"Manchester Yunayted" so‘nggi 10 yildagi Yevropada eng ko‘p pul sarflagan jamoa sanaladi. Bu haqidagi ayrim e’tiborga molik jihatlar haqida so‘z yuritishga qaror qildik. Demak, boshladik.
1. "MYU" haftasiga ortiqcha 2 million funt yo‘qota borgan
"Qizil iblislar" rahbariyati o‘tgan mavsumda 115,5 million funt yo‘qotgani haqida ma’lum qilgandi. Bu yo‘qotish, so‘nggi yildagi 18 foizlik iqtisodiy o‘sishga qaramay yuz bergan. Garchand muxlislar yana stadionga qaytganiga qaramay, yo‘qotishlar miqdori 23 million funtgacha o‘sgan. Bu esa "Manchester Yunayted"ga haftalik 2,2 millionlik yo‘qotish qayerdan kelib qolganiga javob bo‘la oladi.
2. Klubdagi futbolchilar moashi Yevropdagi eng yuqori ko‘rsatkich
"MYU" o‘tgan mavsumda tarkib futbolchilari moashi uchun jami 384,2 million funtni sarflab yuborgan. Ammo klub mavsumni o‘z tarixidagi eng yomon natija bilan yakunladi. Garchand, hamma klublar ham bunday hisobotlarni e’lon qilib ulgurmagan bo‘lsa ham, "MYU" bu borada birinchi bo‘lishi taxmin qilingan. Bu natija 2020-21 yillarga qaraganda 61,6 million funtga ko‘proqdir. "MYU" bu borada "Manchester Siti"ni ham ortda qoldirgan.
3. "MYU" murabbiylarni ishdan bo‘shatgani sabab ularga 25 million funt to‘lab bergan
Noyabr oyidagi Sulsherning ketishi, mavsum oxirida esa Rangnik olib qolinmagani sababli, klub fondi ortiqcha 24,7 million funt zarar ko‘rgan. Umuman olganda, Fergyuson ketganidan beri, jamoa murabbiylarni haydash borasida ancha faol. Shu faollik rahbariyatga qariyb 58 million funtga aylangan. Bu murabbiylar ichida Devid Moyes, Lui van Gal, Joze Mourinyo va Sulsherlar bor edi.
4. Klub qarzi 94,5 millionga oshgan
"MYU"ning umumiy qarzi 2021 yildagi 419,5 million funtdan, bu yili 514,9 millionga yetgan. Bu esa 22 foiz o‘sish bo‘lganini ko‘rsatadi. Bu haqida jamoa moliyaviy masalalar bo‘yicha bo‘lim boshlig‘i Kliff Bati shunday deydi: "2022 yilda ma’lum qilingan moliyaviy kamomadlarga pandemiya, muxlislarni to‘liq stadionlarga qaytarish, tijoriy hamkorlik va stadionni ta’mirlash ishlari sabab bo‘ldi".
5. Gleyzerlar dividend* olishni davom etgan
"MYU"ning qarzlari deyarli chorak marta ko‘paygan. Ammo klub egalari shunday og‘ir sharoitlarda ham dividend olishni davom ettirgan. Amerikalik ishbilarmonlarning bu borada yillik olgan foydasi 33,6 million funtni tashkil etgan.
Mana shunday faktlar bilan "Manchester Yunayted" yozda 200 million funtdan ortiq pulni transferlarga sarfladi. Ko‘ramiz, bu qanchalik o‘zini oqlarkin...
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
