"Манчестер Юнайтед" ўз тарихидаги ўнинчи рақамга эгалик қилган машҳур футболчилари билан ҳар қанча мақтана олади. Негаки, у номлар бутун дуёга машҳур ва клубни янада номдор бўлишида иштирок этган. АПЛ ташкил бўлишидан илгари Бобби Чарлтон, Денис Лоу, Лу Макари каби афсоналари 10 рақамда тўп сурган. Айнан шу сабабдан ҳам бу рақам ўзига хос саналади. Қуйида "қизил иблислар" тарихидаги энг яхши ўнинчи рақам эгалари ҳақида билиб оласиз.
6. Златан Ибрагимович
Харизмага бой футболчи клубга 2016 йилда эркин агент сифатида ташриф буюради. Ибрагимович келиши билан жамоада ўз таъсирини ўтказа олганди. Жозе Моуриньо жамоасида швед ҳужумчиси фақат бир мавсум тўлиқ ҳаракат қила олди холос. Афсуски, жароҳатлар сабабли Златаннинг "МЮ"даги фаолиятига нуқта қўйилди. 2018 йилда жароҳатдан тузалиб қайтганида, унинг тўққизинчи рақами Ромелу Лукакуга тақдим этилиб бўлинганди. Шу сабаб у 7 та ўйинда ўнинчи рақамни тақиб ҳаракатланган.
5. Дэвид Бекхэм
Аслини олганда, ўнинчи рақам Бекхэм учун хос эмасди. Яъни, у бу рақам билан эсланмайди. 1996-97 йилги мавсум олдидан Фергюсон жамоасида Бекхэмнинг таъсири ва ўрни ортади. Натижада унга 10 рақам тақдим этилади. Дэвид Бекхэм бу рақамни Хьюздан мерос қилиб олганди. Аммо бир мавсумдан ортиқ уни тақмади. Бекхэм айнан ўнинчида "Уимблдон" дарвозасига марказдан гол урган.
4. Тедди Шерингем
Бекхэм 1997-98 йилги мавсум олдидан еттинчи рақамни олади. Унинг эски рақами эса жамоанинг янги аъзоси бўлмиш Шерингемга берилади. У ЕЧЛ финалида мана шундай аснода гол урган эди. 2001 йилда Англияда Шерингем номи энг яхшиси дея эълон қилинади. Ҳужумчи "МЮ"нинг энг яхши тўпурари сифатида донг таратган.
3. Маркус Рэшфорд
Рэшфорд 10 рақамни олиш билан катта масъулиятни ҳам ўз елкасига юклаган эди. 2017 йилда Рунининг жамоадан кетиш ушбу рақамни вакантга айлантиради. Бу пайтгача эса Рэшфорд аллақачон пишиб-етилган. Ҳа, шундан бери ҳужумчи кўплаб қийинчиликларни бошдан ўтказди. Аммо айни пайтда у ўз рақамига яраша ҳаракат қилмоқда. "Қизил иблислар" тен Хаг қўл-остида Рэшфорд билан қайтадан юксала бошлади.
2. Руд ван Нистелрой
Ван Нистелрой номи АПЛ тарихидаги ёрқин саҳифалардан жой олган. Ҳужумчи 2001 йилда "ПСВ"дан харид қилинади. У ўз дебют ўйинидаёқ дубл қайд этиб, "МЮ"га ғалаба қозонишда ёрдам берганди. Мана шу воқеа беш йиллик шонли даврни бошланиши эди. Руд ван Нистелрой 2006 йилда "Реал" томонидан сотиб олинади. Бу пайтгача у "қизил иблислар" сафида 219 та ўйин ўтказиб, 150 та голга муаллифлик қилиб улгурган. Афсуски, шундай фантастик футболчи "МЮ"да фақат бир марта АПЛ чемпиони бўлган холос.
1. Уэйн Руни
Ван Нистелрой мана шу футболчи сабабли биринчи ўринда эмас. Руни – "МЮ"нинг барча даврлардаги энг яхши тўпурари ва Англиядаги энг ёрқин футболчи. Руни "Манчестер Юнайтед"да 253 та гол урганди. 16 та титул, йил футболчиси каби номлар ҳам унга тегишли. Афсонавий ҳужумчи, майдоннинг исталган нуқтасида ўйнай олган. Бу нарса ҳам Рунини янада бетакрор футболчига айлантиради.
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
