• Реклама
• m.std.uz
• facebook
• twitter
• telegram
• instagram
• RSS
• Алоқа

Бугун 17 август, 2025 йил, якшанба.

• O'zbekcha
• Русская
• English

• LIVE
• Фаол мухлис
• Фут.башорати
• Викторина
• Блог
• Конференция
• Афсоналар
• Видео
• ТВ-Онлайн
• ТВ-дастур
• Трансфер
• Юмор
• Энг-энг...
• Кирманг

• АПЛ

  жадвал    тақвим    тўпурарлар
  • • 16.08.2025 00:00
    • Ливерпуль
    • 4:2
    • Борнмут
  • • 16.08.2025 16:30
    • Астон Вилла
    • 0:0
    • Ньюкасл
  • • 16.08.2025 19:00
    • Брайтон
    • 1:1
    • Фулхэм
  • • 16.08.2025 19:00
    • Сандерленд
    • 3:0
    • Вест Хэм
  • • 16.08.2025 19:00
    • Тоттенхэм
    • 3:0
    • Бёрнли
  • • 16.08.2025 21:30
    • Вулверхэмптон
    • 0:4
    • Манчестер Сити
  • • 17.08.2025 18:00
    • Челси
    • -:-
    • Кристал Пэлас
  • • 17.08.2025 18:00
    • Ноттингем Форест
    • -:-
    • Брентфорд
  • • 17.08.2025 20:30
    • Ман. Юнайтед
    • -:-
    • Арсенал
  • • 19.08.2025 00:00
    • Лидс
    • -:-
    • Эвертон
• Ла-лига

  жадвал    тақвим    тўпурарлар
  • • 16.08.2025 00:30
    • Вильярреал
    • 2:0
    • Реал Овьедо
  • • 16.08.2025 22:30
    • Мальорка
    • 0:3
    • Барселона
  • • 17.08.2025 00:30
    • Алавес
    • 2:1
    • Леванте
  • • 17.08.2025 00:30
    • Валенсия
    • 1:1
    • Реал Сосьедад
  • • 17.08.2025 20:00
    • Сельта
    • -:-
    • Хетафе
  • • 17.08.2025 22:30
    • Атлетик Бильбао
    • -:-
    • Севилья
  • • 18.08.2025 00:30
    • Эспаньол
    • -:-
    • Атлетико
  • • 19.08.2025 00:00
    • Эльче
    • -:-
    • Бетис
• Суперлига

  жадвал    тақвим    тўпурарлар
  • • 16.08.2025 18:00
    • Навбаҳор
    • 0:1
    • Нефтчи
  • • 16.08.2025 19:00
    • Динамо
    • 1:0
    • ОКМК
  • • 16.08.2025 20:15
    • Насаф
    • 2:0
    • Шўртан
  • • 17.08.2025 18:00
    • Қўқон-1912
    • -:-
    • Сурхон
  • • 17.08.2025 19:00
    • Машъал
    • -:-
    • Андижон
  • • 17.08.2025 20:15
    • Бунёдкор
    • -:-
    • Бухоро
  • • 18.08.2025 19:00
    • Хоразм
    • -:-
    • Қизилқум

Хабарлар архиви

Андижонлик иқтидор эгаси – Фарҳод Соҳибжонов аллақачон кўпчиликнинг эътиборини қозониб улгурган.

Бу йил 21 ёшни қаршилайдиган ушбу футболчи бир неча мавсумдан буён “Андижон” сафида тўп суриб тажрибасини ошириб келмоқда ва мухлисларнинг суюкли ўйинчиларидан бирига айланган.

Мазкур футболчи билан суҳбатлашишда ишқибозларнинг ҳам хоҳиш ва истаги юқори бўлди. Чунки улар ҳам Фарҳод учун бир қатор саволларини юбордилар.

-  Про лигада шу кунгача ўтказилган ўйинлар борасида нима деган бўлардингиз? Бу масалада “Андижон”нинг иштирокини қандай баҳолайсиз?

-  Курашларга бой чемпионат бўляпти. Тўғриси, мавсум бошидаги ўйинларга киришиб кетишимиз бироз қийин кечди. Кейинчалик жамоамиз билан бирлашиб яхши натижалар кўрсатишни бошладик.

-  Айтинг-чи, “Андижон” жамоасининг натижалари кўрсатаётган ўйинига тўла мос деб ҳисоблайсизми?

-  Бундан ҳам яхши натижа кўрсатишимиз мумкин эди. Биринчи ўринга мос жамоамиз, деб ўйлайман. Мавсумнинг иккинчи қисмида ўйинимизни янада кучайтириб, чемпионатни Худо хоҳласа, 1-ўринда тугатамиз.

-  Сиз учун ҳозиргача энг эсда қоларли учрашув қайси бўлди?

-  “Турон” билан ўйинимиз эсда қоларли бўлди. Ўша беллашувда биз бир киши кам бўлиб, меҳмонда ютиб кетгандик. Ўйин жуда бошқача ҳиссиётларга бой бўлганди.

-  Бевосита иштирокингизга тўхталадиган бўлсак, голларингиз бироз камроқ бўлди. Ўйинингиздан неча фоизга қониқяпсиз?

-  Тўғри, голларим ҳозирча камроқ. Албатта, 100 фоиз зўр ўйин кўрсатяпман деб айта олмайман. Ўз устимда ишлашда давом этаман.

-  Про лигада тўпурар бўлиш режангизда йўқми?

-  Албатта, тўпурарликка эришиш ниятим бор. Бунинг учун қўлимдан келганича ҳаракат қиламан. Аммо мен биринчи навбатда жамоам манфаати учун ўйнайман.

-  Мавсумнинг кейинги қисмидаги кураш янада кескин ва жиддий тус олиши аниқ. Бунинг учун ёзги тайёргарлик жуда муҳим. Олдинда турган учрашувлардан нима кутяпсиз?

-  Ҳа, йиғинимизни 5 июлдан бошлаймиз. Ҳаммаси тайёргарликка боғлиқ. Ёзги йиғинни пухта ўтказиб, чемпионатга яхши спорт формасида қайтамиз.

-  Сизга мухлислардан ҳам бир қатор саволлар келган. Улардан бири шундай: агар ўзимиздан ёки четга яхши таклиф бўлса, қандай йўл тутасиз?

-  Ҳали бу масалада ўйлаб кўрганим йўқ. Ҳозирги пайтда барча эътиборимни жамоамизни Суперлигага чиқишига қаратганман.

-  Шунингдек, сиз ўз вақтида “Насаф” академиясида ҳам таҳсил олгансиз. У ердаги ҳаётингизни қандай эслайсиз?

-  Аввал “Пахтакор”да ўқиганман. Кейин у ердан маълум сабабларга кўра кетганман. Шундан сўнг, “Насаф” академиясига боргандим. У ерда рақобат кучли эди. Балки шунинг учун кучим етмагандир. Сўнг “Андижон”га қайтганман. Адашмасам, бу 2016 йиллар эди. “Насаф” академиясида бизга Азамат ака мураббий эди. У ерда 4 ой юрганман.

-  Мухлислардан келган навбатдаги савол: ўзимиздан ва хориждан қайси футболчига тақлид қиласиз?

-  Эден Азар “Челси”да ўйнаб юрган кезларида унга жуда қизиқардим. Суперлигамизда ёқтирадиган ўйинчим бу – Ойбек Бозоров.

-  Қайси чемпионатда тўп суришни орзу қиласиз?

-  Англия премъер-лигасида ўйнашни орзу қиламан.

-  Футболчи сифатида олдингизга қўйган вазифангиз қандай?

-  Ўзимни ҳар томонлама яхши кўрсатиб, янада кучли клубларда тўп суриш ниятим бор. Ўз номимни нафақат Ўзбекистонда, балки ҳамма жойда қолдиришни истайман.

-  Юлдузлик касалига дуч келишингиздан мухлислар хавотирда...

-  Мен бошимдан ўтказган машаққатдан кейин юлдузлик касалига дучор бўлишим мумкин эмас. Бундай бўлишига ҳаққим ҳам йўқ.

-  Бундан ташқари, мухлислардан келган яна бир саволда шундай дейилади: Соҳибжонов дастлабки ойлик маошига ота-онаси учун нима олиб берган?

-  Биринчи иш ҳаққимга онам учун тилла олиб берганман. Кейин маълум вақт ўтганидан кейин дадамга машина совға қилганман.

-  Қандай русумдаги машина?

-  “Нексия-3”. Жамоамиз президенти Журъат ака шу совғаларни беришимда жуда катта ёрдам берган. Бунинг учун доим миннатдорман.

-  Жамоа бош мураббийи Виктор Кумиковга учта сўз билан қандай таъриф берасиз?

-  Кумиков тактик томондан кучли. Жуда тартибли мураббий. Ҳали бу каби мураббийни кўрмагандим.