"Вулверхэмптон" 33 ёшли Диего Костани Премьер-лигага қайтаради. У эркин агент сифатида жамоага келади.
Инсайдер Фабрицио Романонинг хабар беришича, испаниялик атиги бир мавсумга шартнома имзолайди ва якуний трансфер масалаларини ҳал қилиш учун аллақачон Англияга учиб кетган. Athletic нашрининг ёзишича, дастлаб клуб Диегонинг Англияда ўйнашга тайёрлигига шубҳа қилган, аммо ҳужумчининг хоҳиши уларни ишонтирган.
Ёз охирида "Вулверхэмптон" "Штутгарт"нинг 25 ёшли ҳужумчиси Саша Калайжичга сармоя киритди. Рауль Хименеснинг ўйини кескин пасайиб кетгани туфайли жамоага ҳужумчи керак эди. "Бавария" икки метрли австрияликни узоқ вақт кузатди, улар уни Роберт Левандовски ўрнига яхши вариант деб ҳисоблашди.
Бироқ Калайжич “бўрилар”га ўтди ва биринчи ўйиндаёқ жиддий жароҳат олди. Инглизлар зудлик билан бозорга киришди, аммо ёз охиригача ким биландир шартнома имзолашга улгурмади. Кейин улар эркин агентларни саралашга қарор қилди. Шундай қилиб, "Вулверхэмптон" Диего вариантида тўхталди.
Бу трансфер ҳам амалга ошмаслиги мумкин эди. Гап шундаки, Англия футбол ассоциацияси Буюк Британия Евро Иттифоқ таркибидан чиққанидан сўнг, иш учун рухсатнома бериш мезонларини қаттиқлаштирди. Футболчи сўнгги клуби, терма жамоадаги ўйинлари ва сўнгги пайтларда майдонда ўтказган дақиқалари каби баҳолаш тоифаларида жами 15 балл тўплаши керак. Коста январь ойидан бери клубсиз юрибди, шунинг учун унга шунчаки балл етишмади.
“Бўрилар” ФА қарори устидан апелляция берди ва кутилмаганда қабул қилинди.
Костанинг Англиядаги сўнгги мавсуми ҳамманинг эсида қолган
2014 йилнинг ёзида у Лондонда пайдо бўлди ва дарҳол "Челси" ва Премьер-лига рекордларини янгилай бошлади, у тўртта ўйинда еттита гол урди. Ҳаммаси шу қадар яхши эдики, Диегони стадионда хўжайин деб аташди ва унинг рақибларига унчалик ёқмайдиган жирканч характерига ошиқ бўлди.
“Бу шунчаки ифлос каламуш. У қичқирди, тирнади, сизни бир сония тинч қўймади, нафас олишингизга рухсат бермади. Луис Суарес ҳам унга бироз ўхшарди. Унга қарши ўйнаш шунчаки даҳшатли эди: у тепди, тирнади ва хоҳлаганини қилди. Ва мен бундай футболчиларни жуда яхши кўраман. Жамоага шундай футболчилар керак”, дея бироз ноодатий интервью берган эди Бен Фостер.
Коста биринчи йил 20 та гол урди, аммо "Челси"га ўтганидан бир йил ўтиб, у тўлиқ очилди. Бу ўша даҳшатли мавсумда содир бўлди, Моурино жуда ожиз кўринди ва декабрь ойининг ўрталарига қадар бор-йўғи тўртта ўйинда ғалаба қозонганди. Коста жамоадаги энг қўпол бўлди, мавсум бошида ортиқча вазн билан келди ва муваффақияциз ўйинлар оралиғида Испаниядаги концертларга борди. Кўпчилик мухлислар Диегонинг ўйини жамоа натижаларига таъсири ҳақида гапирди.
Антонио Конте янги мавсумнинг биринчи машғулотида кутилмаганда Коста Испаниянинг Евро-2016 учун таркибига кирмагани учун футболдан кетишни истаётганини билиб қолди. Коста голлар урди ва мураббийдан мақтовлар эшитди, аммо қишда Хитойдан футболчига катта таклиф келди. Йилига таклиф қилинган 30 миллион фунт Костани ҳайратда қолдирди. У тезда клуб унга ишончини ёъқотиши ва кетиш учун ўзи учун жароҳат ўйлаб топди.
Диего чемпионлик мавсумида "Челси"нинг энг яхши тўпурари бўлди, аммо барибир Контенинг кейинги режаларига кирмади. Италиялик Моратани сотиб олди ва Костадан воз кечди. Бу ҳақда унга ватсапп орқали айтдим. Коста жуда хафа бўлди: “Бундай нарсаларни СМС орқали эмас, балки шахсан айтиш керак. Терма жамоада бўлганимда Конте менга ёзган ва жамоадаги йигитлар бунинг имкони борлигига ишонишмаган”.
Коста "Атлетико Мадрид"га қайтди ва "Челси" билан Чемпионлар лигасида бир неча бор йўллари кесишди. Энди улар Премьер-лигада тўқнаш келишади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
