20 январь, жума куни "Арсенал" "Брайтон"дан Леандро Троссардни сотиб олганини эълон қилди. 28 ёшли вингер “канонирлар” билан 2026 йилнинг ёзига қадар шартнома имзолади ва 19-рақамда ҳаракат қилади. Белгиялик футболчи “Арсенал”га “Челси” томонидан ушлаб қолган Михаил Мудрикдан (24 миллион евро) деярли уч баробар арзонга тушди. Лондонликлар Бельгия терма жамоаси футболчисини анчадан бери кузатиб келишди ва ниҳоят у билан шартнома имзолашди.
Леандро Троссард - "Брайтон"нинг энг яхши тўпурари
2019 йилнинг ёзида "Брайтон"га қўшилганидан бери қанот ярим ҳимоячиси анча яхши ўйин кўрсатди. Биринчи мавсумда у 31 ўйинда бешта гол ва учта голли узатмани амалга оширган, иккинчисида - 35 ўйинда 5+5, учинчисида - 34 учрашувда 8+3. Бу мавсумда эса белгиялик Премьер-лиганинг 16 ўйинида 7+3 кўрсаткичига эга. Леандро Троссард "Арсенал"дан кўра "Челси"ни танлаган Мудрикка ажойиб альтернатив бўлиб кўринади. Бельгиялик украиналикдан фарқли равишда Англия Премьер-лигасига мослашиб бўлган. Бу унинг Буюк Британиядаги тўртинчи мавсуми. "Брайтон" футболчиси сифатида Троссард 2020 йилнинг сентябрь ойида Бельгия терма жамоасида дебют қилган. Ҳозиргача у терма жамоа сафида 24 та ўйинда 5 та гол урган. Евро-2020 ва ЖЧ-2022 да ўйнаш тажрибасига эга.
Муҳими, Троссард фаолиятининг чўққисида. У бу мавсумда бир оз кўпроқ ўйнаган, аммо битта кам голли узатмани амалга оширган Габриэл Мартинелли билан рақобатлашиши керак. Белгиялик футболчининг муносиб дриблинги, аниқ зарбалари бор, лекин позицион ўйин ва курашда заиф. Унга ҳимояланадиган жамоаларга қарши ўйнаш қийин. Бу борада Мартинелли афзалроқ кўринади.
Троссарднинг яна бир афзаллиги шундаки, у топ-клублар билан ўйинларда ўзини кўрсатишни биладуи. Масалан, 2022 йилнинг октябрь ойида Леандро “Ливерпуль” билан ўйинда хет-трик қайд этган (3:3). Худди шу ойда у “Манчестер Сити” ва “Челси” дарвозасига гол урди.
Микель Артета унинг жамоага келишини қуйидагича изоҳлади:
“Троссард юқори техник қобилият ва ақл-заковатга эга, Премьер-лигада ва халқаро миқёсда катта тажрибага эга кўп қиррали футболчидир. Мавсумнинг иккинчи қисмига киришимиз билан Леандро таркибимизни кучайтиради. Биз у билан ишлашни интиқлик билан кутамиз. Биз Леандро ва унинг оиласини "Арсенал"га келгани табриклаймиз”.
Бу трансфер "Арсенал"га шу ерда ва ҳозир фойда келтириши аниқ. "Канонирлар" чемпионлик сари интилишмоқда ва озгина пул эвазига Премьер-лигага мослашган ўйинчи Чемпионлар Лигасида бор-йўғи 12 ўйин ўтказган 70+ миллион евролик футболчидан кўра кўпроқ фойда келтириши мумкин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
