Эндигина 22 ёш бўлишига қарамай, Холанд бутун дунёни забт этишга улгурди. Бугун унинг номини жаҳон танийди. "Зальцбург", "Боруссия Дортмунд", мана энди "Манчестер Сити"да норвегиялик ҳужумчи голлар уришдан чарчамаяпти. Футболчининг юқори даражадаги иқтидори ҳаммага маълум. Унинг хизматлари учун "Манчестер Сити" ҳафтасига 375 минг фунт маош тўлайди. "Шаҳарликлар" учун гол уришдан зерикиб қолган вақтларида, Эрлинг Холанд дунёдаги энг яхши машиналарда сайр қилишни ёқтиради. Rollce Royce дан тортиб, Audi'гача, ҳужумчи қандай турдаги авто танлашни жуда яхши билади. Қуйида унинг гаражида қандай машиналар жамлангани ҳақида гаплашамиз.
ROLLCE ROYCE CULLINAN – 300 минг фунт
Нархи 300 минг фунт бўлган инглиз ишлаб чиқарувчиси маҳсулоти, шу пайтгач Холанд харид қилган энг қиммат автомобил саналади. Ушбу машина Холанд томонидан кундалик эҳтиёжлар учун ишлатилади. Бу эҳтиёжлар ичига машғулотларга бориб-келиш ҳам киради. Cullinan версияси ўта қулай бўлиб, у ўз эгасига бир манзилдан иккинчисига қийналмасдан бориб келишни таъмин этади. Айниқса, Холандники ўзига хос. Оқ рангли машина кундузи фойдаланиш учун айни муддаодир.
AUDI RS 6 AVANT – 120 минг фунт
Холанд Аudi'ни севади. У ушбу машинасидан анча вақт фойдаланади. Футболчи Германиядаги фаолияти давомида асосан RS 6 моделининг қизил ранглисини минарди. Англияга келганидан бери 22 ёшли ҳужумчи худди шу версиянинг Carbon Black туридан фойдаланаяпти. Ушбу автоуловнинг дизайни ва салонидаги қулайлик, ҳайдовчини ўзига тортмай қолмайди.
RANGE ROVER SPORT – 120 минг фунт
Ҳеч бир футбол юлдузининг машиналар коллекцияси Range Rover'сиз тўлиқ бўлмайди. Ушбу машина анча йирик бўлиб, ўз ҳайдовчисига ўзгача салобат тақдим этади. Sport версиясининг ўзига хослиги шундаки, унда рақамли LED чироқлар бор. Meridian эшитиш тизими эса, саёҳатни янада мароқли қила олади. Суперкарнинг ўриндиқлари массаж қилишга мослашган ва тўлиқ электрда ишлайди. Холанд ушбу машина ичида ётиб қолса ҳам бўлади.
MERCEDES-AMG GLE COUPE – 90 минг фунт
"Боруссия Дортмунд"даги пайтларида Холанд, айни машинада кўп кўриниш берарди. У бир муддат машғулотларга GLE Coup'да қатнаган. Қора Mercedes'да юриш Холанд ва унинг собиқ жамоадоши Жованни Рейнанинг севимли иши эди. Машинанинг қулай ва теридан ишланган ички ўриндиқлари, икки футболчининг машғулотларга комфорт ҳолда етиб боришини таъминлаган. Қолаверса, автомашинанинг шиналари сафарнинг ўта сокин ўтишига ёрдам беради.
Шундай қилиб, Эрлинг Холанд ҳам Роналду каби машиналарни яхши кўради. Унинг ҳозирги маоши эса футболчига исталган нарсасини олишга имкон беради.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
