Хабарингиз бор, айни пайтда Ўзбекистон Coca Cola Суперлигасида давралар оралиғидаги танаффус ва ёзги трансфер “ойнаси” вақти. Шу боис, кўплаб клублар, шу жумладан, жамоамиз таркибида ҳам ўзгаришлар юз бермоқда.
Ўзингизга маълум, “Навбаҳор” жорий мавсумда ўз олдига юксак мақсадларни қўйган ва давралар оралиғидаги танаффусга турнир пешқадами сифатида чиқиб кетди.
Шу боис, юртимиздаги спорт ҳамда футболга ихтисослашган турли сайтлар ва блогерлар томонидан очилган турли телеграм каналлари орқали трансфер ҳамда таркибдаги ўзгаришларга оид турли миш-мишлар айнан “лочинлар”га тегишли бўлмоқда.
Албатта, кўплаб ютуқ ҳамда совринларга эга ва кўп минглаб ишқибозлари бўлган жамоа ҳақидаги ҳар қандай шов-шувли хабар ёки янгиликлар кўпчиликни қизиқтириши табиий. Бундан эса кўплаб сайт ижодкорлари ва блогерлар пиар сифатида самарали тарзда фойдаланиб қолишга ҳаракат қилишади.
Бироқ шуни маълум қиламизки, жамоамиз ёзги трансфер “ойнаси” даврида ўз таркибига қўшиб олишни режалаштирган футболчиларни деярли ўз сафига қўшиб олди. Россияда ўйнаётган Остон Ўруновнинг “Навбаҳор”га келиши борасидаги гап-сўзлар эса миш-мишдан ўзга нарса эмас. Клуб раҳбарияти ва мураббийлар штаби Ўрунов билан ҳеч қандай музокара олиб бормаган ва уни “Навбаҳор”га таклиф этиш режада ҳам йўқ.
Айни пайтда “лочинлар” сафидаги кўплаб футболчилар юқори савияли саналишади, шунингдек, “Навбаҳор”га қарашли фарм, U-21, U-19 жамоалари таркибида кўплаб иқтидорли ёшлар бор ва кўплаб футболчиларни кашф этиши билан машҳур бўлган жамоамиз бош мураббийи Самвел Бабаян 2-даврада уларнинг имкониятларидан тўлиқ фойдаланишни ният қилган.
Яна шуни ҳам таъкидлаш лозимки, клуб қайсидир футболчи билан келишувга эришиб, у шартномага имзо чекмагунича, “Навбаҳор” аъзоси ҳисобланмайди.
Шунингдек, бирор футболчи жамоани тарк этиш истагида бўлса, бу икки томонлама ўзаро келишув асосида амалга ошади ҳамда бу ҳақда клуб расмий сайти томонидан аниқ маълумот берилади.
Пиарни ёқтирадиган ва шунинг орқасидан югурадиган сайт ижодкорлари ва блогерлар шуни эътиборга олишларини сўраб қолардик.
Шунингдек, “Навбаҳор” мухлисларидан ҳам жамоамиз тўғрисидаги турли миш-мишларга ишонмаслик, “Навбаҳор”даги ўзгаришлар борасидаги ҳар қандай расмий хабар клубимизнинг расмий pfcnavbahor.uz cайти ва FCNAVBAHOR расмий телеграм каналида эълон қилинишини эслатиб ўтамиз.
“Навбаҳор” ПФК матбуот хизмати.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
