ЎФА биринчи вице-президенти Равшан Ирматов бошчилигидаги мутахассислар ҳудудлардаги футбол оммавийлигини ошириш, болалар-ўсмирлар футболини янада ривожлантириш бўйича амалга оширилаётган ишлар билан танишиш мақсадида Қорақалпоғистон Республикасига ташриф буюришди.
Ташриф аввалида Нукус шаҳрида жойлашган “Турон” стадионининг ҳозирги ҳолати ва сунъий майдонининг сифати кўздан кечирилди. Бундан ташқари, футбол академияси учун мазкур ҳудудда жойлашган захира майдонлари лойиҳаси ўрганилди. Академия ҳамда спорт мактаблари ётоқхоналари, ошхона ва бошқа иншоотлар қурилиш-реконструкция лойиҳалари билан яқиндан танишилди. Қурилиш давом этаётган жойларда қурувчи ташкилот вакилларига халқаро стандартлар юзасидан керакли тавсиялар берилди.
Шундан кейин, ЎФА мутасаддилари ва маҳаллий мутахассислар иштирокида Қорақалпоғистон миқёсида болалар футболининг инфраструктураси юзасидан фикр алмашилди. Кегайли, Бўзатов ва Қораўзак тумани болалар-ўсмирлар спорт мактаблари мураббийлари ва тарбияланувчилари билан учрашув бўлиб ўтди. Ўлкада истеъдодли ёшлар кўп эканлиги, уларни тўғри йўналтириб, замонавий методика асосида катта футболга тайёрлаш лозимлиги, бу борада ҳудудда имконият етарли эканлиги ва уни янада яхшилаш кераклиги таъкидланди.
Матнда хатолик топсангиз, ўша хатони белгилаб, бизга жўнатинг (Ctrl + Enter).