Ўзбекистон терма жамоаси бош мураббийи Сречко Катанец Қозоғистонга қарши бўлиб ўтган ўйин (2:0) борасида ўз фикрлари билан ўртоқлашди.
— Бугун биз тактик жиҳатдан жуда яхши ўйин намойиш этиб, ғалаба қозондик. Футболчилар ҳозирги ҳолатидан келиб чиқиб энг яхши ўйинларини намойиш этишга интилишди. Улар кўрсатмаларимга яхши амал қилишди.
— Кечаги матбуот анжуманида Ўзбекистон терма жамоаси ақлли футбол намойиш этишини айтиб ўтган эдингиз. Бу гапни Қозоғистон термаси ҳақида ҳам айтиш мумкинми?
— Узр, мен қозоғистонлик футболчилар ҳақида фикр билдира олмайман. Мен асосан ўз ўйинчиларимни кузатдим. Қозоғистон ҳам 1-2та яхши имкониятларга эга бўлди, хусусан, биринчи бўлимда улар жарима зарбасини амалга оширганда голли вазият юзага келди.
Мен Осиёнинг кўпгина жамоаларига қарши ўйинларда иштирок этганман. Уларга қарши марказда уч ҳимоячи билан ўйнасангиз, рақиблар қийналиб қолишади, уларга фантазия етишмай қолади ва қийинчиликларга дуч келдик. Аммо қозоқ ҳужумчиси мени ҳайрон қолдирди. У тўпни яхши назорат қилди, ўз жамоасининг ҳужумларини бошлади. Биз эса Қозоғистонга бугун бўш ҳудудлар қолдирмадик. Рақиб мудофаамизни ёриб ўтишда қийналган бўлса-да, мен Қозоғистонни хавфли рақиб дея оламан.
— Бугунги учрашувда баъзи ўйинчиларда эркинликка эга бўлишди, улар тўп билан яхши муомалада бўлишди. Бу сиз томондан уларга берилган кўрсатма эдими?
— Олдинги чизиқда ҳужумчиларга эркинлик берилади, улар истаганча импровизация қилиши мумкин. Аммо ҳимояда барча масъулият билан ўйнаши керак. Бизнинг ҳимоямиз Шомуродовдан бошланади ва бошқа қанот ҳужумчилари ҳам ҳимояда ўйнаши шарт. Чунки рақиб ҳужум қилаётганида сон жиҳатдан устунликка эга бўлмаслиги керак.
— Бугунги баҳсни Машарипов ва Бозоров ўтказиб юборишди. Асосий таркибни танлашингизда бу ҳолат таъсир кўрсатдими?
— Мен ихтиёримда бор футболчилардан фойдаланишга ҳаракат қиламан. Бугун майдонга тушган футболчиларнинг ўйинидан қониқиш ҳосил қилдим. Албатта, улар сафга қайтса, бизга катта ёрдам бўлади. Айниқса, Жалолиддин биз учун муҳим ўйинчи, у жамоамиз ўйинини кучайтиради.
— Элдорга "Рома" масаласида қандайдир маслаҳат бердингизми?
— Бу борада ҳеч қандай тавсия бермайман. Элдор — профессионал. Ҳа, ҳозир кўп ўйин амалиётига эга бўлмаяпти, унга осон эмас. Ўйлайманки, у кўпроқ ўйин амалиётига эга бўладиган ўзига мос жамоа топади. Унинг гол уриши биз учун муҳим аҳамиятга эга. Агар у гол уриб турмаганида, мен аллақачон ўз уйимда бўлишим мумкин эди.
— Майдонга икки ҳужумчи — Шомуродов ва Сергеевни бир вақтда тушириш ўйин услубини синаб кўрамайсизми?
— Бу сизнинг фикрингиз, мени буни ҳурмат қиламан. Кейинги ўйинда Россияга қарши майдонга чиқамиз. Бу бошқа даража. Ўйинчиларни бир вақтда майдонга туширган билан ҳеч нарса ўзгариб қолмайди. Улар биргаликда қандай ўйнашни билишлари керак. Таркибга янги ўйинчини қўшиш осон жараён эмас. Бунинг учун кўп машғулот керак. Қозоғистонга қарши ўйингача эса бизда тайёргарлик учун етарли вақт бўлмади. Шунинг учун чемпионатда кўп ўйин амалиётига эга бўлган футболчиларни майдонга туширдим. Янги ўйинчиларни бошқа позицияларга қўйиб, ўйинимизни бузиб қўйишни истамайман.
Ўзбекистон терма жамоаси ўйинида янада кўпроқ мухлислар бўлиши керак. Футболчилар шунга лойиқ. Терма жамоанинг ҳар қандай баҳсида стадион мухлислар билан тўлиши керак. Ўйинчилар учун бу жуда муҳим.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
