Ўзбекистон миллий жамоаси бош мураббийи Фабио Каннаваро АҚШ сафари олдидан «Марказий сектор» лойиҳасида журналист Даврон Файзиевга махсуси нтервью берди. Саволларс ифатли, жавобларҳам. Италиялик мутахассис суҳбат давомида эътиборга молик бир неча яхши фикр айтди:
— Ўзбекистон Суперлигасида ўйин интенсивлиги юқори эмаслиги, VAR тизими орқали кўришлар баъзан 10 дақиқагача чўзилиши, соф ўйин вақти камлиги. Шу сабаб футболчилар 70-дақиқадан кейин жисмонан қийнала бошлашлари.
— Бунинг ортидан терма жамоа футболчиларидан ЖЧда90 дақиқа давомида доимийюқори интенсивлик кутиш қийинлигини. Жамоа бутун ўйинни бирхил темпда ўтказолмаслиги, маълум дақиқаларда босимни ошириб, вазиятларданфойдаланишгаҳаракатқилишини.
— Европа топ–жамоалари (масалан, «ПСЖ») рақиб тўпни ён чизиқдан ўйинга киритаётганида босимни кучайтиришини. Яъни прессинг фақат очиқ ўйин эмас, «аут» каби интенсивлик талаб қилмайдиган, аммо фойдаланиш муҳим санaлган вазиятларда ҳам ишлатилиши мумкинлигини.
— Таркиб бўйича танловда футболчиларнинг фақат ҳозирги формасига қарамаганини. Айрим ёшларда юқори футбол интеллектини кўрганини, баъзи йигитларда ЖЧдан кейинҳам жамоага фойда келтира оладиганпотенциалборлигини.
— Ҳусниддин Алиқулов жамоа учун энг катта йўқотиш бўлганини.
— Машариповга имконият беришда, унинг мамлакат футболиучун қилганишларини инобатга олганини (Марчелло Липпи жароҳатланган Франческо Тоттига имконият бергани мисолида).
Ҳусниддин Алиқуловнинг йўқлиги
– Афсус, жуда яхши ҳимоячини йўқотдик. Жамоага эндигина келганимдаёқ у мени ҳайрон қолдирган ва жуда ижобий таассурот уйғотганди. Ўша пайт ҳамма Ҳусанов ҳақида гапирарди, менинг диққатимни эса айнан Ҳусниддин Алиқулов тортганди. Афсус, жуда муҳим футболчидан айрилдик. Билишимча, у Осиё кубоги вақти ҳам шундай жароҳат туфайли сафдан чиққан. Албатта, афсусланарли ҳолат. Ҳозир физиотерапевт ва шифокорларимиз билан бирга саломатлигини тиклашга ҳаракат қиляпмиз. Ҳатто Алиқуловни Америкага олиб кетишни ўйладик. У мураббийлар штаби назоратида ишлашда давом этиши керак. Ҳусниддинни Осиё кубогигача тайёрлаб, турнирга олиб боришимиз муҳим.
Азиз Амоновни таркибга киритгани
Йиғинга чақирилган футболчилар 3 ҳафта давомида қандай ҳаракатланишганини обдон таҳлил қилиб чиқдик. Дейлик, Жасур ва Азиз ҳақида алоҳида гаплашдик. Амонов менинг давримда биринчи марта миллий жамоа сафига қўшилди, 3 ҳафта биз билан ишлади ва очиғи, ҳайрон қолдирди. Тўғри, уни чемпионат ўйинларида ҳам кўргандим. Лекин футболчининг клуб ва терма жамоадаги ҳаракатлари ўртасида тафовут жуда катта. Шу кўрсаткичлардан келиб чиқиб, сўнгги кунда Амоновни таркибга қўшиш ҳақида қарор қабул қилдик.
Президент билан суҳбат
– Президент футболни ривожлантириш бўйича ажойиб тушунчага эга. Суҳбатимиз ажойиб ўтди. У футболни жуда яхши билади. Президентга неаполлик эканлигим ва Италияда футбол маданияти қандайлигини, кўчалар, қишлоқлардаги майдонлар ва ҳатто черковларда ҳам ўйналишини нормал ҳолат бўлганини айтдим. Қайтараман, Президент футболни ривожлантириш бўйича яхши тушунчага эгалиги учун ҳам Ўзбекистонда катта ўсиш кузатилмоқда. Президент футболчилар жаҳон чемпионатида ҳеч қандай босимсиз, қўрқувсиз ўйнашлари кераклигини айтди. Ростдан ҳам, футболчи қўрқувсиз ўйнасагина, ўзини кўрсатиши мумкин. Ўзим ҳам йигитларга ЖЧ-2026дан баҳра олишимиз муҳимлигини айтдим. Жаҳон чемпионати – биз учун катта футбол байрами. Мундиалдан баҳра олиш нима? Бутун дунёга нималарга қодирлигингизни кўрсатиш.
Фабио Каннаваро шунингдек, Италиянинг машҳур La Gazzetta dello Sport нашрига ҳам интервью берди.
– Италия термаси ЖЧга чиқолмади. Нима учун?
– Чунки жамоамиз Босния термасидан қўрқди. Бизда Доннарумма, Калафьори, Бастони, Барелла, Тонали каби футболчилар бор. Шундай йигитлар билан боснияликларга ютқаздик. Тўғриси, бунга ишонишим қийин. Асосий муаммо, бизда ёшлар ривожига сармоя киритиш тўхтади. Ҳимоядан ҳужум қуришга уринувчи футболчиларни тарбиялаяпмиз, аммо Италия футбол мактабини унутиб қўйяпмиз.
– Ҳозирги футболчилардан ким 2006 йилги Италия терма жамоасига тортади?
– Тонали. У шахсан менга жуда ёқади.
– Ўзбекистон термаси нечоғли «итальянча» жамоа?
– Биринчидан, формаси кўк рангда. Иккинчидан, жамоа штабида 13 нафар италиялик бор – мураббийлар, физиотерапевтлар ва энди бош ошпаз ҳам. Ўйинлардан кейин таомномада пицца ҳам бўлиши ёқимли.
– Гуруҳда Португалия ва Колумбия термаларига қарши ўйнайсизлар. Бу квартетдан чиқиш қанчалик қийин?
– Агар Португалия термаси ярим ҳимоясини таҳлил қилсангиз, видеони 2 сониядан кейин ўчириб қўясиз. Колумбия термасига қарасангиз, 10 сониядан кейин. Биз эса олдинга қараб кетаверамиз. Йўқотадиган ҳеч нарсамиз йўқ, курашиб кўрамиз.
– ЖЧда қайси жамоа ёки футболчи «сюрприз» улашиши мумкин?
– Винченцо Монтелла бошқарувидаги Туркия термаси. Футболчилардан эса биздаги Ҳусанов. У мен каби марказий ҳимоячи, жуда кучли ва ҳали анча ўсиши мумкин.
– Мураббийлик фаолиятингиздаги энг қийин давр…
– 2021 йили Хитойдан қайтганимда, роса қийналганман. Менимча, у ерда яхши ишладим, аммо меҳтаним қадрланмади, гўё. Кейинчалик ҳеч бир клуб қўнғироқ қилмади. Якунда «В» серия, «Беневенто»га бордим ва бу хато бўлди. «Удинезе»даги фаолиятим ҳам силлиқ кечмади. Ҳалигача нега бундай бўлганини тушунмайман.
– 20 йилдан кейин ўзингизни қайси ролда кўрасиз?
– Мураббий ролида. Қачондир Италия термаси бошқарувини қўлга олиш учун ишлаяпман, изланаяпман.
– ЖЧ-2006 финали пенальтилар сериясида Гроссодан кейин навбат кимга келиши керак эди?
– Тони ва Якинтага. Мен эса Гаттузо каби охирида эдим, ҳатто Буффондан ҳам кейин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
