Нега у Кришдан устун?, нега у голларини Суарес каби нишонлайди?
Роналдусиз Португалия терма жамоаси мундиалнинг 1/8 финалида Швейцария билан тўқнаш келди ва шу билан бирга ўз таркибида янги қаҳрамон топди! У 21 ёшли ҳужумчи Гонсало Рамуш! У Кришнинг ўрнига майдонга тушди ва бу ўзгариш шу қадар идеал эдики, мазкур ўзгаришни ҳеч ким пайқамади ҳам. Қолаверса, у ҳозирги Роналдудан ҳам яхшироқ ўйнади: 67 дақиқа ичида учта гол урди ва ушбу жаҳон чемпионатидаги биринчи хет-трик муаллифига айланди!
Рамуш Португалиянинг Ольян шаҳрида футболни севувчи оилада туғилган. Унинг отаси Мануэль Рамуш ва амакиси Мигель Тейшейра — иккаласи ҳам Португалиядаги кичик лигада ўйнашган.
Гонсалу «Бенфика» академияси битирувчиси ҳисобланади. У 13 ёшида бу ерга кирган ва базага боришдан олдин барча ёш тоифаларидан ўтиб чиққан. Ҳужумчи фаолиятидаги ёшлик босқичининг чўққиси - 2019/20 йилги мавсум. Кейин эса ёшлар ўртасидаги чемпионлар лигасида «Бенфика» сафида 8 та гол урди ва турнирнинг энг яхши тўпурари бўлди. «Бенфика»нинг асосий жамоасидаги дебют учрашувида «Авеш»га қарши ўйинда Гонсалу бор-йўғи беш дақиқа ичида дубл қайд эта олди!
Шундан сўнг ҳужумдаги рақобат кучайгани учун ёш иқтидорнинг фаолияти тўхтаб қолди: жамоага Роман Яремчук келди, Дарвин Нуньес қайтди. Шунга қарамай, бу мавсумда клуб ушбу йигитчага ишонди ва тўғри қарор қилганини тушунди: у «Бенфика»нинг Чемпионлар лигасига йўл олишига катта ёрдам берди (4 та ўйинда 4 та гол ва 2 та голли узатма) лигада эса 11 учрашувда 9 гол ва 3 ассист қайд этди.
Рамушнинг терма жамоадаги фаолияти ҳам жадал ривожланмоқда: уч йил олдин у Арманистонда бўлиб ўтган U-19 Европа чемпионатининг энг яхши тўпурари бўлган, ҳозир эса Қатарда бўлиб ўтаётган катталар ўртасидаги жаҳон чемпионатида барчани ўзига мафтун этмоқда. Шу билан бирга Рамушнинг асосий жамоадаги дебюти атиги 3 ҳафта олдин бўлиб ўтди! Рамуш ва Роналду ўртасидаги асосий фарқ бу альтруизмдир.
«Қанотда ўйнаш менга ёқади. Бироқ, бу позициядаги ўйинчи фақат гол уришим керак деб ўйламаслиги керак. Ҳозирда ҳужумчи учун доимо ортга қайтиш ва керак бўлганда шерикларига ёрдам бериш факторлари жуда ҳам муҳим», дейди Рамуш. У урган голларини Суарес услубидаги имо-ишоралар билан нишонлайди: тўппончадан ўқ отишни тасвирлайди. Бироқ, бу байрамнинг уругвайлик билан ҳеч қандай алоқаси йўқ: «Мен ҳар доим кўп гол урганман ва негадир отам айтади: «Гонсалу, сени танитадиган услуб керак. Кейин ўйин олдидан жамоадошларим билан гаплашдим: улар кўп ўйланиб, гол киритсам, «тўппонча» услубида нишонлашимни сўрашди. Охир-оқибат, мен гол урдим ва шундан бери мен ҳар доим шундай нишонлайман.
Форварднинг трансфер нархи 25 миллион еврони ташкил қилади. Ёзда уни «Вулверхэмптон», «Эвертон», «Ньюкасл» ва «Саутгемптон» жамоалари ўз сафига қўшиб олишга ҳаракат қилишди, кузда эса «Манчестер Юнайтед» ҳақида миш-мишлар тарқалди. Шунга қарамай, «Бенфика» уни ҳеч қаерга қўйиб юбормади ва тўғри иш қилди - энди португалиялик бундан ҳам амбицияси юқори клублардан таклиф олиши аниқ.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
