Хабарингиз бор, "Нефтчи" футбол клуби Туркияда ўқув-йиғин машғулотларини олиб бормоқда. Иқтидорли ҳужумчи ва ОТЖ аъзоси Улуғбек Ҳошимов ҳам жамоа билан бирга янги мавсумга тайёргарлик кўрмоқда. Клуб матбуот хизмати Туркиядаги жараён ва ўтган мавсум якунлари бўйича Улуғбек Ҳошимов билан интервью ташкиллади, уни эътиборингизга ҳавола қиламиз.
-Улуғбек янги мавсумга тайёргарлик қандай кечмоқда?
-Тайёргарлик режасига асосан ҳозирги кунда Анталияда машғулотлар олиб бормоқдамиз. Янги мавсум учун таассуротлар ижобий. Машғулотлар кўнгилдагидек ўтмоқда.
-Янги мавсумда ҳам жамоа сафида тўп сурадиган бўлдингиз? Клубда қолишга кўпроқ нима туртки бўлди?
-“Нефтчи” жамоаси билан икки йилдан буён биргамиз. Авваламбор, клубда қолишга Виталий Левченконинг ишончи омил бўлди. Бундан ташқари, клубда ички муҳит аъло даражада. Шуларни инобатга олиб клубда қолишга қарор қилдим.
-Янги мавсумда ҳужум чизиғида яхшигина рақобат кўришимиз мумкин? Рақобатдан чўчимайсизми?
- "Рақобат бор жойда ўсиш бўлади”, деб бежиз айтишмаган. Рақобатдан қўрқмайман, “Оҳирини ўйлаган қаҳрамон бўлолмайди” (Кулади)
-Рақобат кўпроқ қайси футболчилар билан бўлади деб ўйлайсиз?
-Ҳужум чизиғи ва қанот вингерлари барчаси рақобат қила олади, деб ўйлайман.
-Сизга соф марказий ҳужумчи ролида ўйнаш қулайми ёки қанот вингери амплуаси қулайми?
-Ўзимни ҳар икки позицияда ҳам яхши ҳис қила оламан. Асосийси, мураббий қайси позицияга қўйса ўша чизиқда мураббийнинг кўрсатмаларини бажара оламан.
-Ўтган мавсумда жамоа иштирокида сиз учун энг ёрқин ўйин қайсиниси бўлди?
-"Истиқлол"да ўтган АГМКга қарши баҳс жуда ёрқин ўтганди. Тўғри, ўшанда мағлубиятга учраган эдик. Бироқ, учрашувда очиқ футбол намойиш этиб, тактик жиҳатдан устунликка эришганмиз.
-Янги мавсумда Улуғбек Ҳошимовни “99” рақам остида кўрамизми?
-Ҳа, “99” рақамда ҳаракат қиламан.
-Янги мавсум олдидан мухлислар жамоадан юқори савияли футбол ва катта ғалабаларни кутишмоқда?
-Худо хоҳласа, бу йил натижаларимиз анча яхши бўлади. Мухлисларимиздан “Нефтчи” жамоасига доимий ишқибозлик қилишларини сўраб қоламан. Стадионларни тўлдириб, қўллаб туришса биз албатта мухлисларимизни ғалабалар билан хурсанд қиламиз.
Матнда хатолик топсангиз, ўша хатони белгилаб, бизга жўнатинг (Ctrl + Enter).
ОКМК
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
