O‘zbekiston terma jamoasi bosh murabbiyi Srechko Katanes Qozog‘istonga qarshi bo‘lib o‘tgan o‘yin (2:0) borasida o‘z fikrlari bilan o‘rtoqlashdi.
— Bugun biz taktik jihatdan juda yaxshi o‘yin namoyish etib, g‘alaba qozondik. Futbolchilar hozirgi holatidan kelib chiqib eng yaxshi o‘yinlarini namoyish etishga intilishdi. Ular ko‘rsatmalarimga yaxshi amal qilishdi.
— Kechagi matbuot anjumanida O‘zbekiston terma jamoasi aqlli futbol namoyish etishini aytib o‘tgan edingiz. Bu gapni Qozog‘iston termasi haqida ham aytish mumkinmi?
— Uzr, men qozog‘istonlik futbolchilar haqida fikr bildira olmayman. Men asosan o‘z o‘yinchilarimni kuzatdim. Qozog‘iston ham 1-2ta yaxshi imkoniyatlarga ega bo‘ldi, xususan, birinchi bo‘limda ular jarima zarbasini amalga oshirganda golli vaziyat yuzaga keldi.
Men Osiyoning ko‘pgina jamoalariga qarshi o‘yinlarda ishtirok etganman. Ularga qarshi markazda uch himoyachi bilan o‘ynasangiz, raqiblar qiynalib qolishadi, ularga fantaziya yetishmay qoladi va qiyinchiliklarga duch keldik. Ammo qozoq hujumchisi meni hayron qoldirdi. U to‘pni yaxshi nazorat qildi, o‘z jamoasining hujumlarini boshladi. Biz esa Qozog‘istonga bugun bo‘sh hududlar qoldirmadik. Raqib mudofaamizni yorib o‘tishda qiynalgan bo‘lsa-da, men Qozog‘istonni xavfli raqib deya olaman.
— Bugungi uchrashuvda ba’zi o‘yinchilarda erkinlikka ega bo‘lishdi, ular to‘p bilan yaxshi muomalada bo‘lishdi. Bu siz tomondan ularga berilgan ko‘rsatma edimi?
— Oldingi chiziqda hujumchilarga erkinlik beriladi, ular istagancha improvizasiya qilishi mumkin. Ammo himoyada barcha mas’uliyat bilan o‘ynashi kerak. Bizning himoyamiz Shomurodovdan boshlanadi va boshqa qanot hujumchilari ham himoyada o‘ynashi shart. Chunki raqib hujum qilayotganida son jihatdan ustunlikka ega bo‘lmasligi kerak.
— Bugungi bahsni Masharipov va Bozorov o‘tkazib yuborishdi. Asosiy tarkibni tanlashingizda bu holat ta’sir ko‘rsatdimi?
— Men ixtiyorimda bor futbolchilardan foydalanishga harakat qilaman. Bugun maydonga tushgan futbolchilarning o‘yinidan qoniqish hosil qildim. Albatta, ular safga qaytsa, bizga katta yordam bo‘ladi. Ayniqsa, Jaloliddin biz uchun muhim o‘yinchi, u jamoamiz o‘yinini kuchaytiradi.
— Eldorga "Roma" masalasida qandaydir maslahat berdingizmi?
— Bu borada hech qanday tavsiya bermayman. Eldor — professional. Ha, hozir ko‘p o‘yin amaliyotiga ega bo‘lmayapti, unga oson emas. O‘ylaymanki, u ko‘proq o‘yin amaliyotiga ega bo‘ladigan o‘ziga mos jamoa topadi. Uning gol urishi biz uchun muhim ahamiyatga ega. Agar u gol urib turmaganida, men allaqachon o‘z uyimda bo‘lishim mumkin edi.
— Maydonga ikki hujumchi — Shomurodov va Sergeevni bir vaqtda tushirish o‘yin uslubini sinab ko‘ramaysizmi?
— Bu sizning fikringiz, meni buni hurmat qilaman. Keyingi o‘yinda Rossiyaga qarshi maydonga chiqamiz. Bu boshqa daraja. O‘yinchilarni bir vaqtda maydonga tushirgan bilan hech narsa o‘zgarib qolmaydi. Ular birgalikda qanday o‘ynashni bilishlari kerak. Tarkibga yangi o‘yinchini qo‘shish oson jarayon emas. Buning uchun ko‘p mashg‘ulot kerak. Qozog‘istonga qarshi o‘yingacha esa bizda tayyorgarlik uchun yetarli vaqt bo‘lmadi. Shuning uchun chempionatda ko‘p o‘yin amaliyotiga ega bo‘lgan futbolchilarni maydonga tushirdim. Yangi o‘yinchilarni boshqa pozisiyalarga qo‘yib, o‘yinimizni buzib qo‘yishni istamayman.
O‘zbekiston terma jamoasi o‘yinida yanada ko‘proq muxlislar bo‘lishi kerak. Futbolchilar shunga loyiq. Terma jamoaning har qanday bahsida stadion muxlislar bilan to‘lishi kerak. O‘yinchilar uchun bu juda muhim.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
