"Манчестер Сити" 2016 йилнинг ёзида, бош мураббийликка Пеп Гвардиола тайинланишини эълон қилганди. Ўшанда мен Тьерри Анри билан Гвардиола ҳақида интервью қилгандим. Тўрт соат давом этган суҳбатдан кейин, ниҳоят телефон гўшагини жойига қўйдим. АПЛ эрасининг энг яхши футболчиси менга Гвардиоланинг режалари ҳақида, хусусан, унинг инглиз футболида инқилоб ясамоқчилигини айтганди. Бу гапни бутун умрини "Арсенал"га, Арсен Венгер жамоасига бағишлаган одамдан эшитиш, ўзгача туюлди. Ҳозир маълум бўлдики, Гвардиоланинг "Барселона" ва "Бавария"да қўлга киритган ютуқлари, уни ўзи хос мураббийга айлантира олади. Анри менга Гвардиоланинг футболдаги қарашлари ҳақида айтиб берди. Унга кўра, мутахассис ҳамма нарсани икир-чикиригача кўра олади. Тактик танлов, бошқарув ва керак бўлган пайтда ҳиссиётлар жамланмаси, Гвардиола мураббийлик қилган футболчиларни майдонда энг яхши бўлишга мажбур қилиб келади.
Айни дамда "Манчестер Сити" ЕЧЛ, АПЛ ва Англия кубогини ютишга жуда ҳам яқин турибди. Бу нарса 52 ёшли мутахассисни, барча даврларнинг энг яхши мураббийига айлантиради.
"Барселона"даги биринчи мавсумида ЕЧЛни қўлга киритган Гвардиола, бу натижага эришган энг ёш мураббийга айланган эди. У кейинги 14 йилда Англия, Германия ва Испания чемпионатларида жами 30 та титул ютишга улгурди. Уларнинг ичида 10 та лига чемпионлиги мавжуд. Албатта, Гвардиола омадли ҳам эди. Негаки, у давримизнинг энг буюк футболчилари: Месси, Иньеста, Хави, Анри, Левандовски, Нойер Агуэро, Де Брюйне ва Холанд билан бирга ишлаш бахтига муяссар бўлмоқда. Ҳа, у ҳали Фергюсондек кўп лига чемпионлиги ёки Анчелотти каби еврокубокларни ютиб улгургани йўқ. Энг яхши мураббийликка даъво борасида ҳозирги Моуриньо, Клопп ёки ўтмишдан Йохан Кройф, Валери Лобановски ва Эрнcт Хаппель номларини келтириш мумкин. Аммо Пеп бир томонлама юқоридаги номлардан устунлик қилади. Бу нарса Гвардиоланинг мухлислар орасидаги обрўси эмас. Бу нарса унинг футболидаги гўзалликдир. Гвардиола жамоалари шунчаки рақибни мағлуб этмайди, улар рақибларини бутунлай ҳолдан тойдириб таслим қилади.
Чоршанба кунги "Арсенал"га қарши урилган Эрлинг Холанднинг голи "шаҳарликлар"нинг Гвардиола давридаги 995 голи бўлиб тарихга кирди. Бу кетишда якшанба кунги "Фулхэм" билан ўйинда бу рақам 1000 га етиши мумкин. Бечора "Арсенал" Гвардиола жамоаси олдида ўта ожиз кўринарди. Баҳсдан кейин Де Брюйне "Арсенал" учун танланган тактика ҳақида гапирган эди. Унда рақибни мағлуб этиш учун ҳар қандай чора-тадбирлар мужассамлашган. Фақат кучли рақиблар билан эмас, кучсизлари билан ҳам кучли ўйин кўрсатиш, ҳамма клубларнинг ҳам қўлидан келавермайди ("Реал" ва "Барселона"нинг бугунги кундаги қоқилишлари мисол).
Афсуски, Европанинг қудартига айланиб бораётган жамоага яқиндагина футбол қоидаларини бузгани учун 100 дан ортиқ айблар тиркала бошлади. "Манчестер Сити" ишини мустақил комиссия текширишга тушган. Аммо клуб исталган жойда ўз манфаатларини ҳимоя қилишини билдирди. Гвардиола ҳам оммага ўз клуби айбсиз эканини таъкидлаган эди. Аммо испаниялик мутахассис қоидабузарлик ва молиявий жиноятлар содир этилган 2009-2018 йиллар оралиғида, асосан жамоада бўлмаган.
Нима бўлган тақдирда ҳам бир нарса маълум – "Манчестер Сити" футболчилари майдонда бенуқсон ҳаракат қила олади. Биз эса Гвардиола яратган кучли механизмнинг асослари мустаҳкам эканини биламиз. У қўйган стандартларга эса тенглашиш осон эмас.
Марк Ирвин, "the Sun" нашри корреспонденти
ИСМАТОВ Ж.
Матнда хатолик топсангиз, ўша хатони белгилаб, бизга жўнатинг (Ctrl + Enter).
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
