«Ан-Насср» раҳбари: «Роналду биздан алоҳида эътибор талаб қилмади»
Саудия Арабистонининг «Ан-Насср» клуби директорлар кенгаши раҳбари Мусли ал-Муаммар жамоанинг янги футболчиси Криштиану Роналду ҳақида фикр билдирди.
«Музокаралар давомида Криштиану у билан худди бошқа футболчилар билан қандай муомала қилсак, шундай муносабатда бўлишимизни хоҳлашини айтди. У биздан алоҳида эътибор талаб қилмади», — дейди ал-Муаммар.
Аввалроқ португалиялик футболчида «Ан-Насср»да бош мураббийни алмаштириш ҳуқуқи бўлиши ҳақидаги хабарлар янграганди.
Роналду эркин агент мақомида араб клуби сафига келиб қўшилди. 3 январь куни Ар-Риёдда унинг тақдимот маросими бўлиб ўтди. Футболчи пойтахт клуби билан 2025 йилнинг ёзига қадар шартнома тузгани ва йилига 200 миллион евро маош олиши хабар қилинганди.
Манба: daryo.uz
Киритилди: 12:40, 04.01.2023. Ўқилди: 1981 марта. Фикрлар: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Бўлимга тегишли қизиқарли хабарлар