3-қисм.
“Антальяспор”га амалий ташрифимизнинг кейинги манзили клуб қароргоҳи бўлди. У ерда бизни халқаро алоқалар ва стратегик ривожлантириш менежери Эрдем Эрдал ҳамда медиа-офицер ходими Мехмет Али кутиб олдилар.
“Антальяспор” жамоаси шу куни Туркия чемпионати доирасида сафарда “Трабзонспор”га қарши ўйини бор эди. Шу сабабли базани обдон кўздан кечириш имконияти бўлди. Айниқса, бунда Эрдем Эрдал катта ёрдам кўрсатди. У клубнинг ривожланиш стратегиясини батафсил тушунтириб берди. Унда 26 та йўналиш белгилаб чиқилган ва клуб шунга асосан фаолиятини олиб бормоқда.
“Антальяспор”ни бутун дунёга кенг қамровли тарзда ёйиш ишларини жадаллик билан олиб боришяпти. Дунёнинг турли бурчакларида ушбу жамоанинг филиаллари ва футбол мактаблари бор. Жумладан, Аргентина, Жанубий Африка, Косово, Кипр, Бельгия каби мамлакатларда клуб ўзининг филиалларини, футбол мактабларини ташкил қилган. Масалан, Аргентинанинг 3-дивизионида “Антальяспор”га қарашли жамоа қатнашади. У ерда турк клуби учун иқтидорли футболчилар тарбиялаб берилади. Шунингдек, “Антальяспор”дан ҳар йили 6 нафар ўйинчи Аргентинага юборилади. Африкадан эса 18 ёшдан юқори бўлган йигитлар “Антальяспор”га жўнатилади. Яқинда Эроннинг “Сепахон” жамоасида “Антальяспор”нинг филиали ҳам очиляпти. Германияда ҳам Туркия клубининг футбол мактаби барпо этилаётганини Эрдал айтиб ўтди.
“Ўзбекистонда иқтидорли болалар кўплигини биламиз ва шу томонга ҳам эътиборимизни қаратмоқчи бўлиб тургандик ва сизлар айни пайтда келиб қолдинглар. Масалан, бизнинг U-19 жамоамизда тожикистонлик футболчи бор. Бизга стратегик нуқтаи назардан Андижон ҳам жуда мос тушади. Чунки бу Тожикистон билан Қирғизистоннинг туташ жойларида жойлашган”, - деди Эрдем Эрдал.
Шунингдек, у яна сўзида давом этар экан шундай деди: “Туркияда биринчи бўлиб халқаро алоқалар ва стратегик режалаштириш департаментини очдик. Испанияда ўқиб келганман ва УЕФАнинг Про лицензиясига эгаман. Бундай департаментлар 2006 йили “Барселона”, “Реал” сингари клубларда очилган. Туркияда “Фенербахче”, “Галатасарой”, “Бешиктош”, “Трабзонспор” каби кучли клублар бўлса-да, уларда бундай департаментлар йўқ. Биз алоҳида узоқ йилга мўлжалланган йўл харитасини ишлаб чиққанмиз. Ҳатто, футбол клуби шу даражада бўлиши керакки, озиқ-овқат маҳсулотларини сотиб олаётган одамлар ҳалол бўлишлари керак. Баъзида хиёнат ҳам қилишлари ҳеч гап эмас. Бу эса томиб-томиб катта зарар етказиши мумкин. Сарфланаётган барча маблағлар кейинчалик клуб учун фойдали тарзда қайтиши лозим. Биз халқаро алоқаларни ривожлантиряпмиз. Бунда сизларнинг ҳам бу ерга келишинглар айни муддао бўлди. Биз “Андижон” клуби билан ҳамкорлик қилишга тайёрмиз. Ҳар жиҳатдан юксалиш йўлидамиз. Масалан, Эрик Абидаль бу ерга келиб мураббийларни ўқитяпти. Африкадан ҳам мутахассисларни чақиряпмиз. Керак бўлса халқаро мусобақаларимизни Европа Иттифоқи молиялаштиради. Куни кеча Испаниядаги ўсмирлар ўртасидаги турнирга бордик ва у ерда 5-ўринни олдик. “Реал”, “Атлетико”, “Барселона” дастлабки учталикдан жой олишди. Масалан, бу турнирда 20 та клуб қатнашди. ПСЖ, “Арсенал” ва яна бошқа кучли жамоалар ҳам бор эди. Швейцария, Испания ва яна бошқа мамлакатларда “Антальяспор” ҳақида кўрсатувлар, репортажлар тайёрланяпти ва бу орқали клуб имиджини ошириб боряпмиз”, - деди Эрдал.
Клубда ҳар бир бўлимнинг ўз мутахассислари иш олиб бормоқда. Бош мураббий турк футболининг ёрқин юлдузларидан бири Нури Шахин экани ҳақида хабар бериб ўтдик. Шунингдек, бир неча йил олдин “Антальяспор” да Самуэль ЭтоО, Самир Насри каби юлдузлар ўйнашди.
Яна база билан яқиндан таништириш чоғида у ерда икки кишилик бўлган 130 та хона бор бўлиб, бу 260 та бола учун жой бор деганидир. 6 та майдон ҳам шай ҳолатда ва бунинг учун ишчи-ходимлар етарли даражада. Клуб президенти Азиз Четин ҳамма ишларни юқори даражада бўлишини таъкидлаб, назорат қилиб боради.
Тез орада “Андижон” ва “Антальяспор” клублари ўртасида меморандум имзоланади. Ҳамкорлигимизнинг биринчи кўриниши сифатида 4 февраль куни Туркия Суперлигаси доирасида бўлиб ўтадиган “Антальяспор” ҳамда “Газиантеп” ўртасидаги учрашувга жамоамизни таклиф қилишди. Клуб замонавий технологиялар бўйича ҳам замон билан ҳамнафас бўлиб боряпти.
Яна бир гап: 2024 йили “Андижон” футбол клуби ташкил топганига 60 йил тўлади. Шу муносабат билан Улуғбек Миразев Ферда Раманли ва Эрдем Эрдал билан учрашувлар жараёнида жамоамизнинг юбилейи нишонланадиган байрам кечасига “Антальяспор” клубини ўртоқлик учрашуви учун таклиф қилди. Шунингдек, мураббийлар ва ёш футболчиларни амалиёт учун юбориш бўйича ҳам келишиб олинди.
Очиғи, “Антальяспор” клубига ташриф шу қадар қизиқарли ва маълумотларга бой бўлдики, “Андижон” жамоаси ҳамкор танлашда адашмаганлиги ўз ифодасини топди. Турк ҳамкасбларимиз ўзбек футболига ва хусусан “Андижон” клубига жиддий қарамоқдалар ва бунинг истиқболли лойиҳа эканига Улуғбек Мирзаевнинг фикр ва мулоҳазаларидан сўнг иқрор бўлдилар. Насиб қилса, тез орада меморандум имзоланса, амалий ишлар фаоллашади.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Хоразм
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
