"Манчестер Юнайтед" сўнгги 10 йилдаги Европада энг кўп пул сарфлаган жамоа саналади. Бу ҳақидаги айрим эътиборга молик жиҳатлар ҳақида сўз юритишга қарор қилдик. Демак, бошладик.
1. "МЮ" ҳафтасига ортиқча 2 миллион фунт йўқота борган
"Қизил иблислар" раҳбарияти ўтган мавсумда 115,5 миллион фунт йўқотгани ҳақида маълум қилганди. Бу йўқотиш, сўнгги йилдаги 18 фоизлик иқтисодий ўсишга қарамай юз берган. Гарчанд мухлислар яна стадионга қайтганига қарамай, йўқотишлар миқдори 23 миллион фунтгача ўсган. Бу эса "Манчестер Юнайтед"га ҳафталик 2,2 миллионлик йўқотиш қаердан келиб қолганига жавоб бўла олади.
2. Клубдаги футболчилар моаши Европдаги энг юқори кўрсаткич
"МЮ" ўтган мавсумда таркиб футболчилари моаши учун жами 384,2 миллион фунтни сарфлаб юборган. Аммо клуб мавсумни ўз тарихидаги энг ёмон натижа билан якунлади. Гарчанд, ҳамма клублар ҳам бундай ҳисоботларни эълон қилиб улгурмаган бўлса ҳам, "МЮ" бу борада биринчи бўлиши тахмин қилинган. Бу натижа 2020-21 йилларга қараганда 61,6 миллион фунтга кўпроқдир. "МЮ" бу борада "Манчестер Сити"ни ҳам ортда қолдирган.
3. "МЮ" мураббийларни ишдан бўшатгани сабаб уларга 25 миллион фунт тўлаб берган
Ноябрь ойидаги Сульшернинг кетиши, мавсум охирида эса Рангник олиб қолинмагани сабабли, клуб фонди ортиқча 24,7 миллион фунт зарар кўрган. Умуман олганда, Фергюсон кетганидан бери, жамоа мураббийларни ҳайдаш борасида анча фаол. Шу фаоллик раҳбариятга қарийб 58 миллион фунтга айланган. Бу мураббийлар ичида Дэвид Мойес, Луи ван Гал, Жозе Моуриньо ва Сульшерлар бор эди.
4. Клуб қарзи 94,5 миллионга ошган
"МЮ"нинг умумий қарзи 2021 йилдаги 419,5 миллион фунтдан, бу йили 514,9 миллионга етган. Бу эса 22 фоиз ўсиш бўлганини кўрсатади. Бу ҳақида жамоа молиявий масалалар бўйича бўлим бошлиғи Клифф Бати шундай дейди: "2022 йилда маълум қилинган молиявий камомадларга пандемия, мухлисларни тўлиқ стадионларга қайтариш, тижорий ҳамкорлик ва стадионни таъмирлаш ишлари сабаб бўлди".
5. Глейзерлар дивиденд* олишни давом этган
"МЮ"нинг қарзлари деярли чорак марта кўпайган. Аммо клуб эгалари шундай оғир шароитларда ҳам дивиденд олишни давом эттирган. Америкалик ишбилармонларнинг бу борада йиллик олган фойдаси 33,6 миллион фунтни ташкил этган.
Мана шундай фактлар билан "Манчестер Юнайтед" ёзда 200 миллион фунтдан ортиқ пулни трансферларга сарфлади. Кўрамиз, бу қанчалик ўзини оқларкин...
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
