Fbref.com портали Европанинг энг кучли бешта чемпионатлари футболчилари қанча маош олиши ҳақидаги маълумотларни эълон қилди. Бугунги мақолада ҳар бир лигада энг кўп маош олувчи ўн футболчини кўриб чиқамиз.
Англия
Келинг, Премьер-лигадан бошлайлик. Бу ерда футболчилар фунт-стерлингда пул олишади, аммо бошқа лигалар билан солиштириш қулайлиги учун биз суммаларни еврога айлантирдик. Биринчи ўринда Криштиану Роналду. У йилига 7 миллион евро билан рейтингдаги “Манчестер Сити” етакчиси Кевин Де Брюйнедан олдинда. Роналду "Манчестер Юнайтед"ни тарк этишга интилмоқда ва клуб бундан фақатгина хурсанд бўлса керак.
Умуман олганда, лигадаги сўнгги ўринда бораётган жамоанинг бир вақтнинг ўзида 4 футболчиси маош бўйича АПЛнинг ўнталигидан жой олган.
Испания
Агар Англияда “Манчестер Юнайтед” биринчи ўринда турган бўлса, Испанияда “Реал Мадрид” етакчилик қилмоқда. 2019 йилда мадридликлар Эден Азарни сотиб олиш учун 115 миллион евро сарфлаган, бундан ташқари унинг учун катта маош ҳам белгилаган.
Илгари "Барселона"да энг кўп маош оладиган ҳужумчилар бор эди: Лионель Месси, Неймар, Луис Суарес, Антуан Гризманн... Лекин ҳозир марказий ярим ҳимоячилар Френки Де Йонг, Серхио Бускетс энг кўп маош олишмоқда.
Италия
Италия А Сериясининг кучли ўнталигида бирорта ҳам амалдаги мамлакат чемпиони вакиллари йўқ. "Рома"дан яқинда сотиб олинган Алессандро Флоренси "Милан"да энг кўп маошни олади. “Қизил-қоралар”нинг футболчиси ҳар йили 5,5 миллион евро олади.
Кучли ўнталикдан фақатгина “Ювентус” ва “Интер” футболчилари ўрин олган.
Германия
Бундеслиганинг кучли 10талигида “Бавария”дан бўлмаган биргина футболчи бор у ҳам бўлса мавсум оралиғида жамоадан кетган Никлас Зюле.
Рейтингда эса Садио Мане етакчилик қилмоқда. Қизиғи шундаки, жорий мавсумгача Роберт Левандовски Бундеслиганинг энг кўп маош олувчи футболчиси эди, бироқ "Бавария" ҳам позиция, ҳам маош бўйича полякни ўрини босадиган футболчи билан шартнома имзолади.
Франция
Агар Германияда "Бавария" ҳеч бўлмаганда кимгадир кучли 10таликка киришга имкон берган бўлса, Францияда "ПСЖ" лигада устунлик қилмоқда - биринчи 14 ўринда бутунлай пойтахт клуби футболчилари жой олган. Францияда (ва бутун дунёда) пешқадам “ПСЖ” ҳужумчилари триоси: Неймар, Лионель Месси ва Килиан Мбаппе.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
