Дунёнинг энг катта воқелиги бир ой ичида старт олади. Ўз мамлакатлари шарафини ҳимоя қилиш учун борадиган мухлислар учун жойлар етарли эмас. Аммо Қатар ҳукумати бу муаммонинг бир қисмини ечишга муваффақ бўлди. Эндиликда, Ўрта Шарққа борувчи туристлар учун яна қўшимча 30 минг турар жой яратилди. Аммо масаланинг бошқа томони ҳам бор. У жойлар на уй ва на меҳмонхона.
Ҳукумат эҳтиёжни максимум қондириш мақсадида кема контейнерларидан бошпаналар мавзесини барпо этди. Аммо ушбу контейнерлар шундай жиҳозланганки, унда одамлар ўзларини уйдагидек ҳис қилишади. Энг асосийси эса ушбу массивларнинг нархи анча арзон – тунига 200 фунт-стерлингни ташкил этади.
Бу ҳақида Қатар-2022'нинг расмий сайтида шундай дейилади: "Ҳозирда "Зафарон" деб номланган мухлислар турар жойи яратилди. У меҳмонларга бир ёки икки киши, ёки бўлмаса, икки киши, аммо алоҳида-алоҳида яшашга имкон беради. Ҳар бир хонада чой, қаҳва тайёрлаш имкони мавжуд. Ҳар куни 2 идишда сув тақдим этилади. Музлаткич, ётоқхона ва душ тизими билан жиҳозланган. Овқатланиш шаҳобчалари жуда ҳам яқин. Метрога тушиш учун жуда қулай. Бу эса мухлисларга Доҳанинг исталган жойига қийналмасдан етиб олиш имконини беради. Жаҳоннинг исталган фуқароси бу ерда бир тун учун 183 фунт тўлаб, яшаши мумкин".
Қатар ноябрдан бошлаб 1 миллион 200 минг туристни қабул қилади. Аммо ҳали ҳам мамлакатда уларни сиғдириш имкони мавжуд эмас. Меҳмонхоналарнинг ўзи футболчилар ва турнирга алоқадор инсонлар билан тўлиб қолади. Шу сабаб, кўпчилик меҳмонлар қўшни давлатлардан жой олиши кутилмоқда.
Қатар ҳукумати вакили Йосир Ал-Жамол юқоридаги турар жой мажмуаси ҳақида фикр билдирар экан, жумладан, шундай дейди: "Мухлислар учун турар жой масаласи ўта катта муаммо. Ҳадемай бунга бўлган талаб ошиб кетади. Шу муносабат билан биз қўшимча 30 минг ўринга мўлжалланган турар-жой ҳудудларини барпо этдик. Бу орқали эса Қатар 1 миллионгача меҳмонни қабул қила олиши мумкин бўлди. Бундан жуда мамнунмиз".
Қатардаги мундиалда мухлислар кунига 19 соат давомида спиртли ичимликлар истеъмол қила олади. Хусусан, пивонинг нархи 8 фунт-стерлингга тенг бўлади. Аммо қоидага амал қилмаган мухлислар жаримага тортилиши ҳам мумкин. Эслатиб ўтамиз, навбатдаги мундиал 2022 йилнинг 20 ноябрида, Қатар ҳамда Эквадор ўртасидаги ўйин билан бошланади.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
