«Ан-Насср» футболчиси Криштиану Роналду иштирокида матбуот анжумани ташкил этилди.
Саудия Арабистони клуби билан шартнома имзолаши ҳақида
Ҳозирча ҳаммаси яхши. Футболдаги ва ҳаётимдаги муҳим қарорни қабул қилганимдан хурсандман.
Европадаги ишим ўз якунига етди. Европанинг катта клубларида ўйнадим ва барча совринларни қўлга киритдим. Энди олдимда Осиёдаги янги чақириқ турибди.
«Ан-Насср» менга шундай имкониятни тақдим этганидан хурсандман. Бу нафақат футбол ривожи учун, балки янги авлод, шунингдек, аёллар жамоаси ва ёшлар жамоаси учун ҳам. Мен учун бу янги чақириқ, ҳозир жуда бахтлиман ва қароримдан фахрланаман.
Саудия Арабистонида нималарга эришмоқчилиги ҳақида
Менга Европадан, Бразилия, Австралия ва АҚШ клубларидан таклифлар бор эди. Ҳатто Португалиянинг бир нечта жамоаси мен билан шартнома имзолашни хоҳлаганди. Бироқ мен «Ан-Насср»га ваъда бергандим. Бу ерда нафақат футболни, балки мамлакатдаги бошқа нарсаларни ҳам ўзгартирамиз.
Бу мен учун жиддий чақириқ. Нима хоҳлаётганимни биламан ва айни дамда билмайман. Жуда кўп жабҳаларда ривожланиш учун ўз тажрибамни улашишга яхши имконият. Кўпчилик билмаса керак, лекин «Ан-Насср»нинг аёллар жамоаси ҳам бор. Мен улар билан ҳам ўз тажрибамни бўлишмоқчиман.
Саудия Арабистонининг Жаҳон Чемпионатида иштироки ҳақида
Кўпчилик ўз фикрини билдиради, лекин уларнинг барчаси ҳам футболни тушунмайди. Футбол сўнгги 10—15 йилда ўзгарди. Барча жамоалар яхши тайёрланмоқда. Агар Жаҳон Чемпионати ҳақида гапирадиган бўлсак, чемпионни фақатгина Саудия Арабистони енга олди. Буни унутмаслик лозим.
Қатарда сюрпризлар кўп бўлди: масалан, Жанубий Корея терма жамоаси, Африка жамоалари, Коста-Рика. Улар қойилмақом иш бажарди. Бугун исталган ўйинни ютиш қийин.
«Ан-Насср» фаолиятининг охири эмаслиги ҳақида
Мен учун бу ерга келиш — фаолиятимнинг охири эмас. Бу ерда ўзгаришлар қилишни хоҳлайман, тўғрисини айтсам, одамларнинг гаплари унчалик ўйлантирмайди. Қарор қабул қилдим ва унга жавоб бераман.
Саудия Арабистони чемпионати рақобатбардош. Одамлар бу ҳақида ҳам кўп нарса билмайди. Чемпионатнинг жуда кўп ўйинларини томоша қилдим. Ўйинлар бошланишини интиқлик билан кутмоқдаман. Агар мураббий хоҳласа кейинги турдаги ўйинда ҳам майдонга тушишга тайёрман. Одамлар билан мулоқотдан ва футболдан роҳатланишда давом этмоқчиман.
Маълумот ўрнида. Португалиялик футболчи Саудия Арабистони жамоаси билан 2025 йилга қадар мўлжалланган шартнома имзолади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
