"ПСЖ" юлдузи Килиан Мбаппе жамоадан кетиши билан боғлиқ хабарлар тарқалди. Унда футболчи ва клуб орасидаги муносабатлар бутунлай бузилиб кетгани айтилади. Мбаппе ёз давомида "Реал" ўтиши борасида мунозаралар жуда кўп янграган эди. Аммо воқеалар сўнгида у Парижда қолди. Сўнгги хабарлар фонида биз сизлар билан француз ҳужумчисига янги клуб излаб кўрамиз.
"Ливерпуль"
Ҳақиқатга энг яқин бўлган вариантлардан бири бу "Ливерпул"дир. Мбаппе "ПСЖ"га ўтишидан аввал айнан "Ливерпуль" томонидан сотиб олиниши ҳақида кўплаб маълумотлар урчиганди. Чунки Клопп ўша пайтларда Мбаппени ўз жамоасида кўришни истаган. Кечаги "довруқли" хабарлардан кейин, Мбаппе учун "Ливерпул"нинг янги манзил бўлиши ҳақида ҳам кўп гапирила бошлади. Ажаб эмас, Юрген Клоппнинг узоқ йиллик орзуси қишда амалга ошса.
"Арсенал"
2017 йилнинг августь ойидан Мбаппе "ПСЖ"га ўтган. Ундан олдин эса "Арсенал" ҳам ҳужумчи учун даъвогарлар қаторида эътироф этилган. Арсен Венгер уни сотиб олиб, "кейинги Тьерри Анри"га айлантирмоқчи эди. Аммо Мбаппе "ПСЖ"ни танлади. Ҳа, "Арсенал" Мбаппега қизиқиш билдирган даврда Лондон клуби ЕЧЛда иштирок этар эди. Аммо ўшандан буён "Арсенал"нинг ета олган нуқтаси фақат ЕЛ финали бўлди холос. Ҳозир ҳам имкон йўқ эмас. Яъни, Мбаппе АПЛ етакчиси сафига келишни инкор этмайди. Агарда "Реал" уни кечирмаса, албатта.
"Бавария"
Катта эҳтимол билан Мбаппе учун энг хавфсиз вариант бу "Бавария" ҳисобланади. Немис гиганти доимий равишда Бундеслигани ўзиники қилиб келмоқда. ЕЧЛда эса исталган жамоага кураш таклиф эта олади. Боз устига, "Бавария" яқинда ўз ҳужумчиси бўлган Левандовскидан айрилди. Унинг ўрни эса Мбаппе томонидан муваффақиятли равишда қопланиши мумкин. Бироқ, бу воқеа ўта жон ва оддий бўлган бўларди.
"Манчестер Сити"
Буни тасаввур эта оласизми? Фараз қилинг, Эрлинг Холанд ва Килиан Мбаппе бир жамоада тўп тепмоқда...
Қандай аҳмоқгарчилик! Ҳа, бу аҳмоқона туюлиши мумкиндир. Аммо катта пул ҳамма нарсани ўзгартиришга қодирдир. Буни Мбаппенинг ўзи ҳам исботлади. Аммо Холанд ва Мбаппе, Роналду ва Мессининг бир клубда ўйнаши билан баробар бўлган бўларди. Шу сабаб, энг эҳтимоли паст йўл сифатида "шаҳарликлар"ни айтган бўлардик.
"Барселона"
Бундай кўчиш ўта қизиқарли бўлади. Агарда "ПСЖ" Мбаппега "Реал" томон йўлни тақиқласа, у ҳолда "қироллик клуби"нинг энг ашаддий рақиби янги вариантга айланади. "Барселона" варианти нисбатан актуалроқ деган бўлардик. Қолаверса, бу нарса Флоринтино Перес ва бошқаларнинг яхшигина асабига ўйнайди. Мбаппега юқори сифатга эга жамоа керак бўлса марҳамат: Ла-лига етакчиси ва ЕЧЛга даъвогар клуб уни кутмоқда...
"Челси"
Бу вариантни ҳам қўшишга мажбурмиз. "Арсенал"ни рўйхатга киритиб, "Челси"ни қолдириб кетиш, бизнингча, адолатдан бўлмасди. Дарҳақиқат, "аристократлар" учун ҳужум чизиғининг ҳар қайси нуқтасида ўйнай оладиган футболчи жуда ҳам зарур бўлиб турибди. Грэм Поттерга шундай футболчи жуда ҳам керак. Ўз навбатида Мбаппе Поттерни, АПЛни ютган тарихдаги илк инглиз мутахассисига айлантириши мумкин. Тодд Бёли эса Мбаппе каби фигура учун чўнтагини бўшатишга тайёр бўлади.
Юқорида "Реал Мадрид" ҳақида гапирмасликка қарор қилдик. Сабабини эса жуда яхши биласиз (гарчанд "Реал" Мбаппе учун ҳали ҳам энг яқин манзил сифатида қаралаётган бўлсада).
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
