Унинг отаси Денни аллақачон Чемпионлар Лигасида ғолиб чиққан, шундай экан Дейли Блинд нима муҳимлигини жуда яхши билади.
Шу билан бирга, у ўйиндан ташқари таъсирга эга бўлишни ҳам хоҳлайди: у орзуингиз билан яшашни истасангиз, ҳеч қачон таслим бўлмаслигингиз кераклигига яққол далилидир.
- Дейли, Бастиан Швайнштайгернинг айтишича «МЮ» сафига қўшилгач илк учрашган одам сиз бўлган экансиз. У ўшандаги қабулингиздан ҳамон хурсанд. Сизчи, эслай оласизми?
- (кулади) Ҳа, албатта! Бу мен учун ҳам ажойиб онлар эди: Бастиан Чемпионлар Лигаси ғолиби ва жаҳон чемпиони эди, мен унинг фаолиятини диққат билан кузатардим ва Манчестерга келганидан жуда хурсанд бўлдим. Биз илк дақиқалардан бошлаб жуда яхши муносабатда бўлдик. У ажойиб йигит, шахс ва мен у билан ўйнаш бахтига муяссар бўлганимдан фахрланаман.
- «Бавария»даги биринчи кунингизда кимдир сизни шу тарзда кутиб олганми?
- Мен учун вазият бироз бошқача эди, чунки «Аякс»да Маттейс де Лигт, Райан Гравенберх ва Нуссаир Мазрауилар билан бирга эдик. Шунингдек, Лерой Сане «Манчестер Сити»да ўйнаган ва у билан ҳам алоқам бор эди. Биринчи кундан бошлаб бу ерда ўзига хос атмосферани ҳис қилдим. Сиз ушбу жамоада кучли бирдамликни кўришингиз мумкин. Масалан, ечиниш хонасида Томас Мюллернинг ёнида ўтираман. У жуда кўп гапиради ва янгилар учун ҳаётни осонлаштиради. Жошуа Киммих дебютимдан сўнг дарҳол хабар юборди ва бу менга ёқди.
- Янги клубга янги умидлар билан келасиз, айниқса «Бавария» каби катта клубда умидлар ҳам катта бўлади. Бу ерда кўпроқ нимадан ҳайратландингиз?
- Албатта, ҳар бир киши ушбу клубнинг катталиги ҳақида тасаввурга эга. Аммо сиз бу ерда бўлганингиздан кейингина клубда ҳамма нарса қандай ўлчовларга эга эканлигини англатишини ҳис қиласиз. Мени энг ҳайратга соладиган нарса бу клубдаги иш этикаси бўлди: барча мутлақо диққатли ва мавсум охирида совринларни қўлга киритиш учун қўлидан келганини қилмоқда. Мен бундай атмосферадан, энг юқори даражадаги чексиз муносабатдан ҳайратда қолдим.
- Сиз 2019 йилдан бери дефибрилятор билан ўйнаяпсиз. Бу сиз учун нимани англатади?
- Бошида бунга жуда кўп эътибор қаратдим, аввал уни қайта ишлашингиз ва шахсий йўлингизни топишингиз керак. Аммо реабилитация пайтида ҳам мен кўплаб хабарларни қабул қилдим ва кўпчилик ташвишланаётганини пайқадим. Энди шуни кўрсатмоқчиманки, спортдан ташқари ҳамма нарса мумкин: ҳатто юрак хасталиги ҳам сиз ўзингиз ёқтирган нарсани қилишни тўхтатишга мажбур бўлишингизни англатмайди. Мен ҳатто профессионал футболчи бўлиш орзуимни давом эттира оламан. Бундан ташқари, кун бўйи уйда ўтиришга ҳожати йўқ, чунки тиббий ҳолатингиз туфайли ҳеч нарса қила олмаслигингиздан қўрқасиз.
- Шундай қилиб, сиз одамларни рағбатлантирмоқчисиз.
- Албатта, ҳамма нарса шифокорлар маслаҳатидан кейин бўлиши керак. Аммо мен жуда кўп хабарларни оламан, баъзи одамлар уйдан чиқишга журъат этолмайдилар ёки ишга қайтишдан қўрқишади ва менимча, агар сиз ўзингизни мажбурласангиз, бундан ҳам кўпроқ нарса бўлиши мумкин. Мен буни ўз мисолим билан кўрсатмоқчиман. Умид қиламанки, кимгадир озгина бўлсада умид ўйғотаман ва болаларга, барча одамларга ҳеч қачон таслим бўлмаслик, мақсадлар қўйиш ва улар учун яшаш кераклигини етказмоқчиман.
- Юрак футболи сиз учун яна бир ўзига хос ўлчовга эга.
- Менинг ҳолатимда сиз ҳам ҳа, деб айта оласиз.
- Отангиз Дэнни Блинд Чемпионлар Лигасида ғолиб чиққан. Унинг соясидан чиқишни мақсад қилганмисиз?
- Йўқ, бу ҳеч қачон менинг мотивациям бўлмаган. У билан жуда фахрланаман ва бу бутун фаолиятим давомида менга катта ёрдам берди. Албатта, кўп одамлар мени у билан солиштиришади ва эҳтимол мен кўпроқ танқидий баҳолангандирман, чунки у футболда жуда кўп ютуқларга эришган. Лекин мен ҳеч қачон ўзимни ундан устун қўйишга мажбурламаганман. Болалигимда фақат у каби мартаба ҳақида орзу қилардим. Ҳар доим уйимиз ва боғимизда тўплар бўларди. Унинг изидан боришга муваффақ бўлганимдан хурсандман: Блинд фамилияси кўплаб совринларни қўлга киритди, бу ажойиб оилавий анъана.
- Якшанбалари оилавий кечки овқатда, сиз иккинчи порцияни олиш учун турганингизда, унинг жаҳли чиқармиди?
- (кулади) Ростини айтсам, кичкиналигимда йўқ. Аммо 16-17 ёшимда, яъни футбол юилан жиддийроқ шуғуллана бошлаганимда, у ширинликлардан қочишим кераклигини такрорлайверарди: «семириб кетасан, шунинг учун уларни ема!» Ҳозир ҳам ширинликларни деярли емайман. Албатта, баъзида «ҳуш»имни йўқотаман, лекин умуман олганда, ҳар доим бу маслаҳатга қулоқ соламан.
- Сиз Нидерландия чемпионатида 7 марта ғалаба қозонгансиз, отангиз эса 5 марта. Бу борада баҳс бўладими, ошхона деворида ҳисоб борми?
- (кулади) Ҳа, мен ҳам профессионалликка етганимда, албатта, ўзаро кичик мусобақа ўтказдик. Уни чемпионлик, терма жамоадаги ўйинлар ва кўплаб совринлар ҳисобида ортда қолдирдим - афсуски, отам ҳар доим Чемпионлар Лигасида ғалаба қозонганини пеш қилаверадилар, мен эса фақат Европа Лигасини олганман...
- Ёзда, шартнома муддати тугагач, нима қиласиз?
- Келгуси ойларда клубга ёрдам беришга ва иложи борича кўпроқ совринларни ютиб олишга эътибор қаратаман. Менинг оилам ҳам ҳозир Мюнхенда ва биз ўзимизни уйдагидек ҳис қиляпмиз. Мен «Бавария»нинг бир қисми эканлигимдан фахрланаман. Мақсадим ёздан кейин ҳам менга шартнома таклиф этишларига ўйиним орқали эришиш, аммо унгача ҳали узоқ йўл бор.
М.ПЎЛАТОВ тайёрлади
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
