Евро финалида байроғимизни ҳилпиратган ўзбек футбол мухлисасининг Евро-2012 таассуротлари!
Евро-2012 финалини томоша қилганлар кўрган бўлса керак, испан мухлислари жойлашиб олган трибунада Ўзбекистон байроғи ҳам ҳилпираб турди. Барчамизга ғурур бағишлаган ушбу байроқни ушбу ўйинга кирган ватандошларимиз дунёга кўз-кўз қилди.
Салкам бир ой давом этган мусобақа давомида кўплаб юртдошларимиз турнир доирасидаги бир қатор ўйинларни бевосита стадиондан томоша қилиш бахтига муяссар бўлишди. Шундай юртдошларимиздан бири Варшава шаҳрида таҳсил олаётган Умида Маҳмудова. Умида darakchi.uz сайтига турнир давомида олган таассуротларини қисқача гапириб берди:
- Евро-2012 менда жуда катта таассурот қолдирди. Олдин бунақа муҳитни бўлмагандим. Илк бор гуруҳ босқичидаги Испания-Италия баҳсини стадиондан томоша қилиш бахтига муяссар бўлдим. Мен ўйинларга чипталарни лотарея ўйини орқали ютгандим. Ўтган йили UEFA.com сайти махсус танлов ўтказган эди. Бунга кўра, гуруҳ босқичидаги бир қатор ўйинларга, шунингдек, чорак финал ва финал ўйинларига чипталар ютиб олдим. Турнирда Испания терма жамоасига мухлислик қилдим. Шу боис кўпинча испан мухлислари даврасида бўлдим. Испан ишқибозлари Гданьск шаҳрини карнавалга айлантириб юборишди. Улар шу қадар кўп эдики, худди турнир Испанияда ўтказилаётгандек таассурот уйғотди. Шаҳар қип-қизил рангга бурканди. Итальян мухлислари бир мунча камроқ эди. Икки давлат мухлисларининг бир-бириларини ҳурмат қилишлари алоҳида эътиборимни тортди. Улар ўйин олдидан жуда дўстона муносабатда бўлишди.
Чорак финал доирасидаги Португалия-Чехия терма жамоалари баҳсини ҳам трибунада жонли тарзда томоша қилиш бахтига муяссар бўлдим. Ҳақиқий футбол байрами бўлди.
Финал супер финал бўлди. Ўзим мухлислик қилган Испаниянинг йирик ҳисобда ғалаба қозонганидан бошим осмонга етди. Ишқибозлар эрталабгача байрам қилиб чиқишди. Бунақа тарихий воқеада бевосита иштирокчи бўлганимдан жуда мамнунман.
Фотогалерея билан қуйидаги ҳаволада танишасиз.
Манба: www.darakchi.uz
Киритилди: 20:30, 02.07.2012. Ўқилди: 8108 марта. Фикрлар: 6 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
