"Локомотив" - "Металлург" ўйинидан (3:1) сўнг бекободликлар устози Луисма Эрнандес матбуот анжуманида журналистларнинг саволларига жавоб қайтарди.
- Ўйин ҳақида
- Бугунги ўйинга биз ғалаба қозонишни мақсад қилиб келгандик. Ва бу ютуғимизни бутун мавсум давомида бизни қўллаб қувватлаб келган ашаддий ишқибозларимизга бағишламоқчи эдик. Аммо ўйинни бой бериб қўйдик. Чемпионатда яхшироқ натижа кўрсатиб, юқорироқ ўринларни эгаллаш учун йил давомида қаттиқ меҳнат қилдик. Бугунги ўйиндан кўнглимиз тўлмаган бўлса-да, мавсумдаги иштирокимиздан қониқиш ҳосил қилдим. Бугунги ғалаба билан “Локомотив” жамоасини табриклайман. Биз эса бироз дам олгач, кейинги мавсумга тайёргшарликни бошлаймиз.
- Бугунги учрашувнинг натижаси “Металлург” учун унчалик аҳамият касб этмасди. Бу футболчиларни ўйинга тайёрлашда қийинчилик туғдирмайдими?
- Албатта бундай вазиятда осон бўлмайди. Аммо таъкидлаб ўтганимдек йил давомида биз ўзимиз танлаган йўлдан оғишмай меҳнат қилдик. Бугун ҳам, бундан олдинги ўйинда ҳам охиригача курашдик. Аммо иккала ўйинда ҳам омадимиз чопмади. Бугун “Локомотив”га очко жуда зарур бўлганлиги боис улар ҳар битта тўп учун охиригача курашишди ва якунда ғалаба қозонишди. Бугунги ғалабага улар лойиқ эди, дейишим мумкин.
- Мавсум аввалида жамоа олдига қандай вазифа қўйилганди. Уни қай даражада бажардингизлар? Агар бажарилмаган бўлса мураббийлар штаби истеъфо бермайдими?
- Бу йилги чемпионат жуда муросасиз кечди. Бизнинг натижаларимиз ўтган йилгига нисбатан яхшиланди. Бир муддат олдинроқ мусобақа жадвалидаги мавқеимизни тинчроқ ҳудудга олиб келишга муваффақ бўлдик. Қолиш ёки кетишимга келадиган бўлсак кейинги мавсумда ҳам фаолиятимизни давом эттиришни режалаштирганмиз.
- Бугунги ўйинга тааллуқли бўлмаган савол бермоқчиман. “Металлург”дан фаолиятингизни давом эттирмоқчи бўлсангиз, ўзбек тилини ўрганаяпсизми?
- Ўзбек тилини мукаммал ўрганишни истайман. Ҳозирча мулоқот учун энг зарур сўзларни билиб олдим. Ўйлашимча Ўзбекистон менга, мен ҳам Ўзбекистонга ёқдим деб ўйлайман.
- Унда ўзбек тилида бир иккита сўз айтиб беринг...
- Раҳмат, тўп, кенгроқ...
- Яна ўйинга тааллуқли бўлмаган савол. Мундиал бошланаяпти, Испания жаҳон чемпиони бўладими?
- Иншааллоҳ бўлади. Умид қиламан бу сафарги жаҳон чемпионати жуда юқори савияда ўтади. Мезбон мамлакатнинг ташкилий ишларини кузатиб шундай хулосага келдим. Кейинги мавсумларда янада қаттиқ меҳнат қилишимиз керак, Ўзбекистоннинг ҳам Жаҳон чемпионатидаги иштирокини таъминлашимиз учун.
- Матбуот анжуманида батафсил саволларга жавоб қайтарганингиз учун раҳмат.
- Сизларга ҳам раҳмат. Ишларингизда омад ва муваффақият тилайман.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
