Erik ten Xag o‘zining ilk APL mavsumini mag‘lubiyat bilan boshladi. Bu mag‘lubiyat oddiy emasdi. «MYU» o‘z uyida «Brayton»ga yengildi. Quyida ushbu jamoaning qaysi yillarda mavsumni mana shunday mag‘lubiyat bilan boshlagani haqida gaplashamiz.
1992-93 yilgi mavsum
Fergyuson jamoasi o‘tmishda ajoyib o‘yinlar namoyish etgan. Ammo APLning ilk mavsumini mag‘lubiyat bilan boshlagan edi. O‘shanda «qizil iblislar» «Sheffild Yunayted»ga mehmonda 2-1 hisobida mag‘lub bo‘lgan.
1995-96 yilgi mavsum
Ser Aleks Fergyusonning o‘sha paytda o‘ta yosh bo‘lgan jamoasi 1995-96 yilgi mavsum startini «Aston Villa»ga 3-1 hisobidagi mag‘lubiyat bilan boshlagan. Keyinchalik, «MYU» o‘sha mavsumda ketma-ket beshta bahsda g‘alaba qozonib, katta burilish qilgan.
2004-2005 yilgi mavsum
Joze Mourinyoning «Chelsi»dagi ilk rasmiy o‘yini juda katta qarama-qarshilik edi. O‘shanda ular, naq quturib turgan «Manchester Yunayted»ni mag‘lub etgan. O‘yin kichik, 1-0 hisobidagi «MYU»ning mag‘lubiyati bilan yakun topadi. Qayd etib o‘tish kerakki, o‘sha mavsum oxirida Mourinyoning «Chelsi»si, 95 ochko bilan mamlakat chempioniga aylanadi.
2012-2013 yilgi mavsum
Fergyusonning «MYU»dagi so‘nggi mavsumi mag‘lubiyat bilan boshlanadi. O‘shanda jamoa mehmonda «Everton»ga 1-0 hisobida imkoniyatni boy bergan. Shunga qaramay, «qizil iblislar» mavsumni chempionlik bilan yakunlaydi. Yangi hujumchi Van Persi esa may oyiga qadar 26 ta gol urishga erishadi.
2014-15 yilgi mavsum
2013-14 yilda jamoani Devid Moyes boshqaradi. O‘sha mavsum oxirini esa «MYU» 7 o‘rinda tugatadi. Yangi olib kelingan murabbiy Lui van Galga jamoani qayta qurish topshiriladi. Ammo uning shogirdlari 2014 yilning ilk APL bahsida «Suonsi»ga 2-1 hisobida mag‘lub bo‘ladi.
2020-21 yilgi mavsum
Ikki yil oldingi mavsum «Manchester Yunayted» uchun «Kristal Pelas»ga qarshi bahs bilan start oladi. O‘shanda yangi xarid qilingan yarim himoyachi Donni van de Bek o‘zining klubdagi debyut golini urishga erishgan. Biroq, bu yetarli bo‘lmagan. Chunki raqib jamoa bu golga uchta gol bilan javob qaytaradi. Sulsher esa 3-1 hisobidagi mag‘lubiyat g‘ami bilan o‘yinni tugatadi. E’tiborlisi, Sulsher o‘sha mavsumda «Tottenxem»ga o‘z uyida 6-1 hisobida imkoniyatni boy bergandi!
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
