Эрик тен Хаг ўзининг илк АПЛ мавсумини мағлубият билан бошлади. Бу мағлубият оддий эмасди. «МЮ» ўз уйида «Брайтон»га енгилди. Қуйида ушбу жамоанинг қайси йилларда мавсумни мана шундай мағлубият билан бошлагани ҳақида гаплашамиз.
1992-93 йилги мавсум
Фергюсон жамоаси ўтмишда ажойиб ўйинлар намойиш этган. Аммо АПЛнинг илк мавсумини мағлубият билан бошлаган эди. Ўшанда «қизил иблислар» «Шеффилд Юнайтед»га меҳмонда 2-1 ҳисобида мағлуб бўлган.
1995-96 йилги мавсум
Сер Алекс Фергюсоннинг ўша пайтда ўта ёш бўлган жамоаси 1995-96 йилги мавсум стартини «Астон Вилла»га 3-1 ҳисобидаги мағлубият билан бошлаган. Кейинчалик, «МЮ» ўша мавсумда кетма-кет бешта баҳсда ғалаба қозониб, катта бурилиш қилган.
2004-2005 йилги мавсум
Жозе Моуриньонинг «Челси»даги илк расмий ўйини жуда катта қарама-қаршилик эди. Ўшанда улар, нақ қутуриб турган «Манчестер Юнайтед»ни мағлуб этган. Ўйин кичик, 1-0 ҳисобидаги «МЮ»нинг мағлубияти билан якун топади. Қайд этиб ўтиш керакки, ўша мавсум охирида Моуриньонинг «Челси»си, 95 очко билан мамлакат чемпионига айланади.
2012-2013 йилги мавсум
Фергюсоннинг «МЮ»даги сўнгги мавсуми мағлубият билан бошланади. Ўшанда жамоа меҳмонда «Эвертон»га 1-0 ҳисобида имкониятни бой берган. Шунга қарамай, «қизил иблислар» мавсумни чемпионлик билан якунлайди. Янги ҳужумчи Ван Перси эса май ойига қадар 26 та гол уришга эришади.
2014-15 йилги мавсум
2013-14 йилда жамоани Дэвид Мойес бошқаради. Ўша мавсум охирини эса «МЮ» 7 ўринда тугатади. Янги олиб келинган мураббий Луи ван Галга жамоани қайта қуриш топширилади. Аммо унинг шогирдлари 2014 йилнинг илк АПЛ баҳсида «Суонси»га 2-1 ҳисобида мағлуб бўлади.
2020-21 йилги мавсум
Икки йил олдинги мавсум «Манчестер Юнайтед» учун «Кристал Пэлас»га қарши баҳс билан старт олади. Ўшанда янги харид қилинган ярим ҳимоячи Донни ван де Бек ўзининг клубдаги дебют голини уришга эришган. Бироқ, бу етарли бўлмаган. Чунки рақиб жамоа бу голга учта гол билан жавоб қайтаради. Сульшер эса 3-1 ҳисобидаги мағлубият ғами билан ўйинни тугатади. Эътиборлиси, Сульшер ўша мавсумда «Тоттенхэм»га ўз уйида 6-1 ҳисобида имкониятни бой берганди!
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
