Мадриднинг “Реал” клуби ярим ҳимоячиси Марко Асенсио клуб трансферларсиз мавсум давомида қандай яхшиланиши мумкинлигига мисол бўлди. Бутун мавсум давомида "Реал Мадрид" футболчи билан шартномани узайтирмаслиги ҳақида миш-мишлар тарқалди. ОАВ Асенсионинг келажагини Мадриднинг энг ашаддий душмани “Барса” билан боғлади. Марко "Реал Мадрид"нинг асосий ўйинчилари гуруҳига кирмасди, вақти-вақти билан захира ўриндиғидан ўрин оларди. Бироқ, сўнгги бир неча ой ичида Асенсио яна порлай бошлади.
2022/2023 йилги мавсумнинг биринчи қисмида ярим ҳимоячи атиги уч марта 90 дақиқа майдонда ҳаракат қилди: ноябрь ойида "Райо Валекано"(3:2), шунингдек, "Лейпциг" (2:3, октябрь ) ва “Селтик” (5:1, ноябрь) билан Чемпионлар лигасе ўйинларида. Асосан Карло Анчелотти испанияликни 10-15 дақиқага захирадан майдонга туширди, бу вазиятда Марконинг ўзини кўрсатишга вақти кам эди. Ўйин вақтидан норозилик фонида матбуотда Асенсионинг 2023 йилнинг ёзида "Барса"га кетиши ҳақидаги маълумотлар фаол равишда тарқалди. Унинг "Реал" билан шартномаси июн ойида тугайди, шунинг учун ярим ҳимоячи қишдан бошлаб бошқа жамоалар билан бемалол музокара олиб бориши мумкин эди. "Барселона" Асенсионинг агенти Жорже Мендеш билан эҳтимолий трансфер борасида алоқага чиққан.
Март ойида нуфузли The Athletic журналисти Марио Кортегана Асенсио "Реал"дан янги шартнома бўйича таклиф олгани, аммо бу унга мос келмагани ҳақида хабар берган эди. Инсайдернинг қайд этишича, футболчи жамоада етакчи рол ўйнашни ва маошини сезиларли даражада оширишни хоҳлайди. Marca шунингдек, Асенсио шартномани янгилашдан кўра "Реал"дан кетишга яқинроқ эканини таъкидлади. Бироқ, Мадрид клуби Марко учун устувор вазифа бўлиб қолди ва у ўзи хоҳлаган нарсага эришиш учун ўзининг муҳимлигини исботламоқчи эди.
Нозик психолог Анчелотти футболчининг кайфиятини тушуниб, унга тез-тез ишона бошлади. Асенсио эса имкониятлардан мукаммал фойдаланди. Февраль ойи бошидан бери Марко Испания чемпионатида олтита гол урди, шунингдек, Чемпионлар лигасининг биринчи чорак финалида "Челси" дарвозасига урилган голга муаллифлик қилди. Асенсио захирадан майдонга тушганидан сўнг урилган голлар бўйича турнир рекордини мустаҳкамлади. Ярим ҳимоячи 71-дақиқада майдонга тушди ва 74-дақиқадаёқ гол урди. Бу Марконинг турнирда захирадан майдонга тушганидан бери тўққизинчи голи бўлди, у Оле-Гуннар Сульшер, Томас Мюллер ва Карим Бенземани (барчаси 7тадан) ортда қолдирди.
2023 йилнинг февралигача Асенсио атиги учта гол урди ва бешта голли узатмани амалга оширди, феврал-апрель ойларида эса 7+1 натижани қайд этди. Марко тез-тез ҳужум триосида пайдо бўла бошлади, шунингдек, ўйин вақти кўпайди.
“Умид қиламанки, Асенсио “Реал”да қолади. Жамоада Маркодек футболчи бўлиши жуда муҳим, у исталган дақиқада урилган голлар ва голли узатмаларда ёрдам бера олади. Мен унга ишонаман ва у доим гол уради!”, дея таъкидлаган Анчелотти.
Апрель ойи ўрталарида The Athletic Асенсио "Реал" билан шартномасини узайтириши ҳақида хабар берган эди. “Биз келишувга эришамиз”, деди музокараларда иштирок этган манбалардан бири. Вазиятга Анчелотти таъсир кўрсатди ва у бир неча бор раҳбариятга футболчини таркибда сақлаб қолмоқчи эканлигини таъкидлаган. Марконинг "Реал" билан янги шартномаси 2027 ёки 2028 йилгача мўлжалланган бўлади. “Асенсио ўтган мавсумдагидек савияни кўрсатмоқда. Балки у камроқ ўйнагандир, лекин у ҳар доим натижа кўрсатган. У муҳим футболчи”, - деди мураббий Ла Лиганинг “Кадис” билан ўйинидан сўнг.
Статистикага кўра, бу мавсумда Асенсио 10 + 6 натижани кўрсатиб, "Реал"даги энг яхши мавсумини такрорлашга яқин турибди. 2017/2018 йилги мавсумда унинг ҳисобида 11+6 натижаси бор эди. Демак, деярли 100% эҳтимоллик билан жорий ўйин йили Мадрид клуби либосидаги футболчи учун энг яхшиси бўлади. Янги шартнома ўз имкониятидан унумли фойдаланган Асенсио учун муносиб мукофот. Энди эса Марко фаолиятидаги тўртинчи Чемпионлар Лигаси кубогини қўлга киритмоқчи.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
