Ёш истеъдодлар. "Ливерпул"нинг кейинги мавсумида катта роль ўйнаши мумкин бўлган 20 ёшгача бўлган 3 нафар футболчига эътиборингизни қаратамиз.
"Қизиллар" келаси мавсум учун ўз имкониятларини максимал даражада ишга солишга тайёр. "Ливерпуль" бош мураббийи Юрген Клопп ёш футболчиларга имконият яратиши билан ном қозонган. Таркибга ёш кадрларни жалб этиш орқали кучли рақобат муҳитини яратиш Клоппнинг фишкаси ҳисобланади. Сўнгги йилларда у кўплаб ўсмирларни ўз жамоасининг асосий аъзоларига айлантирди, жумладан Трент Александр-Арнольд ва Жо Гомесни мисол сифатида келтириш мумкин.
Немис мутахассиси кейинги мавсумда ҳам ушбу тенденцияни давом эттиришга ҳаракат қилади. "Қизиллар" таркибида ҳозирда жамоанинг муҳим аъзолари бўлиши мумкин бўлган бир қанча истиқболли ёшлар мавжуд. Шуларни ҳисобга олиб, келаси мавсумда “Ливерпул”да муҳим рол ўйнаши мумкин бўлган уч футболчи ҳақида қисқача сўз юритамиз.
Харви Эллиотт
Харви 2019 йил ёзги трансфер ойнасида 16 ёшида "Фулхэм"дан "Ливерпул"га ўтган эди. Ёш футболчи 2020-21 йилги мавсум учун "Блэкберн Роверс"га ижарага берилган эди, бироқ ундан олдин дебют мавсумида "қизиллар" таркибида бир нечта асосий ўйинларда майдонга тушган. У "Энфильд"да ажойиб мавсум ўтказди ва 41 та ўйинда 7 гол уриб, 11 та голга ассистентлик қилди.
Эллиотт 2021-22 йилги мавсум олдидан "Энфильд"га қайтди ва дарҳол ўзини кўрсатди. У ўтган мавсумда "қизиллар"нинг дастлабки тўртта ўйинида майдонга тушди ва 12 сентябрь куни "Лидс"га қарши ўйинда тўпиғидан жароҳат олди. Англия терма жамоасининг 21 ёшгача бўлган футболчиси тахминан олти ой давомида жароҳатидан фориғ бўла олмади. Бироқ, у тезда формасига қайтди, мавсумолди машғулотларини тўлиқ якунлади ва кейинги мавсумда "қизиллар" таркибида асосий роль ўйнаши кутилмоқда.
Фабио Карвалью
Фабио ушбу трансфер ойнаси бошида "Фулхэм"дан "қизиллар" сафига келиб қўшилди. Португалиялик футболчи ҳозирда Премьер-лиганинг умидли ўйинчиларидан бири ҳисобланади. Карвалью ўтган мавсумда "Фулхэм"нинг Чемпионшипдаги ғалабасида муҳим роль ўйнади: 36 ўйинда 10 та гол урди ва 8 та голли узатмани амалга оширди. У 2021-йил август ойида лигада ойнинг энг яхши ёш футболчиси совринини олди. Шунингдек, 2021–22-йилги мавсум сарҳисобига кўра, рамзий жамоага киритилди. 19 ёшли ярим ҳимоячи шу ҳафта бошида "қизиллар"нинг "Манчестер Юнайтед"га қарши мавсумолди биринчи ўйинида ажойиб кўриниш олди. У келгуси мавсумда "Ливерпул"нинг асосий таркибида ўзини кўрсатишга интилади.
Калвин Рэмси
"Ливерпуль" ушбу трансфер ойнаси бошида Калвин Рэмсини "Абердин"дан 6,5 миллион фунт стерлинг эвазига сотиб олди. У ўтган мавсумда Шотландия чемпионатида 21 та ўйинда майдонга тушиб, 1 та гол урди ва 5 та голли узатмани амалга оширди. Ўз меҳнати туфайли футболчи 2021-22 SFWA йилнинг энг яхши ёш ўйинчиси мукофотига эришди. "Қизиллар" уни Трент Александр-Арнольдга ўринбосар сифатида кўрмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
