Албатта ушбу икки ўйинчи кейинги пайтлардаги учрашувларда "Насаф" таркибида кўринмай қолди. Шубҳасиз, Жаҳонгирни ҳам Илҳомни ҳам биз мухлислар севимли жамоамиз "Насаф"нинг юқори чуққиларга чиқишида ўзининг муносиб ҳиссасини қўшган ўйинчилар сирасига киритамиз.
"Насаф"нинг кейинги пайтдаги ўйинларига назар соладиган бўлсак, натижалар ёмон бўлмасада, лекин ўйин ва майдонда ўйинчиларнинг ўзини тутишида ўзгаришларни сезаяпмиз. Нимагадир "Насаф" жамоасининг олдинги шижоати йуқолиб бораётгандек. Биз собиқ бош мураббий Рўзиқул Бердиев даврида умуман бошқа "Насаф"ни кўрар эдик, энди эса...
Гўёки натижалар ёмон эмасдек, нега унда мухлисларни "Насаф"нинг ўйинларидан кўнгли тўлмаяпти?
Хўш нега? Бизнинг фикримизча "Насаф" мухлислари ўйинда ўз севикликлари бўлмиш Жаҳонгир Жиямуродовни, Илҳом Шомуродовларни кўришмаяпти, ундан ташқари майдонда ҳаракат қилаётган айрим ўйинчиларимизда ғалати кайфиятлар сезилаяпти яъни уларнинг ўйинида пасайиш сезилиб қолмоқда. Албатта бу ҳолатлар мухлисларни ташвишлантирмай қолмайди. Аслида жамоада қандай муҳит ҳукм сўраётгани бизга қоронғу, ҳар ҳолда унча яхшига ўхшамаяпти.
Биз Жаҳонгирни нега таркибда кўринмаётганини сўраб-суриштирдик аниқланишича Жаҳонгир "Бунёдкор" жамоаси билан ўйинга тайёргарлик машғулотларида кичик жароҳат олган лекин бу жиддий эмас экан. Умид қиламизки, кейинги ўйинларда Жаҳонгирни албатта майдонда кўришимиз мумкиндир. Жаҳонгир тўғрисида яна шуни таъкидлаш керакки, у "Насаф" мухлисларига энг содиқ ўйинчилар сирасига киради. Унга мавсум бошида кўп таклифлар бўлишига қарамасдан фақат "Насаф"ни ва "Насаф"ни мухлисларини деди. Шуларни ҳисобга олиб, мухлисларимизга Жаҳонгир тўғрисидаги "Жаҳонгир Насафдан кетармиш" деган миш-мишларга ишонмаслигини сўрар эдик. Биз Жаҳонгир билан бўлиб ўтган мулоқотларимизда шу нарсага амин бўлганмизки, у табиатан ўз сўзида турадиган тўғри сўз инсон, бир ҳақиқий йигитга қандай хусусиятлар керак бўлса ҳаммаси унда мужассам у шунингдек ёлғон сўзлашни ёқтирмайдиган, ўзини ҳурмат қиладиганларни бошига кўтарадиганлар қаторида туради.
Афсуски, Илҳом Шомуродов билан жуда кам мулоқотда бўлганмиз, унинг нега майдонда кўринмаётганига биз ҳам жуда ҳайронмиз, шуни аниқ биламизки у соғ-саломат (доимо шундай бўлишини ҳоҳлаймиз) машғулотларда мунтазам қатнашиб келмоқда, аммо у бош мураббий томонидан таркибга киритилмаяпти, бу аниқ. Балки, бунга бош мураббий кейинги ўйинлардан сўнгги бўлиб ўтадиган матбуот анжуманларида (агар иштирок этса) изоҳ бериб ўтар. Биз мухлислар Илҳомни "Насаф"нинг муҳим ўйинларида қўшган ҳиссаларини жуда қадрлаймиз ва ҳурмат қиламиз.
Шунингдек, биз кейинги пайтларда Носир Отақўзиевни ҳам таркибга киритилмай келинаётганига гувоҳ бўлаяпмиз. Нега? Албатта саолллар кўп лекин жавоб йўқ.
Биз мухлислар қандай ҳолатда бўлмасин ўйинчиларимиз бир жам бўлиб, худди бир оила бўлиб, яхлит жамоа бўлиб майдонда биз мухлислар учун ҳужумкор ва чиройли ҳамда фақат ғалаб учун ўйнашини ҳоҳлаймиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
