Миржалол Қосимов: «Иккинчи ўрин учун курашишга кучимиз етади»
Ўйин кейинги матбуот анжуманинг иккинчи қисмида Ўзбекистон терма жамоаси бош мураббийи Миржалол Қосимов иштирок этди.
- Бугунги ўйин яхши ташкил қилинди. Лекин ғалаба учун нимадир етишмади? Сизнингча нима етишмади?
- Гол етишмади... Умуман мана шу фурсатдан фойдаланиб мухлисларга ва футболчиларга миннатдорчилик билдирмоқчи эдим. Улар бугун ишончни оқлашди.
- Бугунги дуранг натижадан кейин жамоадаги кайфият қандай?
- Бугун ютқазишимиз ҳам ютишимиз ҳам мумкин эди. Шунинг учун кайфиятни ёмон ёки яхши деб бўлмайди. Албатта Жанубий Корея гуруҳ фаворити буни инкор этиб бўлмайди. Лекин 2-3 ўринлар учун курашиш имкониятимиз бор.
- Дастлабки дақиқалардан жамоа олдинга ташланди. Буни рақиб жамоа бош мураббийи кутмаганини айтди. Умуман бу олдиндан режалаштирилган тактика эдими?
- Албатта Жанубий Кореянинг ўйинларини кузатдик. Улар асосан дастлабки 15-20 дақиқа олдинга боришга ҳаракат қилади. Биз айнан шу мақсадда, кейин ўз уйимизда ўйнаганимиз сабаб ҳам олдинга боришни режалаштиргандик. Биринчи бўлимда асосий эътибор тўп назоратига эмас, босим уюштиришга қаратилганди.
- Қатар билан ўйин ўзгаришлар бўлиши мумкинми?
- Биринчи навбатда футболчиларнинг ҳолатига боғлиқ. Ким қандай аҳволда эканини фақат Аллоҳ билади. Кўрамиз ким яхши формада етиб борса ўша футболчи майдонга тушади.
- Қатар билан ўйиндан олдин терма жамоамиз Ироқ терма жамоаси билан ўйнайди. Бу Қатар учун жамоамизни ўрганиш учун айни муддао эмасми?
- Агар ўртоқлик учрашув ўтказмасак ҳам бўлмайди. Мана масалан Кувайт билан ўйин бўлмаганда терма жамоанинг ўйини бу даражада чиқмасди.
- Игнатий Нестеровни ўрнига захира борми?
- Албатта вақт соати билан бўлади. Қувватов, Тўраевлар бор. Бугун захирада ўтирган дарвозабонларимиз ҳам. Ҳаммасини ўз вақти бўлади. Худди армия бўлгани каби хизматчилар алмашади, бу ерда ҳам.
- Шоҳрух Гадоев ҳозир ўз клубида кўпроқ захирада қолмоқда. Кейин у майдонга тушганда ҳам яримҳимояда ўйнайди. Уни шундай масъулиятли ўйинга ҳимояга қўйганингизнинг сабаби нима?
- Биринчи навбатда ишонч. мен унга ишонгандим. Ўйлайманки, у ёмон ўйин кўрсатмади. Катталар орасида йўқолиб қолмади. Ўзини йўқотиб қўймади. Мана шундай ўйинларда ёш футболчилар тобланиб боради.
- Улуғбек Бақоев бугунги ўйини сизни қониқтирдими?
- Нафақат Бақоев балки барча ҳаттоки захирада ўтирганлар ҳам мени қониқтирди. Улардан хурсандман.
- Машғулотларда ҳам стандарт вазиятлар бўйича ишланди. Ўйинда ҳам асосан мана шу усулдан фойдаланилди. Бу бошқа йўлнинг йўқлиги учун танлаган тактика эдими?
- Ўйиндан ҳам гол урадиган вазиятлар бўлди. Лекин фойдалана олмадик. Охир-Оқибат стандартлар гол урдик. Уларда ҳам асосан стандарт вазиятларда вазиятлар бўлди. Бу футбол. Унда вазиятдан келиб чиқиб ўзгаришлар бўлиши мумкин.
- Авалламбор, ғалабага тенг дуранг билан табриклайман.Ҳозир айни вақтда Эрон мағлубиятга учраяпти. Шу вазиятда гуруҳдаги вазият ҳақида нима дея оласиз?
- Ҳеч нарса йўқотилгани йўқ. Иложи борича иккинчи ўрин учун ҳаракат қилиб кўрамиз. Менимча бунга кучимиз етади.
Киритилди: 20:46, 11.09.2012. Ўқилди: 11295 марта. Фикрлар: 75 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
