Уммон парламенти вакили Мессининг бишти учун 1 миллион доллар таклиф қилди
Уммон мамлакати парламенти вакили Аҳмад ал-Барваний Аргентина терма жамоаси ҳужумчиси Лионель Мессига Жаҳон чемпионатида совға сифатида олган араб миллий кийими — бишт учун 1 миллион доллар таклиф қилди.
«Уммон Султонлиги номидан сизни жаҳон чемпионатидаги ғолиблик билан табриклайман. Арабча бишт — бу қироллик ва заковат рамзи. Мазкур биштни менга беришингиз учун сизга 1 миллион доллар таклиф қиламан.
Мен финал ўйинида стадионда эдим ва Қатар Амири Мессига ушбу биштни совға қилаётганини жонли кўрдим. У бутун дунёга бизнинг маданиятимизни намойиш этди. Ушбу турнир — бизнинг фахримиз. Ушбу мусобақа араблар якдил эканини кўрсатиб берди.
Агар Месси ушбу биштни сотса, уни турнирдан эсдалик сифатида олиб қўямиз. У бизга ҳар қандай ишни амалга ошира олишимиз мумкинлигини эслатиб туради», — дня ёзди Ал-Барваний «твиттер» орқали.
Манба: championat.com
Киритилди: 18:42, 23.12.2022. Ўқилди: 5386 марта. Фикрлар: 24 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар