 85 million funt so‘rayapti. Xavi Frenkini jamoada qoldirishni istaydi, ammo klubning moliyaviy muammolari uni sotishga imkon yaratishi mumkin.
De Yongdan tashqari, "Manchester Yunayted" butun boshli hujum chizig‘i bo‘ylab harakat qila oladigan universal futbolchi bilan shartnoma imzolash niyatida. Ayniqsa, "Ayaks"dan Entoni "qizil iblislar"ning kuzatuv markazida bo‘lib turibdi. 22 yoshli braziliyalik allaqachon Ten Xag bilan birga ishlagan. O‘tgan mavsumda vinger barcha turnirlarda 33 o‘yinda maydonga tushib, 12 gol va 10 golga assistentlik qilgan. Bitim 60 million yevroga baholangan.
"Benfika" hujumchisi Darvin Nunyes bilan ham qo‘shimcha variant bor edi, unga allaqachon "Liverpul" qiziqish bildirgan.
• «Manchester Yunayted» shuningdek, «Ayaks»ning yosh futbolchisi Yurriyen Timberga qiziqish bildirgan. Ten Xag qo‘l ostida u Erediviziyada (2020 yil mart) debyut qildi va oxir-oqibat bazada o‘zini ko‘rsatdi. Amsterdamliklar himoyachi uchun taxminan 50 million yevro talab qilishmoqda. Himoya markazidagi yana bir variant - “Vilyarreal”dan ancha tajribali Pau Torresdir.
Ammo umuman olganda, «Manchester Yunayted» himoya zonasini kuchaytirishga intilmayapti: Sky Sports nashrining yozishicha, klubning ustuvor yo‘nalishi yarim himoya va hujum chizig‘idir.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
