Жаҳон чемпионатига саноқли ҳафталар қолганда асосий эътибор миллий терма жамоалар сафини кимлар ташкил этишига қаратилади. Фикайо Томори мунтазам равишда Англия терма жамоасига чақирилиб турадиган футболчи. Томори Англиядан кетганидан бери Италия гранди «Милан» учун барча мусобақаларда 60 дан ортиқ ўйин ўтказди.
Томори УЕФА Чемпионлар лигасида майдонга тушган ва ўтган мавсумда у лиганинг 31 ўйинида майдонга тушиб, А серияда ғолиб чиқди. Англиялик мухлисларнинг кўпчилигида савол туғилади; Томори терма жамоада тўп тепишга лойиқми? Шунинг футболчига Мадриднинг "Реал" клуби қизиқиш билдирмоқда. Ҳўш у "Реал" даражасидаги топ ҳимоячими? Қуйида футболчининг ўйинини тахлил қиламиз.
Ўйинчи профили
Фикайо Томори марказий ҳимоячи сифатида ўйнайди ва «Милан»даги фаолияти давомида у 4-2-3-1 схемасида чап қанотли марказий ҳимоячи сифатида ҳам ўзини кўрсата олган. Чап қанотда ўйнаб, унинг «заифроқ» чап оёғи энди анча кучлироқ бўлиб қолди ва Томори ундан фойдаланишда ноқулайлик ҳис этмайди.
«Челси»даги фаолияти давомида у вақти-вақти билан орқа учликда ўйнаган. Шунга қарамай, у ушбу трионинг чап томонида кўпроқ вақт ўтказган. Қуйидаги Томори "иссиқлик харитаси"да унинг шу пайтгача мавсум давомида эгаллаган позициялари кўрсатилган.
Унинг майдондаги ҳаракатларидан кутилмаган нарсани пайқаш қийин, у асосан марказий ҳимоячи чизиғида ўйнайди. Кенг жойлашув яхши танланган ва у марказий майдоннинг кўп қисмини қамраб олади. «Милан» кўпчиликка қараганда олдинроқда рақибни кутиб олишни яхши кўрарди, бу эса Томори учун зичроқ марказий майдонни беради.
Милан ҳимоячисининг бўйи 1.85 метр ва оғирлиги 79 кг ни ташкил қилади, бу уни универсал ҳимоячига айлантиради. Узун бўйли ва жисмоний унга дуэлларда жанговар бўлишга имкон беради. Вазнининг нисбатан енгиллиги эса тезкорликда ҳужумчиларда қолишмаслиги учун айни муддао.
Маълумотлар
Қуйидаги маълумотлар Томорининг ушбу мавсумдаги А Сериядаги статистикасидан олинган.
Ҳужумдаги фаоллик
Пушти ранг Фикайонинг ҳужумдаги активлигини кўрсатади ва бу борада футболчи мақтана олмаслиги кўриниб турибди. Буни контекстда ҳисобга олиш керак, яъни Томори бошқа марказий ҳимоячилар каби олдинга ўтиш учун кўп имкониятларга эга эмас. Имкон қадар Фикайо ҳимояга эътибор қаратади ва майдонда энг орқада жойлашган футболчи сифатида ҳам кўриниш беради.
Бироқ, ижобий қараш мумкин бўлган соҳалардан бири бу дриблинг. Орқа тўртликдаги марказий ҳимоячи учун Томори ўзининг дриблингларида жуда яхши кўрсаткичга эга. Унинг ўйин услуби ва роли унга тўпни олдинга олиб чиқиш ва ҳужумларнинг бошланиш нуқтасини бошқариш имконини беради.
Тўпга эгалик қилиш
Сариқ рангга бўялган тўпга эгалик қилиш маълумотлари Томори ҳақида яхшироқ тушунча беради. Унинг узатмалари сони ҳар 90 дақиқада ўртача 72та пасга тўғри келади. Бироқ, у аниқ паслар бўйича яхши кўрсаткичга эга эмас - 52фоиз.
Қолаверса, унинг қабул қилинган паслар бўйича рейтинги ҳам ўртачадан юқори бўлиб, у тўпни қабул қилишдан қўрқмаслигини кўрсатади. Томори кўпинча «Милан» ҳужумга чиқаётганда тўп сўрайдиган футболчи. У имкони борича тўпларни олдинга узатади ва бу "Милан" ўйинида асосий фигуралардан бири.
Ҳимояланиш малумотлари
Графикнинг оқ қисми футболчининг ҳимоядаги даражасини ифодалайди. Бир қарашда, бу ёмон статистик кўринади, лекин эътибор билан қаралса, Фикайо ҳимояланишда ҳам яхши футболчилигини тушиниб олиш қийин эмас. Айтиб ўтганимиздек, «Милан» тўпни ушлаб туриш бўйича энг яхши жамоалардан бири. Улар тўпда устунлик қилишади. Демак, Томори ҳимояда камроқ ҳаракат қилади, чунки унинг жамоаси бошқа жамоаларга қараганда кўпроқ тўпга эга бўлади.
Шу сабабли, у ҳимоявий дуэлларда ва иккинчи қаватдаги курашларда камроқ вақт ўтказади. Томори маълумотлари учун муҳим бўлган соҳа - бу мудофаа ва ҳаво дуэллари ғалаба қозониш. Елкама-елка курашларнинг 52% фоизида Фикайо рақибларидан устун келган. 44 фоиз курашларда рақибларининг позициясини тўғри ёпиши орқали енгиб чиққан.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
